قصيده للسيده ام البنين عليها السلام
تقرأ بطور فزاعيه مربعه
========


عليچ اليوم

لطمتنه حسينيه

تسوين اللطم والدك يبدويه

========

حسينيه عليها الليله لطمتنه

تراهي ام البنين تريد فزعتنه

ماعدها ابنيه تون تگابلنه

ميدان الحزينه يريد حربيه

🟢🟢🟢

هاي أم البنين البيها الكفايه

بيوم الطف ابنها رافع الرايه

وثبتها على جرف المسنايه

وفدوه گال عيني وروحي واديه

🟢🟢🟢

عليج اليوم دمعت عيني هماله

يلنعشچ يون ويريد شياله

وناتچ على الحملو چتاله

دمعاتچ على الحملو مجريه

🟢🟢🟢

على ام الاربعه ولحيل اهدمنه

والطم على الراس وصدري اخسفنه

تستاهل عليها اليوم اجر ونه

كون ولطمة الزينه بعداليه

🟢🟢🟢

الماعدها ابنيه خل نعازيها

وبلطم الصدر كلنه نواسيها

تدير العين وسفه مانخليها

نتگابل سوه للمالها ابنيه

🟢🟢🟢

ابچي علعفيفه بدمعه منثوره

والدمعه على ام الگمر مذخوره

والتلطم عليها دوم ماجوره

شما نطلب تگول الحاجه مگضيه

🟢🟢🟢

الله بلسما للحره علاها

ماخاب الذي بلضيچ ينخاها

هله بام الگمر كلنه فداياها

متقصر ابد يلكلها حنيه

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018