قصيده ثقيله للسيده ام البنين عليها السلام
========


ام الاقمار العفيفه
گطعت الصوت.........

بلمنيه اتعالج
وچنْ بيّن الموت.......

تگول قربت موتتي
من يشيل اجنازتي

وچنْ بيّن الموت.......
چنْ بيّن الموت.......

========

بعينها صدت تراقب عتبة الباب

بحزن ممدوده وتناطر جيت الاحباب

بلكي يمرون بيها اولاد الاطياب

امكم تنازع احضرو هنا يغياب

تنادي زادت علتي
من يشيل تجنازتي

وچنْ بيّن الموت.......
چنْ بيّن الموت.......

🖤🖤🖤

تگول ردتك ياگمر لو طلعت الروح

يمه ويه حسين اخوك ابنعشي اتروح

ياهو يحضرني ويداوي هاي الجروح

وينها اولادي التشيله نعشي مطروح

لو مشيت لحفرتي
من يشيل جنازتي

وچنْ بيّن الموت......
چنْ بيّن الموت........

🖤🖤🖤

ياهو يحضر لو حضر امكم اجلها

ليش ذبيتو على الغربه حملها

غيركم يهل الحميه ياهو الها

ضاع برض الطف رباها وذاك املها

سمعو يمه ونتي
من يشيل جنازتي

وچنْ بيّن الموت.....
چنْ بيّن الموت.......

🖤🖤🖤

من دنا ليها الاجل حارت بامرها

محد من اولادها الليله حضرها

نبچي من دم علمشو خلص عمرها

اه ياظيم العفيغه ياصبرها

خلافهم ياكسرتي
من يشيل اجنازتي

وچنْ بيّن الموت.....
چنْ بيّن الموت.......

🖤🖤🖤

حسين بلصار وجرالي كون يدري

چا اجاني وي اخوته الليله يدري

يمه من يوم المشيت اكسرت ظهري

ريت حزو گبل نحرك يمه نحري

بروحي ضلت حسرتي
من يشيل اجنازتي

وچنْ بيّن الموت.....
چنْ بيّن الموت.......

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018