فزاعيه للسيده ام البنين عليها السلام
========

عطلوها الجنازه

لاتشيلوها

اتاني اولاها الليله يزتوها

========

عطلوها الجنازه تريد واليها

لمن يجي حسين ويوكف عليها

وراية كافل الخدّر تغطيها

وتغطيها / راية عباس

⚫⚫⚫

عطلوها الجنازه الولد تنتضره

تريد على الهظم والنايبه تخبره

وتريد لگلبها من الولد جبره

يجبرونه / گلب المهيوبه

⚫⚫⚫

امكم يلنشامه اليوم احضروها

وشمعات الحزن علگبر علگوها

هاي ام السباع الغاليه اشروها

وشرّايه \ وين الربتهم

⚫⚫⚫

اجتچ ياأم حسن كومي  تلگيها

خلصت كل عمرها بنوح تدريها

على حسين وخواته الزمن گاظيها 

وحزنانه / لحسين ويومه

⚫⚫⚫

تستاهل لطم والنوح وقرايه

هاي الخدمت اهل البيت وفايه

ضحت اربعه وي صاحب الرايه

وممنونه / كلهم لحسين

⚫⚫⚫

نعمين وكفو ماقصرت الحره

بأرواح النشامه وفت الزهره

حزن ام البنين المرمر يفطره

ومحزونه / دوم اعلى حسين

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018