هوسات جنوبيه للسيده ام البنين عليها السلام
========


هاي ام البطل عباس
ربات الوفه حيوها

بكل شده التمر بيكم
متحزمه  تلگوها

تگضيها الحوايج دوم
وللعله يوصفوها

بس ندبوها وبأخلاص
والسفره الها مدوها
.

السفره دوم// تگضي هموم للناس

كلها جربتچ ياااام عباس

ياتاج الكرامه وراهي علراس

يلاسمچ صبح مشعل ونبراس

ومسجلينه // اسمچ بلطف

⚙️⚙️⚙️

الچ بگلوبنه ونه
يامرت الوصي الكرار

مولاتي الوفه العندچ
ابداَ بلخلگ لا ماصار

گبالچ كل وفه خجلان
يوگف يمچ ومحتار

ربيتي لحسن وحسين
اخوه سباع زلم انصار

بيوم الكون// سجلتي البطولات

ام عباس ياتاج النجيبات

يتباهن وبيچ الهاشميات

الچ شارات يلطيبه وكرامات
.

ومشهوده// الكم شارات

⚙️⚙️⚙️

لولادچ ولچ  تاريخ
زود وبالوفه امسطر

ولو يحچي الوفه وينطق
گبالچ يضل متحير

يكتبلچ وفه واخلاص
مو  بلحبر  لا بلدر

شموخ وسمو بعلو اجبال
شنهو الجبل بل اگبر


يادره وفه // وللضيچ منعوته

ام الاربعه وعند الله مبخوته

الچ وگفات بلكلفات منحوته

على حسين وخواته
الروح مفتوته

المكنونه // دره وعند الله


========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018