للزهراء عليها السلام
ابيات شعر القائيه
تصلح نعي كرناوي
========


كتبيلي شعر گلولي للزهراء
كضّيت القلم والگلب يتفطّر

شلون اگدر اوصف بلكلام ابيات
لجل ام الحسن  هيهات مااگدر

شوصف من شعر ستر الله شيوصفوه
شما اكتب احس كلماتي تتبعّثر

بنت المصطفى سر من إلآه الكون
باب الله الچبير وسورة الكوّثر

اليكتب عن محب يعرف غلاته شلون
مريود الدمع من عينه يتفجّر

تذكرت الظلع والباب والبسمار
اكتب والگلب بلگوه يتصبّر

هجمو على الزهره احزاب للشيطان
وينادي وأن وبفعله يتبخّتر

جمع هوه وذيوله الحطب خلف الباب
صفه باب الرساله بنار  يتوجّر

گالوله بخبر متوصي داحي الباب
وگام اعلى الزجيه بحقد يتجسّر

عصرها بحيله لمن كسر الاظلاع
طاحت عقد لؤلؤ علثرى اتطشر

وسطرها بچفه سطره موت ماهاب
محجر عينها من لطمته  احمر

وطير الجنه نام بعتبة البيبان
وتعاين لبنها بقهر تتحسّر

يگطع راد منهم نسل داحي الباب
شمارايد يطفي النور مايگدر

وگف محتار ابو الحسنين مالوم
مكلوف بوصيه شلون
متحييّر

وحگ هوه علي لوما وصيه اعليه
چا خله جثثهم عفنت بلبر

وينك يوسف الزهره غيابك طال
متانين شكثر مولاي ماتضهر

نطرنه هواي حتى الصبر جزّعناه
وملينه الصبر جمدوب نتنطّر

نريد وياك ناخذ ثار  كسر اظلوع
وثار الظل على التربان متعفّر

امروتك هايبو صالح شبعنه احزان
يمهدي اطلعنه بعد مانگدر

من يوم الظلع صبت علينه احزان
ومن اهد السقيفه النايبه تمطر

انشر رايتك وي سيف ذو الفقار
متانينك تجينه بسيفك اليشطر
 
متانينك تجينه بسيفك اليشطر

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018