قصيده مربوعه مهداة للزهراء عليها السلام
===========


تحضر امي لو جبت بنفاسي

شفجه وبعصابه شدت راسي

===========

امي تحضرني ابساعات العسر

تهوّن الصعبه بسوالفه التسر

امي مدت روحها لينه جسر

شفجه و ترچرچ الگلب القاسي

💘💘💘💘💘

ابد ماجازيچ  يا أم الحنان

ياسند للضيچ يلحضنچ امان

امي  ردناها  لعازات  الزمان

امي اعزيزه واعز كل ناسي

💘💘💘💘💘

لو وجعني راسي بچفها الحنين

شدته بمعصبها الاسود الحزين

هيدت روحي شويه من الونين

من طبايعها تحن وتواسي

💘💘💘💘💘

خلافها  والبيت  ما يحلالي

ما اطبن  اذا  ماهي اگبالي

من عمب عيناچ يتلف حالي

ياهوه واتنفسچ بنفاسي

💘💘💘💘💘

عليه  ياما  تعبت  ودارتني

تجيسني  النكبات ماخلتني

راحت امي من وگت عافتني

بلرحيل انهدم صرحي وساسي

💘💘💘💘💘

تبهذل بيوم المشيتي حالي

وفگدت يايمه راحت بالي

البيت منچ يلحنينه خالي

ونجرح من رحتي يمه احساسي


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018