قصيده  للزهراء  بأبي  وأمي
=========


بأبي  أنتي  وأمي  فاطمه

شيعتچ للموت تبقى لاطمه

=========

ابد ماننسه ظلع بنت الرسول

ولانسينه النار لبابچ تجول

ومانسينه صوت فضه من تگول

لحگو كسروها ظلوع العالمه
بأبي أنتي وأمي فاطمه

〰〰〰〰〰

هشمو ظلعچ يبت سيد المله

مثل ما هشمو ظلع بكربله

بلحزن للحشر تبقى مجلله

شيعت الكرار كلها مألمه
بأبي انتي وأمي فاطمه

〰〰〰〰〰

ونزرف صدر الزچيه ام الحسين

طاحت عللگاع تجهر بلونين

تصيح لحگيني يفضه ماتجين

اسگطو محسن وظلعي ورمه
بأبي انتي وأمي فاطمه

〰〰〰〰〰

نبتو البسمار وبوسط الظلع

ضل على طول الزمن ماينشلع

وقالع الباب الذي ما ينقلع

بلوصيه والدمع منه دمه
بأبي انتي وأمي فاطمه

〰〰〰〰〰

ضال ساكت بلوصيه مقيديه

صاح متوصي تره هجمو عليه

والله لوما هلوصيه تدري بي

چان گلباها البطل ارض وسمه
بأبي انتي وأمي فاطمه

〰〰〰〰〰

عليچ مولاتي دمع عيني يخر

انه ريدچ يمي لو منكر حضر

بعد اريد هناك يمي بلگبر

تبشريني بلسعاده والهنه
بأبي انتي وأمي فاطمه

〰〰〰〰〰

والشفاعه نريد من ام الحسين

بيوم لاينفعنه مال ولا بنين

نريد منچ نضره يم گلب الحنين

وتقبليني يازچيه خادمه
بأبي انتي وأمي فاطمه


=========
الى شرف النبي واله الطاهرين
بنية تعجيل الفرج
خادمتة ال البيت  الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018