#قصائد_شهادة_موسى _ الكاضم_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"؟😭السلام على حَلِيفِ السَّجْدَةِ
الطَّوِيلَةِ وَالدُّمُوعِ الغَزِيرَةِ
‌‏ــــــــــــــــــــــــــــــــ😭

موسى أسد بغداد چفّه ينطي مــراد
مايرد زائر مقامه
***
بيك لو ضـــاگت الدّنيا ومــــــا بقالك كل أمل
وما لگيت الضّيج وكتك لامُعين ولاكــــو حل
روح يم باب الحوائج ؛؛؛ والحوائج الها أهل
هناك برض الكاظميّه موســى دكـــتور العلل
ســابع السّادات قاضي الحاجات
كلّه نوماس وشهامه
***
شما تكون الحاجه كلفه تهون والله بحضرته
و مايرد عن بابه زاير بيده ياخـــــــذ حاجته

صاحب السّجده الطّويلـــه لله يدعي بسجدته
يا إلـــــه الكــــون يدعي انطي كل من طلبته
والعلي الدّعواه ينطي مَن ناجاه
هاي من الله كرامه
***
الزم الشّبّاچ بيدك و امســـح الخـــــد والچّفوف
وقره عد گبره الزّياره وبضريحه الزّاكي طوف
و اقسم اعلــــيه بالتّوذّر جسمه مابين السّيوف
و انعه چم بيت اعله زينب راح وبعينك تشوف
مايرد ؛؛؛؛؛؛؛؛ ملهوف بصحنه جاي يطوف
بيده ينطيه العلامه
***

جرّبه و شـــــوف العجايب من تقصده بحاجتك
شرط كون بگلب صافي ويَمّـــــــــــه تعقد نيّتك
غالـــــــيه هواي بحضرته من يعـــــاين دمعتك
دمعــــــــة الخادم عزيزه وما يردها بشــــــدّتك
شگد عزيزه العين الجرت لجل حسين
تبچي سلطان الخدامه
***
ويالتّروح المرقـــده انشد عن مصــابه وغربته
أربعطعش عام الگضـــاها بسجن مظُلم مُــــدّته
و بوســـط طاموره خلّــــص كل حياته الموتته
بالسّم الچّتّال صـــــــابه السّندي گطّــــع چبدته
وبسجن ؛؛؛ هارون موسى ظل مرهون

فطر بالموت بصيامه
***
ظل ثلث تيّام ياكل ســـــــــمّه بحشـــــاه وگضه
وحزنت الدّنيه المصابه وسود اعلـــــيه الفضه
من السّجن سجّانه جـــــابه من نزل بيه القضه
وفـــــــوگ جســــر الكاظميّه ظل امام الرّافضه
بلا عشيره وگوم نعشه ذاك اليوم
بعيد عنّه أهله وعمامه
***
الشّاعر
أبو سجّاد الجعفري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA