#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






انا ام عباس  محنيه الراس وگلبي تفطر
ودم تجري العين اشتاگت لحسين  بلوعه اتحسر
جرح  جرح  فكد الاحباب
₩₩₩₩₩₩₩₩
بعد حسين تعبانه
ماخذ حيلي مجانه
فارغ من انظرة بدمعه واشجان

مابي كل ضوى بيتي
وتريد الهوى ريتي
بي عطر السبط سيد الشبان

بسبب فكد الغوالي اموشله الريه
وحيلي طاح ويه الگاع محنيه
خيط الظنه من ثكل ألالم مكطوع
بجمرات الهجر مالومه مجويه

من صرت تراب   بفكد الاحباب  واللون اصفر
ودم تجري العين  اشتاكت لحسين  بلوعه اتحسر
جرح جرح  فكد الاحباب
##############
خبر من عدهه منتظره
گلبي ظامي شيصبره
ام اشتاگت ويمرد حجيهه

سوده مكدره ايامي
تطشرن كلهن احلامي
ونياط الگلب مابعد بيهه

اليسمعهن نواعيي صفن ونهار
ودمعته تسيل حمره بكلبه شبت نار
المصيبه مو الولدي الاعز منهم حيل
اعز من ولدي الغالي ابو الاحرار

مابطل اونين . ها يبني حسين.   افراگك مكدر
دم تجري العين اشتاگت لحسين. بلوعه اتحسر
جرح جرح فكد الاحباب
###############
اهي ياهظمة الهظمة
اطب لدياركم ظلمه
امس بوجودكم جانت زهيه

يرد بس الصدى يجاوب
ونوحي بروحي ايناوب
كل لحظه وانه اتمنه المنيه

هواي وراحتي وكل واهسي معدوم
گلب امك بدونك ناحل ومهظوم
امشي بيا علي وبيمه يبني حسين
كل حيلي عليك اطشر ومهدوم

جرحك ماطاب.  هو ادهه مصاب.   كلشي تغير
دم تجري العين. اشتاكت لحسين  بلوعه اتحسر
جرح  جرح فكد الاحباب
###############
أعثر بالنفس وابچي
الهظم يخنگني من احچي
في ليله وضحاها اطشرينه

هيبه بيوتكم جانت
حنينه العشرة ماهانت
من گد البعد طحنه وخوينه

طك كلبي وبعد يايوم نتلاگه
ومابطلت دمعتي عليه تفاگه
شاغلني الحبيب المايفارگني
ودووني بعجل لحسين مشتاگه

فوگاي الموت. وانحب بسكوت.  نار اتوجر
ودم تجري العين اشتاكت لحسين بلوعه تحسر
جرح جرح فكد الاحباب
################
صارت حلم شوفتهم
وبعد ماتصح كعدتهم
راح الجان ضاخرته المماتي

عله متونه يشيعني
وبكبري ينزلني
حسين الاغله من روحي وحياتي

ضيعني زماني محيره وحدي
ومسجل عليه من الوكت وعدي
متت چني غريبه ابين ناس اجناب
ولا تحصل متون احبابي من تحدي

ماظل كل صوت.  فاركنه الموت. حلمي اطشر
دم تجري العين. اشتاگت لحسين  بلوعه تحسر
جرح. جرح. فكد الاحباب
############
الخادم عبدالمعين الشمري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA