ساعة زينبيَة ..

بين فترة و فترة گعدي ويّه نفسچ و اسأليها، شنو قدّمتي للسيّدة زينب (عليها السّلام)، بأي جانب مقصرة؟، بالحِجاب؟، بقراءة الزيارة؟، بالحياة الإجتماعيَّة العامّة أكو أخطاء تحتاج تقويم و إصلاح؟. بجانب قراءة الكتب عنها؟، بجانب العزاء و الدمعة؟. شنو الخطأ إلّي احتاج أصلحه حتّىٰ أجتاز مرحلة أقرب للسيّدة..

هيچ جلسة ترتبچ من الداخل و الخارج، تنظّم كلّ ما عندچ من تشتّت و أخطاء و تشبُّث و تعلّق ببعض الأمور السيِّئة، هذا النوع من التفكير يزيد القرب منها، مو علىٰ المستوىٰ العاطفي، بل الأهم و هو المستوىٰ العملي، المستوىٰ إلّي محتاجينه يبرز من الأنصار للناس، و مو شرط الناس الغرباء، و لو علىٰ مستوىٰ الأهل و الأقارب..

إذا العام الفات عندچ أخطاء بالحجاب أو قصور حدّدي وين و زيديه احتشام أكثر، بطبيعة المنشورات غيريها، بطريقة قضاء وقت الفراغ بدلي للأنفع، شخصي موضع الخطأ وين بهذه الجِلسة. حتّىٰ من ناحية الآلام و الهموم و كُلّ ما يشغل تفكيرچ..

-
أزدادي قُرب وحبُ من مَولاتي الحِوراءِ ولِتذهب الدنيا ومِن فيها ألىٰ الفناء.
🌱