‍ قایتار بیزیم قیزیمیزی

یالواریرام  سنه داغلار
اتگینده یاشیل باغلار
سنده اولدوم گوُزل چاغلار

سوفره میزی ،دوزوموزی
قایتاربیز یم قیزیمیزی

سنده واردی آلاله لر
زورلو،سولو شلاله لر
یالواریرام آل لاله لر

سوندورمه هئچ کوُزوموزی
قایتار بیزیم قیزیمیزی


گیلئیلییم سندن شپه
داغیم ،داشیم ،دره ،تپه
قوُیما کولک قاری سپه

تاپانمیریق اوُزوموزی
قایتار بیزیم قیزیمیزی

او هله گون گوُرمه میشدی
هئچ بیر عومور سورمه میشدی
ساچلارینی هوُرمه میشدی

سیلنمریک اوزوموزی
قایتار بیزیم قیزیمیزی

گوُزو یولدا قالانی وار
اورگه نیس سالانی وار
بودونیانین یالانی وار

کسمه بیزیم روزوموزی
قایتار بیزیم قیزیمیزی

سئوگی لیسی آرالیدی
اوریی چوخ  یارالیدی
بو داغلارین مارالیدی

آهومیزی،قوزومیزی
قایتاربیزیم قیزیمزی

حمیده ده کوچدو گئتدی
دارقفسی آچدی گئتدی
او گوُیلره اوچدی گئتدی

کورلاما  بو پوزوموزی
قایتاربیزیم قیزیمیزی

ای اوچوروم سیلدیریملار
داغا دوشن ایلدیریملار
خلقه آغیر بو دوروملار

چیخارت بیزیم گوُزوموزی
قایتار بیزیم قیزیمیزی

یالواریرام قارا تورپاخ
سنده یاتان   کورک یارپاخ
صبیر دئییر منه دور باخ

چوخ قیزارتما اوزوموزی
قایتار بیزیم قیزیمیزی

یالواریریک سنه فلک
ای گوُی زنگی شانلی فلح
یالقیز قالدی میشوو فلک

یئره سالما سوُزوموزی
قایتار بیزیم قیزیمیزی

۱۴۰۳/۱۱/۶
شاعر:@موسی احمدی مرند
همنورد دماوند

دکلماتور:@حمیده امیدخواه(پریا)

میکس و تنظیم:@آرتا

https://t.me/Yadegarami