بهرنیو چارو وزارت د یوې اعلامیې په خپرولو سره د سوریې په خپلواکه خاوره د صهيونيستي رژيم پرله‌پسې بمباري په کلکو ټکو غندلې او د دې هېواد د ازادۍ او استقلال څرګند نقض یې بللې ده.

په یاده اعلامیه کې ویل شوي: «دغه خطرناک اقدام د هغه ناكامې ستراتیژۍ دوام دی، چې صهیونستي رژیم یې د منځني ختيځ په بېلا بېلو هيوادونو کې د خپلو نامشروع اهدافو تر لاسه کولو لپاره پر مخ وړي.»

په سوريه كې د بشار الاسد د نظام له نسکورېدو وروسته صهيونيستي یرغلګر رژیم د خپلو وحشتونو په دوام د یاد هېواد پر خاوره تېری او د یو لړ نظامي تاسيساتو او شتمنيو سربېره یې پر ملكي سيمو بمبارۍ کړې، چې درانه ځاني او مالي تلفات یې رامنځته کړي دي.
#ملي‌تلویزیون