مهند الكبيسي مدرس انكليزي 📚

هذا كل ما تبقى من العام الدراسي الحالي بالتفصيل:

- يوم 4/27 اليوم الأحد.... اليوم #الحالي
- يوم 4/28 اليوم الأثنين
- يوم 4/29 اليوم الثلاثاء
- يوم 4/30 اليوم الأربعاء
- يوم 5/1 اليوم الخميس #عطلة (عيد #العمال)
- يوم 5/2 اليوم الجمعة (#عطلة)

🛑 يوم 5/3 اليوم السبت (امتحان #الابتدائي غير منتهية من الأول الى الخامس الابتدائي) #والمتبفي هو 7 ايام فقط.

- يوم 5/4 اليوم الاحد
- يوم 5/5 اليوم الأثنين
- يوم 5/6 اليوم الثلاثاء
- يوم 5/7 اليوم الأربعاء

🛑 يوم 5/8 اليوم الخميس (امتحان #المتوسطة_والأعدادية للصفوف غير المنتهية " الأول والثاني متوسط/ والرابع والخامس الاعدادي) #والمتبقي هو 12 يوماً فقط.
- يوم 5/9 اليوم الجمعة (#عطلة).
- يوم 5/10 اليوم السبت

🛑 يوم 5/11 اليوم الأحد (امتحانات النهائي الوزارية #للسادس الابتدائي) #والمتبقي هو 15 يوما فقط.

- يوم 5/12 اليوم الأثنين
- يوم 5/13 اليوم الثلاثاء
- يوم 5/14 اليوم الأربعاء
- يوم 5/15 اليوم الخميس
- يوم 5/16 اليوم الجمعة (#عطلة)
- يوم 5/17 اليوم السبت
- يوم 5/18 اليوم الاحد
- يوم 5/19 اليوم الأثنين

🛑 يوم 5/20 اليوم الثلاثاء (امتحانات النهائي الوزارية #الثالث متوسط) #والمتبقي هو 24 يوما فقط .

الخوف من الامتحانات النهائية 💔😰 :

-اكبر مشكلة ممكن تواجهك انت كطالب هي الخوف من الامتحان ، يكون هذا الخوف لعدة اسباب اولها الضغط النفسي🥲(لازم تجيب معدل عالي ، لازم تطلع اعفاء ، لازم ترفع راس اهلك ، لازم ما يضيع تعبك ، وغيرها من الضغوط النفسية)😰

-او يكون الخوف بسبب الاسئلة او المادة (تخاف لان المادة معقدة واسئلتها صعبة)او ممكن يكون الخوف بسبب التوتر او لان ما قاري المادة زين 😭

زين شلون نتخلص من هاي المشكلة ؟ 🥲💗

-اول شيء لازم نقرا بشكل صحيح ونضبط المادة من كل الجوانب ، ولازم بنفس الوقت ما نخاف من اي مادة ولا نتوتر ابداً مهما كانت الظروف 💪🏻❤️🔥

-ثاني شيء لازم نتعلم يكون تفكيرنا ايجابي(يعني افكر اني الامتحان راح يكون سهل وراح اجاوب بشكل كامل ، بدل ما افكر بالصعوبة)التفكير الايجابي راح يساعدنا كلش على زيادة ثقتنة بنفسنا 😇♥️

-ثالث شيء لازم انام زين قبل يوم الامتحان ولازم ناكل زين هم قبل منروح للمدرسة لان العقل🧠يحتاج تغذية حتى يشتغل بطريقة صحيحة ويتذكر المعلومات وكذلك يحتاج نوم وراحة قبل الامتحان 🥱💗

-رابع شيء قبل الامتحان بدقايق نعوف المراجعة لان راح تزيد التوتر علينا وننسى شيء ونحفظ شيء وتصير خربطة بالحفظ عدنا

-خامس شيء والاهم هو التوكل ع الله ونقرا اي سورة او دعاء بقلبنا قبل بداية الامتحان بدقايق 🤍🤲🏻

لا تنسون تشاركون القناة لكل الاصدقاء وبكل مكان حتى الكل يستفاد 😇🫶🏻💗

✨شلون ندرس الفيزياء بنهاية السنة‼️
الي مدوخة الطلاب 😨✨

¹ اول شي جيبو ورقة وقلم وكتبو بيها القوانين كُل فصل بفصله وحتى تسيطر ع فصل تحتاح تحفظ  القانون فـ اكتبه اكثر من مرة حتى يترسخ بعقلك

² الكلاميات حاولو تمثلوها وانتو تقرونها يعني
تتخيلون  المتسعة ع سبيل المثال هي قطعتين ع شكل مربعات مثلا وهكذا بكُل التعاريف وتعاليل والانشطه راح تسهل عليكم فهم المادة بسهولة

³ لا تحلون المسائل اذا ماتنزلون  كُل المعطيات الي بسؤال ، وتفتهمون شنو طالب منكم بالسؤال وتسوي خطة حل من القوانين .

⁴ اسئلة الفصل ركزوا عليها
وبعد كُل فصل تقروا وتكملوا امتحن نفسك وجرب تحل وزاريات المكرررة جيب ملازم وزاريات بدون حلول واگعد حل ✨.

لا تنسون تقرون زين وتراجعون 📝

موفقين يارب ♥️

الوقت المتبقي للامتحانات النهائية والامتحانات الوزارية لجميع الصفوف 👇

من الاول الى الخامس ابتدائي 3-5-2025
11 يوم:1 ساعة:15 دقيقة

▪️الاول والثاني المتوسط تبدأ 8-5-2025
16 يوم:1 ساعة:15 دقيقة

▪️الرابع والخامس اعدادي تبدأ 8-5-2025
16 يوم:1 ساعة:15 دقيقة

▫️السادس الابتدائي تبدأ 11-5-2025
19 يوم:1 ساعة:15 دقيقة

▫️الثالث المتوسط تبدأ 20-5-2025
28 يوم:1 ساعة:15 دقيقة

▫️السادس اعدادي تبدأ 14-6-2025
53 يوم:1 ساعة:15 دقيقة

أسرار الطالب الشاطر 🤓❤️‍🔥 :
1. يعرف شيريد : عنده هدف واضح ، مو داخل بس حتى ينجح وانما يريد يتفوق.

2. ينظم وقتَه ⏰👍🏻 : ما يخلي الدراسة للآخر ، يقسم وقته بين راحة وقراية.

3. يقرأ أول بأول ✍🏻 : بعد كل درس يرجع يراجعه ، ما يخلّي شي يتراكم عليه.

4. يسأل إذا ما فهم 😃♥️ : ما يستحي ، إذا شي ما واضح يروح يسأل الأستاذ أو صديق.

5. يكتب ملاحظات 📝 : بكل محاضرة يكتب النقاط المهمة حتى يراجعها بسهولة 💚.

6. ما يتأثر بالكسالة 🗿💔 : يبتعد عن اللي يضيعون وقت ويحب يسولف بس ويّة ناس تحفّزه.

7. يختار وقت مناسب للقراية ⏰🤓 : يعرف شوكت يكون دماغه صافي ويستغل هالوقت ويقرا بتركيز.

⸻

الطالب الكسلان (اللي مو مركز):
1. يأجل كلشي 🥲💔 : يكول “بعد وكت ما ادرس هسة لحد ما يرسب بالفصل وتتراكم عليه الامور.

2. يغيب هواي 🫣❤️‍🩹 : ما يحضر محاضرات ويعتمد على غيره.

3. يقرا بس وقت الامتحان 🗿👍🏻📝 : يريد يلحك كلشي بيومين ، وبالأخير يتشتت وينحصر حصرة وبعد ما يعرف شيقرأ 🗿.

4. ينشغل بالتفاهات 🥸 : تلفون هواي يستخدم ، طلعات ، سوالف ، يضيع وقت وما يحس.

5. ما عنده هدف واضح 🫥 : داخل للدوام بس حتى يخلص ، مو حتى يتفوق.

6. يتأثر بسهولة 🤯💔 : إذا واحد كَاله “هاي المادة صعبة” يصدك بسرعة وييأس ويخاف وبعد ما يركز ويدرس زين 🫣💔.

⸻

حاول تغير الاخطاء الي عندك حتى تصير طالب شاطر 👍🏻💗🤩

طلاب #الثالث متوسط
تقسيم الدرجات #التقريبي لمادة الاحياء لهذا العام راح يكون بالشكل التالي (حسب كتاب الطبعة الجديدة طبعا):
الفصل الأول (مهم جداً): ٢٤ درجة
الفصل الثاني: ١٠ درجات
الفصل الثالث: ١٦ درجة
الفصل الرابع: ٢٤ درجة
الفصل الخامس: ١٥ درجة
الفصل السادس: ١٤ درجة
الفصل السابع والثامن: ١٧ درجة تقريباً.
الفصل التاسع: ١٤ درجة
الفصل العاشر والحادي عشر: ١٢ درجة تقريباً.

اذا تحس روحك ما مضبط اي مادة شنو تسوي ؟؟ 🌚💗

اول شي تكعد تحسب الافصل الي ما قاريها والافصل الي قاريها
وتشوف منو الاكثر ؟
وراها تشوف الاشياء المهمة الي دائما تجي !!
انت مضبطها لو لا ؟

اذا ما مضبطها ف انت هنا حالتك حرجة
واذا مضبطها ف حالتك انت تعتبر ٨٠٪؜

خطوة ثانية:
تختبر روحك بنسخة اسئلة وتشوف روحك شكد تاخد من ١٠٠
اذا اخطاء هواي وما عرفت تحل شي
ف حالتك حرجة ولازم تقرا اكثر حتى تضبط المادة زين .
واذا حليتهم اكثر من ٧٠٪؜ حالتك زينة بس يحتاج تشوف وين الخلل بيا موضوع حتى ترجع تغطي الثغرات

الثالثة :- وهي تشوف شكد باقيلك وقت ..
اذا هواي يعني اكثر من 30 يوم ف ابدي بالكلش مهم وبعدها المو مهم واخير يوم راجع الكلش مهم

اذا وقت قليل اقل من 14 يوم ، ف اقره بس الكلشش مهم و الي اكيد يجي لا تضيع وقت على الي درجاته قليلة

رابع شي :-
شغل زر معالجة الازمات
وطفي زر القلق والبجي .. واشتغل بذكاء وجهد بس اهم شي تعرفون شنو تقرون مو تبلشون تقرون الاخضر واليابس !! بلشوا بالاخضر واليابس خلو زياده خير💗

كلها هاي تسويها بورقه وقلم حتى تطلع بنتيجة نهائية( وين الخلل وبشكد وقت اكدر اكمل . )

وموفقين يارب طلابنا 💛

الف مبارك طلابنا 🤍🤍
تمت الموافقة على الدخول الشامل

#المن القرار ؟
⭕للطلبة الراسبين بالسعي السنوي وغير المؤهلين

#الطلبة المشمولين ؟
⭕الثالث المتوسط والسادس الإعدادي وبكل فروعه.

#الخارجي مشمولين ؟
⭕في العادة ، طلبة الخارجي غير مشمولين بالدخول الشامل وسيصدر قريبًا الكتاب الرسمي الذي يوضح تفاصيل الدخول الشامل للجميع.

#شوكت امتحاناتهم ؟
⭕بالدور الثاني وليس الاول (بحيث هو هذا يعتبر دوركم الاول)

اكو #دور_ثاني لطلبة الدخول الشامل ؟
⭕لحد الان ماكو قرار رسمي لكن غالبا راح يسوون الكم دور ثاني تكميلي (يعني دورين راح تمتحنون مو واحد) ومع هذا ننتظر القرار الرسمي.

راح تجي الاسئلة #صعبة ؟
⭕هاي كل سنة ينشرون صعبة وصعبة ، ماكو شي صعب طلابنا الي عليك تقرا وتشد حيلك وما تهمل شي وتركز على الوزاريات.

هل تؤيد تعطيل الدوام الرسمي غدا بسبب سوء الاحوال الجوية 🤔

نعم خلي ❤️
لا خلي 👍

#عـــاجـــل

وزير التربية يوجه بالدوام الرسمي لكافة المدارس يوم غد ورفع تقرير بخصوص اي مدرسة تعطل الدوام.

جدول مراجعة للرابع اعدادي + الخامس اعدادي (العلمي + الادبي) للامتحانات النهائية :

سجاجة الجدول يبدي من يوم 4/13 ✨💚

بسم الله نبدي :

١-الاحياء 4 ايام
4/13
4/14
4/15
4/16

٢-الفيزياء 3 ايام
4/17
4/18
4/19

٣-الكيمياء 3 ايام
4/20
4/21
4/22

٤-كردي 2 يوم
4/23
4/24

٥-الرياضيات 3 ايام
4/25
4/26
4/27

- علم الارض (خامس اعدادي) 1 يوم
4/28

٦-الانكليزي 3 ايام
4/29
4/30
5/1

٧-العربي 3 ايام
5/2
5/3
5/4

٨-حاسوب 2 يوم
5/5
5/6

٩-اسلامية 1 يوم
5/7

طلاب الادبي انتوا حطوا التاريخ والجغرافية والاقتصاد بدال الاحياء والكيمياء والفيزياء

ملاحظة / الامتحانات الشفهية لمن تقروها تعتبر مراجعة كذلك للمواد 💞

الي مطلعين اعفاء فردي هم كذلك يكدرون يستفادون من هل جدول ويصيرن عدهم ايام اكثر 🤩🤍

جدول مراجعة للاول متوسط والثاني متوسط للامتحانات النهائية :

طلاب الاعدادية باجر اسويلكم جدول ♥️

سجاجة الجدول يبدي من يوم 4/13 يعني الاحد القادم ✨💚

بسم الله نبدي :

١-الاحياء 4 ايام
4/13
4/14
4/15
4/16

٢-الفيزياء 3 ايام
4/17
4/18
4/19

٣-الكيمياء 3 ايام
4/20
4/21
4/22

٤-اجتماعيات 2 يوم
4/23
4/24

٥-الرياضيات 4 ايام
4/25
4/26
4/27
4/28

٦-الانكليزي 3 ايام
4/29
4/30
5/1

٧-العربي 3 ايام
5/2
5/3
5/4

٨-حاسوب 2 يوم
5/5
5/6

٩-اسلامية 1 يوم
5/7

الامتحانات يوم 5/8

ملاحظة / الامتحانات الشفهية والشهرية لمن تقروها تعتبر مراجعة كذلك للمواد 💞

الي مطلعين اعفاء فردي هم كذلك يكدرون يستفادون من هل جدول ويصيرن عدهم ايام اكثر 🤩🤍

وزارة التربية: لا دخول شامل في الامتحانات الوزارية .

#توجيه

وزارة التربية تدعو الإدارات المدرسية واقسام المديريات العامة للتربيات كافة الى الالتزام بالدوام الرسمي ليوم غد الاحد الموافق ٤/٦ واكمال المناهج الدراسية والحصص اليومية المقررة في الجدول كما معمول به قبل عطلة عيد الفطر المبارك.

يوم غد الأحد دوام رسمي في جميع المحافظات والمؤسسات الحكومية وكذلك الجامعات الحكومية والأهلية