پۀ حقیقت مې سترګې پټې کړلې
پۀ حقیقت کې مې تاوان وکړو

نن له یو چا سره ضِد وۀ نېولم
یاني غیرت کې مې تاوان وکړو

د وړتیا ناا د چاپړوسۍ کار ؤو
پۀ دِیانت کې مې تاوان وکړو

زما د باور یاران بدل ولې شول!؟
پۀ صداقت کې مې تاوان وکړو

د یار پۀ هره ناروا به چُپ شوم
پۀ دې عادت کې مې تاوان کړو

پـــــــــۀ تهمتونو د دنیا ککړ یم
پۀ اَمانت کې مې تاوان وکړو

زما د سترګو وړاندې هر څۀ چُور شول
پۀ قناعت کې مې تاوان وکړو

کلیم الله ذاکر بیا هلته پړ یم
که قیامت کې مې تاوان وکړو