🌹حان موعدنا مع السلسلة الرائعه 🌹.

🎆 إصحي يا نااااايم 🎆

💌 الحلقه السابعة 💌

📢نكمل كلامنا ونعرف ايه هما الملاحظتين دول ومعناهم ايه..💎

👈يبقى نستعين بالله، ونبدأ نشتغل، وبلاش الكسل و الشماعات..
و اللي عايز يتغير و صادق مع الله في كده.. و الله ربنا هيعينه و هيتغير..
و اللي هيدور على مبرر للتقاعس هيلاقي بدل المبرر 100!

☘و الناس اللي عندها امتحانات، الموضع ده مش هيأثر معاهم اطلاقا...
بل هيخليهم في نشاط دائم و يعلي همتهم باذن الله في المذاكرة كمان..

👌يبقى اتفقنا اننا باذن الله هنبدأ نشتغل و نجتهد في الطاعات في الفترة الجاية دي، مش علشان نستعد لرمضان وبس.. لأ.. احنا لازم في نفس الوقت نكون عارفين اهمية الاجتهاد في رجب و شعبان..

*شهر شعبان من اهم شهور السنة*

*بتترفع فيه اعمال السنة كلها لله عز وجل*

💎 فرصة تتوب علشان يترفع عنك فيه تقرير مشرف منور بالتوبة و الاعمال الصالحة.. النبي صلى الله عليه وسلم
بيقول: ( *إنما الاعمال بالخواتيم*) متفق عليه

أنا لو قلت لك ان في تقرير هيترفع لمديرك في الشغل او رئيس الجمهورية عنك..
*يا ترى هيبقى شكلك ايه؟؟*
*يا ترى هتجتهد قد ايه عشان تحسن التقرير ده؟؟*

💡لازم تلحق تطهر التقرير بتاعك قبل ما يرفع لله عز وجل لازم تطهر صحيفتك من ذنوب و معاصي الله وحده اعلم بيها..

💡⁉وتخيل بقى لو تبت،
و تقرير مشرف اترفع عنك للمولى عز وجل

💡⁉تخيل ربنا ممكن يفتح عليك قد ايه ؟؟؟
⁉وممكن يرزقك و يباركلك قد ايه! فرصة عظيمة والله..

⁉و كمان شهر شعبان فيه ليلة النصف من شعبان؛
انت عارف فضلها ايه ؟؟

💎 قال صلى الله عليه و سلم:
( إن الله ليطلع في ليلة النصف من شعبان فيغفر لجميع خلقه الا لمشرك أو مشاحن) صححه الالباني

مش انت عايز ربنا يغفرلك😳؟؟

اكيد طبعا😍..

طب يلا طهر قلبك من اي حقد
ربنا بيغفر لجميع الخلق الا للمشرك و المشاحن المشاحن يعني اللي متخاصم مع حد😤..
💡و علشان كده هنصحك و اقولك:
لو متخاصم مع اي حد سامحه لوجه الله..
روحله و اعتذرله.. واعفو عنه عشان ربنا يعفو عنك،
ومتضيعش المغفرة من ايدك عشان حاجة زي دي
سامح الناس، و خلي
الفترة دي باذن الله عايزين نبدأ بالراحة، ونتدرج في الطاعات، بحيث ندخل رمضان واحنا في مستوى ايماني يأهلنا برحمة ربنا اننا نكون من العتقاء..

🌸ربنا شكور.. و الله شكور
مش معقول هيلاقيك بتستعد وصادق وهيحرمك..!!
ما اتعودناش على كده! احنا اتعودنا على كرم ربنا ورحمته
و حسن ظننا فيه انه هيبلغنا و مش هيحرمنا بفضله و كرمه سبحانه..

*وان قدر سبحانه و تعالى انقضاء أجل اي حد فينا قبل رمضان، يبقى نموت على طاعة و نية صالحة..*

*لازم نعود انفسنا من دلوقتي يا شباب..*

لازم نخلي بالنا من حاجة مهمة جدآآآآآا:
❌اوعى تسمح للاحباط او اليأس انه يتسلل لقلبك لو مقدرتش تعمل اي طاعة!!

💡انت ممكن تحاول من الليلة انك تقوم وتصلي ركعتين و لو ركعتين بالتوبة زي ما قلنا في اول نقطة، ثم نختم بالوتر.. لو عملت كده يبقى جزاك الله خيرا..

😥و لكن لو ماعملتش ؟؟؟؟؟؟؟؟؟؟؟
لو ما عملتش، اوعى تقول انا مش وش نعمة☹
او ربنا لا يريد لي الخير او انه مفيش فايدة مني و الكلام ده!!!!!!!!

❌لا... ابدا.. ده كله كلام شياطين.. عشان يبعدوك تاني..

زي ما قولنا، في الاول هيبقى صعب جدا عليك ركعتين،
لكن مع الوقت هتلاقي هتلاقي التنوافل كلها بقت اسهل ما يكون باذن الله .. اوعى تيأس!!😃👌

👈لو مقدرتش، ادعي ربنا، وحاول تاني و تالت ق عاشر!
وحط في دماغك انه طبيعي جدآآآ انك تلاقي صعوبة في الاول، لكن مع الوقت هتلاقي الامر سهل و يسير باذن الله.. شوية صبر بس في الاول..

💡و لازم تخلي في بالك كمان حاجة مهمة:
( *أحب الاعمال الى الله ادومها وان قل*)

*ربنا يثبت قلوبنا على الايمان و التقوى.. اللهم آمين*

💚 *رمضان قرب.. يلا بقلوبنا الي الله نقرب*💚
══════ ❁✿❁ ══════
#إصحي_يا_نايم
#حياتي_دعوة