صُفيت بهالوضع ضايع ،
تعَبت وتعبّت أهلي
وعلى يا ساعة تِسمع موتي بالجامع
من نفسيتيّ مَليت ، مَلوا مني حتى أهلي
وعلى ياساعه ويشمروني بَره البيت
صُفيت بغرفتي طايح ..
أُم تصيح براسي إعلهَ ابنها المات
وأنتَ تخيل الصايح !
أنه تأذيت وتبديت ، والمراية إكرهَت
وجهي ، خرز وبغرفتي أنطشيت !
شجاها هدومي توجعني ؟
حَتى هدومي مِتغيره
من أريد ألبسها تنزعني
أغاني ، وشِعر ، وكتابه !
من الـ٧ أنطمر واغفىٰ
لأن مابيهَ حيل أبقىٰ
وهاي الناس چذابه !
جسمي مترّس حروزة ،
روحي الذلّت الوادم ..
وكلها تصيح من عدها
هسهَ صُفت مهزوزه !