د فتحو په ویاړ!

ته صبر! نوې اوازې له سنګرونو راځي
فاتح لښکر فاتح زلمي ښار ته له غرونو راځي

عجیبه فتحې دي عجیب د خوشحالیو زیري
مؤمین ولس ته مو پټۍ نور د زخمونو راځي

تا د څیښتن په مرسته کړی دی قیام لالیه
مغرور کسان درته نن ځکه په سوالونو راځي

سیمې یې پرېښودلې ټولې و طالب لالي ته
مات شوی فوج په تکتیکي پر شاتګونو راځي

زموږ تر کلي زموږ ترکوره زموږ ترښاره طالب
إن شاء الله د ناصر رب په نصرتونو راځي

هتکړۍ ماتې شوې دار مسته سلامي وکړله
قیدي یوسف مو له زندانه تر تختونو راځي

ډیموکراسي به ټیټې سترګې ځي(ایاسه)یاره
حکمراني به د خالق د ایاتونو راځي

عزیزالرحمن ایاس
1400/04/21
5:46Pm
@Ayas_Aziz