قناة تكريك السادس

السلام عليكم
شلونكم ان شاء الله الكل يكون بخير وصحة وسلامة

مثل متعرفون صار فترة طويلة تارك القناة
ولكل بداية نهاية
والقناة ادت واجبها على أتم وجه وماقصرنا من سنة 2020 الى 2024
ويكفينا فخر انه قناة تكريك ما استغلت الطلاب بيوم ولا سوينا اعلانات لقنوات او لمدرسين في سبيل المادة رغم العروض اللي تجبنا وانتم تعرفون بهلشيء،
واتعرضنا لكثير تهديدات سابقة من مدرسين معروفين واستمرينا وما رضخنا لمتطلباتهم،

وتكريك فكرة والفكرة لاتموت
واليوم اكو هواي قنوات بنفس المحتوى وما مقصرين، وتگدرون تلگوهم عن طريق البحث (تسريب محاضرات فلان).

احنا خدمنا الطلاب لسنين عديدة بمجال تسريب المحاضرات ويشهد الله انطينا من وقتنا وقصرنا بحق نفسنا في سبيل فائدة غيرنا، والطلاب تستاهل ويتدللون لان نعرف شنو معاناتهم،
وبنفس الوقت اليوم اكو هواي مدرسين ديشرحون باليوتيوب ومغطين عن تقصير بعض الاساتذة اللي حذفو محاضراتهم
وبهلحالة اذن بعد مينخاف على الطلاب..

واجا الوقت اللي ننهي بي هذا المجال بقناتنا وبالايام القادمة راح يتبدل محتوى القناة لـ محتوى ديني ننفعكم به و عسى ان يكون لنا فيه صدقة جارية لما بعد الموت..
واما اسم وصورة القناة راح افكر اما اغيرهن او ابقيهن للذكرى

وكذلك نستمر بنشر كل شيء يفيدكم ك طلاب ونصائح للدراسة سواء سادس او جامعة

وبالنسبة لمحتوى القناة السابق هو باقي 100% ومينحذف منه أي شيء ابداً لان هواي طلاب معتمدة علينا فـ اطمنوا..

ولا تنسونا بالدعاء اذا فديوم استفاديتو من عندنا
وبألاخير مايبقى بس الذكر الطيب …

وتحياتي للجميع
#تكريك

شلونكم ؟ وين وصلتوا

@tsreb_s6bot

محاضرات القواعد حمزة الجابري 2023 الجدد 👇
https://t.me/CRACK_6/2742

محاضرات الاحياء ابو الفضل الساعدي
https://t.me/CRACK_6/604

محاضرات الاحياء ميرزا احمد :
https://t.me/mirza_ahmed


بقية المحاضرات والدورات تلكوهن بالمثبت ضفت مدرسين ومحاضرات جدد
بس تعبو ايدكم شويه كلشي ناشرلكم بالقناة .

#تنويه

طلابنا الاعزاء
في تاريخ 2023/8/7 بعض المنشورات في قناتنا تم حذفها من قبل Telegram بسبب حقوق الطبع والنشر، والبلاغ جاء من قبل عصابة مأجورة في هذه الخدمات
في حال اغلاق قناتنا سوف نقوم بعمل قناة جديدة.

#تعديل #تحديث 2023/8/9
بعد ما تواصلت مع شركة Telegram حول موضوع حذف منشورات قناتي والتهديد بأزالتها، تم حل المشكلة معهم وفهمتهم الامر وان شاء الله قناة تكريك باقية لخدمة طلبتنا الاعزاء.

و بالنسبة للمحاضرات كلها موجودة بالمثبت وكل فترة احدث الروابط وكلشي تمام إن شاء ﷲ.

#مـاكان_لله_ينـمو
#الخـير_يُـثمر_دائمـًا

هاي رسالة اوجهها لبعض المدرسين الجشعين لأن وين ما اروح الگه اعلان دور ثاني بسعر نار ومبالغ بي
اتقوا الله بالطلاب وراعو اسعار دوراتكم الغالية وهي دورات دور ثاني ووقتهن قليل وهنه دورات الكترونية يعني ماراح يكعد ع ظهرك ليش هاي الاسعار الغالية ؟ ترا مو الكل عدها وتكدر تدفع شنو ماشبعتو من دورات الدور الاول؟
سوو شي لأخرتكم تاجرو مع الله ترا الكفن مابي جيوب !
اكو مقولة كلش احبها تگول ( العبد حر اذا قنع والحر عبد اذا طمع )

ماراح تخسر اذا ورا ماتكمل الحجز مالتك وينسد الحجز تجي تفتح دورة للطلاب المتعففة وحتى لاتصححلهم حتى لا يتعذرون ويكولون المساعدين يدورون فلوس تصحيح عمي خلي الطلاب هي تصحح لنفسها، الطالب مجرد يريد واحد يتابع وياه و َيلتزمه ويصيرله واهس، وصدگني الطالب الي عنده فلوس يشترك يمك اول متنزل الاعلان بس الماعنده يبقى يتحسر .. يعني لاعبالك راح تخسر كم فلس اذا سويت مجاني وراح تكبر بعين طلابك ! وياما وياما مدرسين كبار وحالياً نزلوا من عين طلابهم بسبب جشعهم

وثقو بالله اذا كل المدرسين يسوون هيج اني اسد قنواتي واكعد بعد ع شنو باقي ؟ تعب وجهد واستنزاف وقت وصرف فلوس و لا اسوي اعلانات ولا مستفاد مادياً من قناتي وارفض الاعلانات لان ماريد ازعج الطالب ، ولكن الحمدلله مستفاد من دعوات الطلاب المحتاجة وكل دعوة منهم تسوة الدنيا ومابيها والذكر الطيب يكفيني

والمدرس عباله من اسربله اني عندي عداوه وياه ! اني اي مدرس يحتاجوه الطلاب اسربله وخلص واتحده اي مدرس يگول تكريك راسلني او طلب مني شي !

َتذكروا ترا محد صعدكم غير الطلاب، ومثل ماصعدوكم ينزلوكم
انتو مثل بعض النواب ماتفرقون عنهم بشيء ابداً .. بعض النواب يصعدون على اكتاف الشعب وراها يدعبلوهم، وانتو تصعدون على اكتاف الطلاب ووراها تدعبلوهم وتتاجرون بيهم (ماعدا كم مدرس مُحترم وبي خير ونرفعله القبعة وكلمن يعرف روحه)

وتكريك باقي الى ان الله ياخذ امانته.

#أنتهى.

طلاب بالنسبة لبقية المواد تكدرون تعتمدون ع المحاضرات الفوك مسرب دورات دور اول وهنه نفسهن دور ثاني ترا مراح يخترعون منهج جديد ! ولا راح ينطون غير محاضرات...
اي دورة جديدة مامسربها قبل اني راح اسربها
رجاءً لتدزون بالبوت بخصوص هالشي
والله ممقصر وياكم فوك عيوني انتوا.
اضغط ع المثبت وراح تلكه كل المدرسين اللي ابالك واقرا عليهم

👇🏻 هاي دورات الدور الثاني اللي بادين بيهن صار كم اسبوع وناشرهن فوك ايضاً ولكن اكو طلاب متعرف بيهن او ميكدرون يتعبون ايدهم ويتصفحون بـ القناة..

دورة الفيزياء مؤيد سليم
https://t.me/Muaid9222

دورة الفيزياء محمد زياد
https://t.me/mohammed_ziyad9999

دورة الكيمياء احمد سليم
https://t.me/Ahmed_Saleaamm

دورة الرياضيات محمد قاسم
https://t.me/messo122

دورة العربي حسين الغريب
https://t.me/al3rbuhn

واكو دورات لبقية المواد ولكن سربتهن بـ الدور الاول وانتهن، ويكدرون طلاب الدور الثاني يعتمدون عليهن تلگوهن بالمثبت.

ودورات الدور الاول ترا نفسهن ينطوهن لطلاب الدور الثاني ماكو اختلاف !

#أنتهى.