دول 5 حاجات بسيطة لو عملتهم كل يوم الصبح، هتلاحظ الفرق في إنتاجيتك:

1. اصحي بدري:
مش بس عشان تلحق اليوم، لكن لأن الصباح بدري بيكون فيه هدوء وصفاء يخليك تبدأ يومك براحة وبدون استعجال وساعتين الصبح بيعادلوا يوم كامل.
2. صلي الفجر
الفجر هو أول خطوات النجاح في يومك. لو بتدور على السر اللي يخليك تبدأ يومك بروح إيجابية وطاقة متجددة، مفيش أفضل من إنك تبدأ بصلاة الفجر.
3. اعمل تمارين بسيطة:
مش شرط تروح الجيم واعمل رياضة حتى لو 10 دقايق بس. الحركة الصباحية هتساعدك تفوق جسمك وتزود طاقتك لبقية اليوم.
4. حدد أولوياتك:
اكتب 3 حاجات مهمة لازم تنجزهم انهاردة. ولازم لازم لازم يتعملوا قبل أي حاجة تانية
5. خطط ليومك:
حدد 10 دقايق بس كل يوم الصبح لكتابة جدول بسيط لليوم. التخطيط مش بس بيخليك منظم، لكن كمان بيقلل من التوتر ويخليك عارف هتعمل إيه ومتى.
. لو عاوز تبدأ يومك بقوة وتركيز، جرب تبدأ بالـ5 حاجات دول وهتعرف فرقوا معاك قد إيه
صباح الخيرااات
- Ahmed Shawki Tokhi