دولاش گؤزلریمه، دولاش هوشوما
دولاش، سن ائله بیل گؤیلر آغلےسن !
آللاه خیالینا آچیق پنجره
حڪمت چالغیسینا دولاشیقلیسان !

نورسوز ڪهڪشانلار گؤز ایچیر سندن
ایتن قانادیمے قایتار اوچوم من
ایشیق ذیروه‌سےسن هر میصره مسڪن
یوسیف ڪؤینگےتک چوخ عاشیقلیسان!

آغیر قارانلیغین یومروغو مؤحڪم
بیلمیره‌م سن ڪیم‌سن من اؤزوم ڪیمه‌م!
باخ صیفیرده اولساق گه‌ل باغلاناق‌جَم
بیل هر بیر رقَمه یاراشیقلیسان !

ڪاینات هانسے بیر ڪوچه‌دن اؤتور !
یوبانما ، آیاقلان ، قاچ اونا یئتیر
گؤیلَر زَمےسے اول ، اولدوزلار بیتیر
یازیلے چیراقسان، گور ایشیقلیسان . !

#انصارقاداداغلے
🆔➣ @A_shsuz 🍃