سني سئوديم او قدر كي اؤلرم اؤل دئيه سن
ائدرم جانيمي تقديم سن گر ايستيیه سن
گؤزلريوين باخيشي بو اوره یي پارچالايير
سحرين يئلي سنين تئللريوي خوش دارايير
نه گؤزلدي، نه قيامت ائلئیر او قامتين
داها سندن اوزاق اولماق منه يار اولور چتين
من سنه عادت ائديب سندن اوزاق گئدنميرم
اولماياندا كناريندا ، دانيشيب گولنميرم
داريخير اوره ك سني بير گون اگر گؤرنمييم
او گؤزل ساچلاريوي من داراييب هورنمييم
حيرانام قال منه سن ، سن سيز حيات يوخدي منه
قال كي اؤره نميشم اي روح و روان داها سنه