كُنت عند الدكتور من يومين وأنا بطبعي رغاية وعِشرية على رأي ماما بتكلم مع طوب الأرض..
قعدت جنب بنوتة عندها ٢٠ سنة وعندها عُقدة من الزواج فـ قولتلها ليه بس يا سُكر ده الجواز حلو.
وبدأت أحكيلها عن حكايتي مع جوزي وأزاي قصتنا بدأت؟ وأزاي قدر يطمني ويحببني في الدنيا من تاني!
بدأت تتأثر بالكلام وتتفاعل معايا وأنا نقطة ضعفي الناس اللي بياخدوا ويدوا في الكلام دول، دول ممكن أحكيلهم قصة حياتي كلها.!
وبدأت أحكيلها عن أحن موقف مريت بيه أو بمعنى أصح أكتر موقف أكدلي أنه حنين وأنه الراجل الصح.
جوزي عمومًا ظروفه مش أفضل حاجة، في مرة كنت تعبانة والدكتور طالب مني تحاليل بـ ١٥٠٠ وفي شك جامد أني أعمل عملية.. ساعتها كان لا يملك إلا ٨٠٠ جنيه في جيبه وكنا في أمس الحاجة لأكل وشرب ومسلتزمات البيت.
-تاني يوم لقيته بيقولي يالا هنعمل التحاليل!
--أيه ياحبيبي تحاليل أيه؟ أنا هأجل العملية اصلًا لحد ما تتسهل.
-مافيش تأجيل صحتك عندي بالدنيا.
وأتصرف في فلوس (ماكنتش أعرف منين)
نزل من شغله وأخد إجازة مخصوص علشان يفضل جنبي رغم أنه شغله كله خصومات، لكنه مقدر أني ماليش في البلد غيره وأن المسافة بيني وبين أهلي ساعات كتير.
فضل جنبي لحد ما بقيت كويسة وبالصدفة عرفت أنه باع هدية غالية جابهاله صاحبه المقرب من الكويت وده أنا اكتشفته لوحدي هو ماقالش حاجة.. ولما سألت قولتله جبت فلوس منين قالي ربنا فرجها.
الجميل والحنين في الأمر أنه عمره ما حسسني أني تقيلة عليه ولا عمره حسسني أنه مصاريفي كتير، عمره ما أشتكى وأعتقد أنه كان قادر يقولي خدي من أهلك فلوس رغم أنه ظروفهم حلوة لكن هو عمره ما حوجني ليهم ولا عنده نية أنه يطلب من حد ربع جنيه، هو ممكن يصرف أخر فلوس في جيبه عليا، أهم حاجة عنده أني صحتي تبقى كويسة. ❤️
وفاء الشقيري.
قعدت جنب بنوتة عندها ٢٠ سنة وعندها عُقدة من الزواج فـ قولتلها ليه بس يا سُكر ده الجواز حلو.
وبدأت أحكيلها عن حكايتي مع جوزي وأزاي قصتنا بدأت؟ وأزاي قدر يطمني ويحببني في الدنيا من تاني!
بدأت تتأثر بالكلام وتتفاعل معايا وأنا نقطة ضعفي الناس اللي بياخدوا ويدوا في الكلام دول، دول ممكن أحكيلهم قصة حياتي كلها.!
وبدأت أحكيلها عن أحن موقف مريت بيه أو بمعنى أصح أكتر موقف أكدلي أنه حنين وأنه الراجل الصح.
جوزي عمومًا ظروفه مش أفضل حاجة، في مرة كنت تعبانة والدكتور طالب مني تحاليل بـ ١٥٠٠ وفي شك جامد أني أعمل عملية.. ساعتها كان لا يملك إلا ٨٠٠ جنيه في جيبه وكنا في أمس الحاجة لأكل وشرب ومسلتزمات البيت.
-تاني يوم لقيته بيقولي يالا هنعمل التحاليل!
--أيه ياحبيبي تحاليل أيه؟ أنا هأجل العملية اصلًا لحد ما تتسهل.
-مافيش تأجيل صحتك عندي بالدنيا.
وأتصرف في فلوس (ماكنتش أعرف منين)
نزل من شغله وأخد إجازة مخصوص علشان يفضل جنبي رغم أنه شغله كله خصومات، لكنه مقدر أني ماليش في البلد غيره وأن المسافة بيني وبين أهلي ساعات كتير.
فضل جنبي لحد ما بقيت كويسة وبالصدفة عرفت أنه باع هدية غالية جابهاله صاحبه المقرب من الكويت وده أنا اكتشفته لوحدي هو ماقالش حاجة.. ولما سألت قولتله جبت فلوس منين قالي ربنا فرجها.
الجميل والحنين في الأمر أنه عمره ما حسسني أني تقيلة عليه ولا عمره حسسني أنه مصاريفي كتير، عمره ما أشتكى وأعتقد أنه كان قادر يقولي خدي من أهلك فلوس رغم أنه ظروفهم حلوة لكن هو عمره ما حوجني ليهم ولا عنده نية أنه يطلب من حد ربع جنيه، هو ممكن يصرف أخر فلوس في جيبه عليا، أهم حاجة عنده أني صحتي تبقى كويسة. ❤️
وفاء الشقيري.