غزل

د سینې درشل کې بل د جذبې اور ساتم
د جمادات په څېر خاموش خو تاند مي شور ساتم

د ستړي ژوند هیلي چي ګل شي څانګي وسپړیږي
د زړه ګلشن مي د جانان په نوم سمسور ساتم

سپینه جامه چي مي په تن د چي داغداره نشي
زه مي دا سپین لباس له داغ او له پیغور ساتم

له شفقت یې برخمن یمه محروم مي مکړې
زما د ژوند تکیه مي پلار هم ډاډ په ورور ساتم

ګوندې کامیاب او سرفراز شمه محسن احسانه
ځــکه آمــین پر دعاګانو مي د مــور ساتم