حبیبه

څنګ کي د روضې دي په سکون په قرار تېرې شوې
دلته مي څو شپې ستا د وصال په سهار تېري شوې

سترګې مې شوي روڼې دا ارمان مې د زړه وَختی
د رسول الله کلي کوڅو کي په لار تېرې شوې

سوم چې را روان درنه زه بیرته د عجم په لور
دا دبېلېدو شېبې خو سخت ناقرار تېرې شوې

وژني جدايي مې د دنیا رنګونه ورک شوله
ستا تر څنګ حبيبه څو لحظې په تلوار تېرې شوې

یا رسول الله! دعا ده بېرته چي راستون شمه
زړه کې مې جانانه دعاګانې بې شمار تېرې شوې

کله چي دیدن مي ستا په ښکلې روضه ولګید
اوښکې زمامحسن په ګريوان سمي قطار تېري سوې

له مدینې څخه رخصتي