من صباح العاشر لهذا الزمان
ما ضگت بفراكم طعم الامان
خويه يحسين
……… .

خويه يحسين اشتكيلك .. تعبتني الدنيا حيل
عدله ميته نفسه حالي .. الشامت باختك يعيل
بالگبر والدنيا احسها .. بيه كل ساعة تميل
امعلگه روحي بهواكم .. گلي شيصير الدليل

خويه وياكم احساً كلشي راح
ومن صباح العاشر اني ابلا الصباح
خويه يحسين
…………………………… .
حسين يا اغلى امنياتي .. مني باگتها السيوف
مو خيول اعليك روحي .. خويه تتمنى التطوف
عيني لاخر لحظه ضلت .. مارضت غيرك تشوف
وروحي ليهسه بغيابك.. خوف يشمرها خوف

باخر انفاس وندبتك گلبي ذاب
ردت چفك خويه اليهل التراب
خويه يحسين

…………… .
ميته واني باسمك الهج .. ماتعبت من السنين
وانته هم اتون اعرفك .. عالحنينه اشگد حنين
چان عطر الي يزورك .. بيه اشم يهدا الانين
وهسه هم ضليت وحدي .. خويه يوم بالاربعين

كبل حرموا عيني من شوفت ضواك
وهسه حرمو گبري من شمت هواك

خويه يحسين
…………………………………… .

خويه ياعباس انظر .. لندى الفوگ الضريح
هاي كلها ادموع زينب .. عالگبر لمن تطيح
وخاف ماتسمع بچيها .. خويه صد اعلذبيح
تلگه وي اهل المواكب .. اختك باسمك تصيح

عيني تربي اعل الغري واشكي لابوي
هاي الايام اشكثر محتاجه اخوي

خويه يحسين
……………………………
ايوب يوسف الطوكي