الناشر مصطفى المياحي

لأستشهاد ابو طالب

------------------------------------

عم الرسول او نعم منه
راح الذي ينگط محنه
ابو طالب أبو طالب

***
يا ناصر رسول الله يبچي اليوم محرابك
يا ريحت محمد بيك فدوه رحنه لترابك
ضلينه دمع عل كاع مثل الفاكد ابابك



تشگ اكلوبنه الونات والحسره
كل لحضه تمرنه تطلع العبره
يا جرحك صعب مولاي شيجبره


رمز وابد ما نزل عنه
عم الرسول ونعم منه

***

نسويلك مجالس كون كل عام اليمر بينه
محبتك من علي الكرار وبشخصك تعلينه
خل تحزن عليك شيوخ والكون ودواوينه


يا شيخ العرب يمسكت العايل
يل توكف جنت بوجه كل باطل
تستاهل حزن مولاي تستاهل


خل نبچي دمعه واه كلنه
عم الرسول ونعم منه

***

يا كافل محمد بيك الاسلام افتخر كله
يل خليت بل كفار يا مولاي الاف عله
اليحجي اعليك بل موزين لو يستغفر احسله


هذا حنين يسوه الدموع
گلب الموالي اليوم مشلوع
حبه بگلب كل شيعي مطبوع

جنه اليتبعه هذا جنه
عم الرسول ونعم منه

***


من صلبك علي الكرار بيه الناس تتباهه
يل خلفت حامي الجار الناس التحجي تسواهه
مشهوده ألك يا حيد الشجاعه ألك طرواهه


انته الفخر وانته شهامه
بس يمك تلوگ الزعامه
يشهدلك محمد وبكلامه

اليحچي عليه لا ما تهنه
عم الرسول ونعم منه

***

اليوم مكدر الاملاك تعزي حيدره بهايه
هذا الجان للاسلام رمز وصدگ تجايه
وينه ألي حجه ومسا خل يتراجع برايه


نعزي علي وجروحنه هواي
رايح جبير الشور والراي
ونو يشيعه اليوم وياي


اليوم الحزن ونه اعله ونه
عم الرسول ونعم منه

***


الخادم/ حيدر ناجي الدراجي

اي وحگ الراسه مرفوع ابرمح
يابو طالب عنك ايطول الشرح

ــــــــــــــــ

يابو طالب ياعظيم المنزله
يا بذر طلعت ثماره ابكربله
مدحي ياعم الرسول اتقبله

يلعليك امفصله اثياب المدح
ــــــــــ

بغضاً بكل ناصبي وكل جاهلي
يابو طالب رايدك تسمح إلي
أرد اناديلك بسم ( يابو علي )

ياصحيح الغيرك ابداً مايصح
ــــــــــــــ

گال كافر عنك الماعنده اصل
آمنت ، لا انت مؤمن من قبل
ابوكت الاصنام انت دينك مكتمل

ابملة ابراهيم صدرك منشرح
ــــــــــــــ

رادو يشوهون تاريخك لأن
خلفت كاسر صنمهم والوثن
حيدر السيفه بجماجمهم طحن

حيدر المن وجهه شع نور الصبح
ــــــــــــ

طه عنك گال مو اني الأگول
اشما تخلف كلها شجعان وفحول
عن جداره اتكفلت اعظم رسول

يعني بچفوفك بنيت اعظم صرح
ـــــــــــ

للنبي لو ما چنت بالشده جيش
ما يسمونك ابد مؤمن قريش
ناكر افضالك عرفنا اسبابه ليش

ماصخ وكل ماصخ ايعادي الملح
ـــــــــــ

اربعه اولادك دُرر متناثره
طالب وجعفر ، عقيل وحيدره
ابحمزه اخوك ايحگلك اتفاخر تره

السطرته اتأدب شكو الينعد وڪح
ـــــــــــــــ

يابو طالب من حياتك نقتبس
واهم الغربيله ظن يحجب شمس
نحبك ونعشگ علي اليوم وأمس

ياربحنه المثله ما يحصل ربح
ـــــــــــــ
سيد علي عبدالزهره الناجي

يا بو طالب.... دمعي ساجب
فركتك...شوفتك... تصعب عليه
.........................
يا جبل عمري المصابك ينهدم
يابو طالب هسه حسيت اليتم
صح نبي آنه وعشت حرب وسلم
لجن بعدك كلشي فاهي ومنعدم
حيرة حيرة.... ديرة ديرة
من طحت...ما شفت...مثلك هوية
فركتك... شوفتك... تصعب عليه
يا بو طالب
.............................
يا كفيلي أمن الصبى وبيك أقتدي
وكل محاور عمري منك يبتدي
أنته أنته عمي وأنته سيدي
آه يا لوعة مصابي الوحدي
دمعي هامل..... غصني ذابل
ريحتك....صورتك... بعدك منية
فركتك... شوفتك... تصعب علية
يا بو طالب
.................................
من شفت حيدر يميل أبمشيته
كلبي من الخوف وكفت نبضته
شفته محني ونزع بيده أعمامته
كلي     يا   طه     المنيه    وافته
حيلي هده.... شفته وحده
بالدمع... منفجع.... حامي الحمية
فركتك... شوفتك... تصعب علية
يا بو طالب
.................................
يابو طالب أيدي بيده والأهل
بهيده نعشك شلته فوك المغتسل
ويه دفنك كل حلم طاح ورحل
طيحة المدمع على أخدودي همل
يا حسرتي... يا وحشتي
منجرح... منذبح... حلمي المسية
فركتك.. شوفتك... تصعب علية
يا بو طالب
............................
ودعت عمري بوداعك يا فجر
وصرت بين الناس أمشي منكسر
يا كسر كلبي الحلم يصلح جبر
يا بو طالب بعدك شيسوه العمر
بكل قنوتي.... أدعي موتي
وانتضر.... يا فجر... واصفك بدية
فركتك... شوفتك... تصعب علية
يا بو طالب
..............................
خادم خدمة الحسين
الشاعر
محمد الموالي

وبهاي المسيه... نحييها العزيه
يابو طالب يابو طالب
.................................
يا أصل بيت الأمامه وكافله
يا كريم الما يرد جف سائله
ياهو مثلك بالنسب شاخ وعله
أب أمام وعم نبي ويخدم هله
يالكلك كرامة..... تاريخك علامة
يالكلك حميه
يبو طالب يبو طالب
.......................
أنته صح شيخ وجنت مظرب مثل
ألله من صلبك خلق خير العمل
ساقي الحجاج أسمك وارتجل
بوجه كل ضالم وكف صال وحمل
وبنشر الرساله...... للهادي كفاله
وكفاتك أبيه
يبو طالب يبو طالب
.................................
بدمعة العشاك نحيي أمصيبتك
وتعتني الحيدر علي كل شيعتك
توصل وتقره بضريحه أزيارتك
ابابه ننصبها مواكب خدمتك
وانقيم المءاتم.... خادم ينعى خادم
لمصابك سويه
يبو طالب يبو طالب
...............................................
كسرة امصابك يعم المصطفى
حنت ظهر الهادي والنور انطفه
يا جرح حيدر العاش وما شفه
يابو طالب وانته قانون الوفه
يالما ننسه ذكره... بكل مجلس نحضره
خدامك وفيه
يبو طالب يبو طالب
.....................................
يابو طالب يا نبع غيرة وعزم
ماشلت سيف وجنت صاكر زلم
بيك جانت وآدم اتشد الحزم
رغم عمرك شيخ وبعلوا النجم
وبفكدك ولينه... واسينه علينه
والدمعه دميه
يبو طالب يبو طالب
..............................
خادم خدمة الحسين
الشاعر
محمد الموالي

ما شفنه بالعالم شمس .. ابطاموره ظلمه تنحبس
عاش السجين ومات سجانه
موسى بن جعفر عالي عنوانه
☆☆☆☆
قران وايات وسور ٠٠ عاشت سجينه
واحروف من نور العرش ٠٠تزهي ابحنينه
يبچي الحَمام البالسمه ٠٠ النبرة ونينه
تتلاطف الدنيا اذا ٠٠ يعرگ جبينه

للكاظم العالم شهد .. طيب الاصل والمعتقد
والدين جدّه الشيد اركانه
موسى بن جعفر عالي عنوانه
☆☆☆☆
من هاشم ونعم النسب ٠٠ والهادي جده
ابن الغريب المنسلب ٠٠ والضامي چبده
امن اصلاب طيبه وطاهره ٠٠ ومعروف مجده
زاهد وعابد واللقب ٠٠ صاحب السجده

والدنيا شيمتها الغدر .. الطاغوت تبنيله قصر
لاچن محال يصير بمچانه
موسى بن جعفر عالي عنوانه
☆☆☆☆
من نار موسى بيّنت ٠٠ تدوي اوضويه
صارت دليل ومعجزه ٠٠ الكل البريه
ايات عدنه واضحه ٠٠ للجعفريه
وكت الضحه اتسير الشمس٠٠ بالكاظميه

والي يشك ويعترض .. خل ينظر وخل يتعض
وشچم كرامه الموسى راوانه
موسى بن جعفر عالي عنوانه
☆☆☆☆
نور الله ما يطفه ويظل ٠٠ نوره ايتلاله
نور الشمس يابو الرضا ٠٠ وابيض خياله
فوگ الارض لو بالسجن ٠٠ واضح جماله
الله الرفع اسمه وجعل ٠٠ صيته ايتعاله

حريه من وسط السجن .. كسر قيود اهل الجُبن
ومهما تحوك الحيله عدوانه
موسى بن جعفر عالي عنوانه
☆☆☆☆
حبل الظلم مهما طول ٠٠ عاقبته سوده
هارون ما ظله أثر ٠٠ ظل بجحوده
والگضه عمره بالسجن ٠٠ واضح خلوده
اطوف الخلگ ليل وصبح ٠٠ وتبچي القيوده

محتار هارون الرجس .. وانفاسه ظلت تنحبس
اعقول النواصب لسه حيرانه
موسى بن جعفر عالي عنوانه
☆☆☆☆
اخمسطعش عام البالسجن ٠٠ والدمع سچاب
يبچي اعله جده المنذبح ٠٠ وبروحه المصاب
والعمه عباس النفل ٠٠ نيط الگلب ذاب
مجروح من يوم السبي ٠٠ وهل جرح ماطاب
يتخيل اركاض الحرم .. طلعت بخوف من الخيم
ويذكر مخيم توج نيرانه
موسى بن جعفر عالي عنوانه
☆☆☆☆☆
حيدر بشار الدراجي

هالعشگ يكبر.. الموسى ابن جععفر
وافتخر بولايته
~
الكاظميه ياعشگنه ياهوانه امن الزغر
والله يانسمة هواها ينشرح بيها الصدر
اليل بيها ياحلاته ومحله ساعات الفجر
من اصلي ركعه ببها تسوه كل هذا العمر
هايم ابحبها.. بيتي احسبها
گلبي هايه رغبته
~
ساعه لويختنگ صدري لبو ابراهيم اعتني
والزم الشباچ بيدي وراسي ادنگه وانحني
واحچي وياه ابفطرتي وهوه يعرف معدني
مثل عابس أنه حُب الكاظميه أجَـــنّني
ابصحن ابو طلبه.. تسهل الصعبه
جنة الله حظرتّه
~
سابع انوار الامامه موسى ابن جعفر فخر
للسمه شامخ ضريحه وگبر هارون اندثر
ياسجين المثل موسى على سجانه انتصر
الما تمسك ببن جعفر لازم ايعـيد النــــظر

هالگلب هايم.. الحظرة الكاظِم
وبظريحه وگبته
~
العنده علّه ويكظي ليله ابلايا راحه ولا هواد
خله يگصد للزياره لرض موسى والجواد
ايطيب وبچف ايده ياخذ من ابو طلبه المُراد
تسهل الصعبات عنده وتنگظي يمه الشداد
ونعرف الراهب.. صاحب الصاحب
بالشدايد وگفته
~
من تزور الكاظم ادعي لبو صالح بالفرج
والوكت صاير يخوف والهرج عم والمرج
وادعي بارينه يثبتك بهل طريق وهل نهج
هم تجي ساعه ونشاهد نور ابوصالح وهج
ندعي بالحظره..ايعجل امره
وچن قريبه طلّعِتهَ
~
حيدر بشار الدراجي

#موسى_بن_جعفر_عليه_السلام

يبو السجده الطويله او صوت مخنوگ
السجن سویته حضره او ینطي علوگ
--------------
صَنَعتِ السجن مسجد ساجد الِّیل
او حیطانه اتِوَضَّا بریحة الهيل
عله جَرحَك يِنوح الِّيل و الويل
ابزمان الچان نور الفجُر مبیوگ
____
بزمان الچان سیف الحِقِد حاکِم
الذیب عله الفریسه اذیاب عازِم
الظالم یفتِخِر لو چان ظالِم
ولحَگ چان کِلمه اِملَهیَه لِحلوگ
_____
الحَگ چِنِت انت منَوِّر الکون
موسی انت او زمانَک صار فرعون
بسِجِن تِنسِجِن لا ما تُرهَم شلون!؟
و انت الدنیه بِسمک ذَبَّت عروگ
--------------
هالدنیه عِشِتهه بسِجِن و بجور
کالیوم الیِمُرَّک چان عاشور
نور او ابن نور او والد النور
یِموت الِّیل لو مِن نورک یضوگ
_____
یِموت الِّیل من تِسجِد عله تراب
السجن مِن فَيْ خشوعك فَصَّل نگاب
مثِل جَدَّک الأنزَع داحي الباب
ساكت ، بس سكوتك طَلَّع حگوگ
____
ساکت و بسِجِن و مْخَوفِ لأصنام
سكوتك أكلَف امنِ صواب الِسهام
كاليوم اللي عِدهُم مَرهُم ابعام
حارَوْ بيك و انت بظلما مَغلوگ
____
حارَوْ بيك ، ذَلَّو گوم الأرجاس
و انت الوَحَّدَك ما دَنَّگِت راس
لو عایِش بوَکتَک چان عبّاس
چان حسین صِرْت او نَفسَه مَخلوگ
___
چان السیف بیدَک یِخزُر العین
او لو عباس یَمَّک صِرت الحسین
چا خَیِّر بني العباس لَگ طین
او چا سِعر الزلم رخَّصته بالسوگ
__
✍️ نسیم الناصري _ الأهواز

دربك نزرعه مواكب .. رايه تتبع رايه
اليوم يا موسى بن جعفر .. جينه الك مشايه

جنازتك شلناهه
والله متنه وياهه

هالغريب منين؟ إحنه شيعته
جنازتك شلناهه
ـــــــــــــ


عفنه كل بيوت أهلنه .. وجينه بدموع المصاب
الشايب الما گدر يمشي .. اتشوفه من الحرگه شاب
كلشي اله بهالدرب قيمه .. حتى مولاي التراب

بيه نعفر اهدومنه
نصيح يا مسمومنه

هاي دجله ما تطفي جمرته
جنازتك شلناهه

ـــــــــــــ

هاي بغدادك ويخسأ .. الگال بغداد الرشيد
وأنت أقرب من أهلنه .. لا غريب ولا وحيد
شصار لو مره نگلك .. گول مولاي اشتريد

گول واخذ ارواحنه
يا وجه مصباحنه

يالي كلشي ايطيح لوما وگفته
جنازتك شلناهه
ـــــــــــــ


نهر ثاني من دمعنه .. صعد روجه اعله الجسر
وانت ذاك الكلشي عنده وابد ما عنده عذر
من وره السلسله چفك .. تارس الدنيا صبر

ما يرد أحبابه
الخير كله ابابه

لا برد زاده ولا كف سفرته
جنازتك شلناهه
ـــــــــــــ

الما اله بهالدنيا مثلك .. ليل عمره بلا صبح
وانت مو بس چفك.. اسمك .. يمر خيط اعله الجرح
كلشي بالدنيا خساره .. النظره من عينك ربح

يا شريك انفاسي
عايش بإحساسي

الجنه مو بالسمه الجنه بحضرته
جنازتك شلناهه
ـــــــــــــ

بالدرب ندعي يموسى .. بالعلى الناگه
مشت
هيچ ونشوف أبو صالح .. هاي كون الهه بخت
يركض ودمعته عينه .. وعالجسر ناره دوت

وفاطمه بدموعهه
تلطم اعله ضلوعهه

مبين الفاگد عزيز بمشيته
جنازتك شلناهه
ـــــــــــــ

أحمد هادي الشمري

فوك الجسر ظلو ينادون
هذا الامام الجان مسجون
هذا ابن اشرف ساده بالكون
خلص سنينه بسجن هارون
&&&&
موسى ابن جعفر ابن الاطياب
لا اهل يمه وماكو احباب
مو بالسجن خلو بسرداب
جرح السلاسل ابد ما طاب
&&&&
ظل النعش عالجسر مطروح
كم جرح مولاي انت مجروح
يضربك السندي وچان مسموح
من السجن ما بيك ابد روح
&&&&
اطيبه اليشكي منكم مرض بي داي
تره من السجن هل صبح بي داي
متت والسلسله بالنعش بي داي
وصلت للعظم بچفوف اديه
&&&&
علي جبار الكعبي
الفاتحه لوالدي

مولاتي زينب ع

شلعان كلــــــــــــبي من الحبهم
ضاع العـــــــــــمر دمعه بدربهم
عنهم رحـــــــت والدمعه بالعين
ماحـــــــــــن ولا رف شو كلبهم

يــــــــدرون بيه فراكـــــهم ياذيني
السكنو بعيني هـــــواي بجو عيني
كسرت غصن كسرو كبالي سنيني

ليــــــــــــش الحبه وريـــــــــده  يفاركني
الجان بدمـــــــــــعتي وفرحتي يشاركني

تعال اعيوني مشتاكه العيونك
ــــــــــــــــــــــــــــــــــــــــــــــــــــــــــــــــــــــ


حل مـــــــــــوتي لمن فاركتهم
تعـــــــــــــــبو روحي وتعبتهم
مو قــــصدي اجرحهم بالعتاب
بس جــــــــي احبهم  عاتبتهم

من ضيمي اعاتبهم لئن مهضومه
ليش انه منهم اصبحت محرومه
ماشاف راحه هل كلب من يومه

ياراحه وانــــــــــه الشفتهم بعيوني
من ذبحو حسين احس هم ذبحوني


تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

يفراكهم  حـــــــــــــــط بيه عله
ياهو اليــــــــــكول الفركه سهله
بيه جرح بــــــــــس ضايع دواي
جرح البـــــــــــــعد ياهو اليشله

موبيدي هاي الفركه صارت كوه
ماينحـــــــــمل مر يافراك الخوه
الله ولحد شـــــــوفو بيه شسوه

دمعاتي بالعـــــــين للحسين مشتاكه
فوك تعبي والضيم اجه نوب افراكه

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

انه العـــــــــزيزه الــــــــــدللوها
بــــــــس روحي بالفركه كتلوها
حكي اعتب على اخواني العزاز
غير الاخــــت حكها على اخوها

بالدنيه منهم مـــــــــــــايصح خواني
هاضـــــــــــــــمني يافركاهم وبجاني
مو دمعه فص عيني الوكع بحضاني

زينب تــــــــره انه الكتلني فركاهم
خواني احلى الايام عشتهن وياهم

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

حكي اعمي عيني مـــــن البواجي
لخواني  حلويــن  الـــــــــمحاجي
جانو اخوتي مــــــــــــن يتمشون
عله امتونهم حـــــــلوه الخواجي


ذوله  اخوتي  وهيبتي ونوماسي
عباس وحسين أغلى من انفاسي
زينبهم انـــــــــه الما ادنك راسي

مهيوبه ضليت منو الكال مذلوله
انه اخت الحسين اذلن معقوله

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

لما كان الإمام الكاظم (ع) في سجن الفضل بن الربيع كان الرشيد يراقب حال الإمام بنفسه فأطل يوما من أعلى القصر على السجن فرأى ثوبا مطروحا في مكان لم يتغير عن موضعه فقال للفضل: ما ذاك الثوب الذي أراه كل يوم في ذلك الموضع؟

گَد ما تِجرّع مِحَن وجروح
نَحلان جسمه وذايبه الروح
يشوفونه ثوب بگاع مطروح
وظل يسأل السجّان هارون
""""" """"" """"" """"" """""
هالثوب المَّن ها يسجان ؟
كل يوم اشوفه بهذا المچان ؟
مو ثوب گَلّه بَشَر ذبلان
هذا ابن جعفر يالتنشدون
""""" """"" """"" """"" """""
هذا مِچانه وما يِهدّه
كل يوم سجده اطويله عِنده
مِنّ الفجر للظهر سَجده
ومو يَمنه باله بربّه مفتون
""""" """"" """"" """"" """""
هارون صاح بنَفس ظالم
اي هذا راهب آل هاشم
(الفضِل) گله ان چنت عالِم
ضيقّت ليش اعليه السجون
""""" """"" """"" """"" """""
ظل يدعي والدمعه بعيونه
خلّصني ربي ارجو المعونه
من ظلم هارون وسجونه
وچان استجاب الدعوه مضمون
""""" """"" """"" """"" """""
اطلق سراحه الطاغي فَتره
وللسجن عاده وچان أمره
يضَيقون كون اعلي بكثره
وسجن (الفضل) چان اسهل يهون
""""" """"" """"" """"" """""
لسجن ابن شاهَك جابه يا ويل
وظل ما يمَيز انهار عن ليل
وشدّوه بگيود وزناجيل
وبحيدر گباله يشتمون
""""" """"" """"" """"" """""
يضِيگ الهَوه ويزداد هَمّه
وللباب يدْنَه يريد نَسمه
(السِندي) على وجهه يلطمه
اتذكّر الزهره ولطم العيون
""""" """"" """"" """"" """""
اتذكر الصاحت بويه اغِثني
الگال آنه من صَحبك هضمني
(آمر على عبده وضربني)
ورّم بسوط احقاده المتون
""""" """"" """"" """"" """""
فاطمه ما تنسه الذِكرهه
حضرته بلوعتهه وقهرهه
يم نعشه واتجدّد كسِرهه
وتصيح واويلي يمسجون
""""" """"" """"" """"" """""

ياسر حسن
رجب الاصب ¹⁴⁴⁶

ياموسى ابن جعفر

اليوم فاطم ناحت وي ام الخدر
تشوف راعي المشرعه يم الجسر
گيد سندي ابن شاهك والغدر
تشبه باحزانها اگيود الشمر
اليوم ردت كربله
ورد حزنها العائلة
تنادي ما بين الملا
يا موسى ابن جعفر

……………… ..........
اليوم بال المصطفى رد الزمن
يل مصابك يشبه امصاب الحسن
جابو الجبدك واجو نفس الصحن
توارثو من ال اميه هالفتن

وزينب واحزانها
بيه تشوف اخوانها
الدمعة فوگ اردانها
ياموسى ابن جعفر
……………… ..........

خيل واسياط ودمع نسوه والم
خلص عمرك بالسجن تبچي الخيم
الزمن چم سيف بگليبي ثلم
اعليك سلط ناس ماعدهم شيم

خلص عمرك بس دمع
تذكر اجروح الضلع
وضلع ونينك ينسمع
ياموسى ابن جعفر
…………………… .
لاخر انفاسك چنت بيه تهم
جسر مو مثل الرمل يچوي الجسم
حگي اون لكربله وحرگ الهدم
انت مو كلك فقط رضو جدم

حگي لو ابچي وادگ
حسين خلص بال سحگ
اعذرني يا سابع عشگ

ياموسى ابن جعفر
…………………………
انت للاجيال انطيت الدرس
العاش الحر يموت حر لو بالحبس
دين واستغفار وي عزة نفس
بلا كرامة الدنيا ماتسوه فلس

انت علمت العلم
وفهم للما يفتهم
شلت كل معنى السلم

يا موسى بن جعفر
…………
ايوب يوسف الطوگي

كربله ابطاموره…… 

.… وزن الهجري..........

بيك اشوفن صوره
كربله بطاموره
چن يتامه وغربه ونحور وچفوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

آنه ياموسى ابن جعفر
                    اعرف بگلبك جريح
وادري كل نبضه بوريدك
                   تندب حسين الذبيح
انظر بدمعك يتامه
                    والشمر بيهم يصيح
دمعه چن جمر المخيم
              .تچوي ثوبك من تطيح
.
تدوي من احساسك
كربله بأنفاسك
انـت بالـزنـزانـه.والعسـكر يطـوف
هذا سجنك سيدي ارض الطفوف
كربله بطاموره

ـــــــــــــــــ ❁ ❁ ❁ ـــــــــــــــــ

هذا سجنك غاضريه
                    وانت الحسين الأبي
من اشـوف التـربه انظـر
                       .آنـه تـل الزيـنبي
چن المصـلايه خيـمه.
                    تحمي ايتام  النبـي
انظر بچفك سلاسل
                  يعني كل عمرك سبي
.
هيچي عمر احزانك
يگضي وي سجانك
النـوايـب سلت اعليــك السـيـوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

سجدتك هاي الطويله.
                   شنهي سرها ياتره
تربتك تقره مصيبه
               على حسين ومنحره
انت ساجد يعني حاظر.
                     بالمـدامع تنظره
الشمر من حز  وريده
                 اثنعش مره يطبره
.
يذبح بأنفاسه
بيده شـايل راسه
هالمصيبه بكل فرض انت تشوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

انت نور الله بوجودك.
                  ينجلي كل الظلام
شلون هالطاموره ظلمه.
                     حيرتني يالإمام
ناشدتها جاوبتني
         بكلمه أمضى من السهام
هذا مو ثوبي يسائل
              هـذا دخـان الخـيام
.
آنه اعيش آلآمه
ودوي وي اخيامه
شما  اوصف ما تكفيـني الحـروف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

مايك البلجربه شفته
               عينه تنظر شفتك
يدري ما تتروه منه
            الا تعطـش دمعـتك
والله ماي الدنيا كلها.
              ما يطفي جمّرتك
تنسى عبدالله ورقيه
             لو سكينه وعمّتك
.
تگضي عمرك صايم
يعني حزنك دايم
يلي بابك ماتسـده اعله الضـيوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

كربله بطاموره انظر
                  كلش ونفس الأثر
شمرك السندي ابن شاهك
                  حاضر الحز النحر
بچفك الگيد واشوفك
                   انت عباس الگمر
والي ما يروي اليتامى
                 بعد شله ابهاالعمر
.
زنودك الچتفوهن
يعني هم گطعوهن
بغربتك هم صوبك سهم الحتوف
هذا سجنك سيدي ارض الطفوف
كربله ابطاموره

.
حسن الموالي الفاطمي
.

ميمر



اتوشح ابلون الليل اعله الكاظم اجري العبره
-----------------------
اتوشح ابلون السواد وأنعه
اهل السمه گبلك تره منفجعه
راهب العتره الليله صرنه انودعه

ون الثكاله امن اتون اعليه وبجي ابحسره
------------------------
يارافضي خلي الدمع ينزل دم
ع لي تلوع جبده من ذاك السم
دگ صدرك ابحرگه وابد ماتندم

كل لطمه تنعى المسموم محسوبه يم الزهره
----------------------------
هاليله موسى ايفارگ المعموره
ياحسره گضه عمره بالطاموره
هاليوم دين الله ايتهدم سوره

والمذهب ايصبح ايتيم وليل فارگ گمره
------------------------------
جابوو طبيبه وشيعاها اخباره
بعروگه سمه اوما تصحله جاره
سم ابن شاهك طاف كل اكتاره

جبده تفتت بالسم وبصدره شبت جمره
----------------------------
انفاسه يلفضهه الاخيره جنه
ابطاموره ضلمه روحه فاضت منه
وين اهله شو محد يناشد عنه

طارش اعله اهله ودوه بن جعفر فارگ عمره
--------------------------
شيخ الروافض وسفه هذه حاله
ماله عشيره اتشيعه الحماله
بجسر الرصافه اهل نادوو ماله

ايشيعون هذه المضلوم ويرثو تالي الگبره
--------------------------

علي سليم الحسناوي

ماتنوصف . ام الشرف . مليكت الحب والوفاء
هيه الستر .حملت ستر .وتنست ابعطر الكساء
نور ارتفع .الها خشع .عرش الله وملاك السماء

ام المهدي تندار الشمس اليها
عفه ويستلذ كلشي المحاجيها
دار العصمه وخيام الستر عاشت
ولد ام الجمل طعنو حقد بيها

رحم العفاف ...  ام الستر
بدار الحنان ... عاشت عمر
ام الأمام  ...  الثاني عشر
السلام على مولاتي المليكه
،،،،،،،،،،،،،،،،،،،،،،،،،،،،،،،،،
خط الكرم .الها نرسم .وتعطرت بيها الحيات
ام الفخر .والمنتضر .من فاطمه ورثت صفات
هاي المره .تفرق تره .عن باقي ذيج الأمهات

ام اخر أمام  وصاحب  الطلعه
بشيلة فاطمه المعصومه متگبعه
نرجس والنعم من هل اصل هاذه
طگ صيت الشرف مولاتي للسبعه

ورثت حنان  ... من فاطمه
تمدحها دوم ... اهل السمه
منها الأمامه  ...  الخاتمه
السلام على مولاتي المليكه
،،،،،،،،،،،،،،،،،،،،،،،،،،،،،،،،،
وين النكر .هاذ الستر .ويسولف هواي الزنيم
يرجع وره. الذيج المره .ويفتش الفعل العضيم
يقره فعل .ام الجمل .ضد الصراط المستقيم

اليطعن بيها ماگله اعله ماضيه
بس خل  يگعد  ويفتح  بخاريه
يقره شجم حديث الحرمه من عدهم
من عدها  انولد  دين  الوهابيه

نرجس سراط ... اهل الشرف
ستر النساء   ...  منها انعرف
بيها وعلي    ... حتار الوصف
السلام على مولاتي المليكه
،،،،،،،،،،،،،،،،،،،،،،،،،،،،،،،،،
نور نوهج .عطر نمزج .مولاتي وي عطر الأمام
در الشيم .جابت نجم .مايگدر يحجبه الضلام
سر العزم .والمنتقم .من يضهر ايعم السلام

باجر يطلع المهدي ويهل ضيه
ياخذ ثار عمته المشت مسبيه
وصحاب الكهف بالطلعه تتواجد
وزينب عمته ترجع موش مسبيه

باجر ضهوره .... المنتقم
والكوكب يضل .... مزدحم
بجفوفه ثار   .... اهل الخيم

العبد ابوفايز الرافضي

تجليبه



أسد بغداد ياوسفه گضه مسموم
جثه امگيده ومنهه تسيل ادموم
---------------------------
ياوسفه اعله بن جعفر گضه بالسم
سِكن نبض الارض كلشي صبح معدم
اعله راهب ال طه النايحه من دم

بجت عين السمه وصبر العرش مهدوم
---------------------------
طفه نور الهدايه ومَهبَط الرحمه
حجاية الله موسى ومَنزِل النعمه
إمام الرافضه ياحيف بالضلمه

بطاموره گضه كل العمر مهموم
---------------------------
موازين الوجود اصبحت مختله
وكلشي يعبد الله اعله الجسد صله
بگلوب الروافض نايحه خله

وكون ابأسره ينعى ايصيح يامضلوم
---------------------------
من سجنه تشييع غربه اليشيعون
نعش اشرف جسد حراس الي ايحملون
الوجود اشلون يتخله اعله جسر اشلون

وهوه الكون كله ابصايته ملزوم
---------------------------
على جسر الرصافه اجنازه تركوهه
وعلى منضر العالم هيجي خلوهه
وين اهله ينادي مايشيعوهه

وحشه اجازته ومن الاهل محروم
---------------------------
مشه ابن الاطايب لوعته ابگلبه
غريب امن الزغر وبموتته غربه
ابتده عمره ابصعب ونتهه بالصعبه

خلصت بالمصايب دنيته ومهضوم
---------------------------
علي سليم الحسناوي

حينما استشهد إمامنا موسى بن جعفر
كان عمر السيدة المعصومة ٨ أو ١٠ سنوات فلها أنين على فراق أبيها .


فزت أبيوت المدينة
بونـة من گلب الحزينة
اتون : يبـويه الغُربة ما تنراد ..

يل خذوك وما لَحگنـه
انوادعك يابو المَحنــة
وهسـه گالـُـوا ميّت ابغداد ...

اگول ايرد ... الي الما خيّب اظنونــي
العلي مبعد ... يردلي ابردته لونــي
الك ثــامن ...سنــة يمفارگ اعيونــي..
الأبـو خيمة  ...وانه ابلا خيمة... خلـــونـي

ليلي خَلَص ....دمعة وگلب فاگــد يحنّ
چبت العمر ....كلـه انتظر ،حزن بحزن
المن بعد ..اتنفس ...واشتم هوى
وجانه الخبر..مسموم ابوكـم بالسجن ..
•••••••••••••••••••••••
اعله الدموع اتگابلينه
كل گلب بويه ونينه
اتيتميـنه وماتت البسمات

ميّت أنتَه وما دريـنه
عالجســر طايح ولينه
وحـدك وعينـك تصب دمعات

غريب ايظل ..الما عنده أهل تحضر
يخلونـك ....حرام اعله الجسـر بالحر
يصب دمك ...وتمـر بيك الخلگ غربـة
ولا واحــد ...يمك گلبــه يتعثـر

گلبي انكسر ... كسرة غصن ما ينجبـــر
أغلى بشـر ..... بگيوده مرمي اعله الجسر
بيك اذكرت ....جدي الغريب بكربله
ظل عالترب .... وبس الحوافر بي تمر
••••••••••••••••••••••
ياهو التمنيته عندك
بالسجن بويه اليوسدك
من ابقيت اتصارع اللوعات

بويـه ساعــة احتضارك
يا حزن مر  ابديارك
ابهاي دارك ما ضون شماعات


انعصر گلبي ... وصحت يا بويه متلوعـة
وعلي فزت .... المدينة وجفـني صب دمعة
بدمع عيني .... انطفت يابويه چم شمعة
يتيمة اصبح......بزغر اسنيني شبسـرعة

ما مر صدى ...منّي وإجالـك للسجن ؟
بويه صحت ...واسمـع : يفاطم گلبي حن

ليش انحرم ...من والدي الكل هلا
يا هو البعد ....يمسحلي دمعات الجفن
•••••••••••••••••••••••
للرضا اصبح نظرنه
مثلك ايبارينه كلنه
ولن خذتني اويه الحزن آهات

ياهو ظل العمتي زينب
من بقت بويه اتعذّب
وكل أخو بشهگة حوافر مـات

تدير المن ...نظرها وكل أخـو طايــح
وتصيح ومن ..الهضم كل صوتها رايح
وحچي جارح ...يسمعوها ونظـر جارح
اشبقه بيها ...وجـفنها امن الدمع شابـح

فوگ الهزل ...يسبوها والوادم غرب
ومن الحبل ...مجروحة والدمعة تصب
بدار الهضم......وحال التظل ابلا أهل
تموت ابقهر..... وذايب حزن بيها الگلب


اللّٰهم بدموع الإمام موسى بن جعفر وضراعاته المتصلة عجل لوليكَ الفَرجَ

قاسم المالكي

@HxzEU1