غــزل
جګړه چې ختمه شوله حس مو کړلو خوند د حریت
آرام ویده شوو سـر مـو کېښود په مړوند د حریت
په ځان مـو کَش کـړ د سکون څادر دمه شوو پکې
عجیبه خـوږ دی او لـه کیفه ډک دی ژوند د حریت
تللي مـرغان هـم را ستانه شول خپلو ځالو ته ټول
وایـي نغمې ، نغمې ، نغمې، پـــه غـږ بلند د حریت
پـه پـاک مؤمن افغانستان کې ټولو سـاه واخیسته
چې لـه کلو پس شو آفتاب پرې راڅرګند د حریت
چـې راستــانه شــول مهاجـــر احسان الله عزیره!
تــه باور وکړه چې شو زیات لِذت څو چند د حریت
احسان الله عزیر
