كنت دائماً حب أي شي منك ..
حتى تصرفاتك المزعجة يلي حكيت عنها كذا مرة ، حتى برودك وقت لازم تكون ملهوف ، حتى الجرح حبو لانو منك ، لدرجة حبيت قلة الإهتمام والتجاهل لانو منك ..
وأنا يلي بحياتي كتار بس عميت عيون قلبي عن الكل لَـ شوفك الكل ، بس أنت ما شفتني ..!!
كنت عصب عليك أبعد قلك ما بدي ياك بعدها أرجع لحتى ما أكسر بخاطرك ، ولحتى ما أكسر بخاطرك ما بقي عندي خاطر لَـ ينكسر من كتر ما كسرت ..!!
بالنهاية تعبت ، ومتل أي عاشقة عميّ على قلبي حبيت التعب لانو منك ..
بس لأي وقت ممكن أصبر عليك وأنت بإسم الحب رضيان تتصرف تصرفات سيئة ..؟!
لأي وقت متوقع أتحمل كل هاد الشي لانو منك ..؟
وليش ما عم تفكر بأنك إذا ما غيرت من حالك عم تخليني أتغير ، وباليوم يلي راح أتغير فيه مش راح شوفك بـِ قلبي ..
راح كون شايفة بنفور شخص كان واقع بـِ مصيبة وخلص منها ولو شو ما صار مستحيل يرجع يعملها ..!!
راح انفرك وقتا والنفور أصعب من الكره ..
راح انفرك وقتا ولَـ وقتا ، راح تحاول تحبني صح ..؟!
راح تحميني من حالك وتحتوي حالي التعبان ..؟!
ولا جاهز للبعد وبعد البعد الندم لأنك خسرتني ..؟!
وبالنسبة إلي أنا جاهزة ضمك ، لأنك طفل قلبي ..!!
بس أنت جاهز تحس بأني عم حاول ما فل وتتمسك ..؟!
يا طفل قلبي ، لا تكون ولد عاق ..🖤