- ست الريد ..♥️

" ما وريتك، يوم إنت غياب إتلم الشوق. ♥️🌍"

غيابك عني بقى زي صمت طويل في نص الليل، ما فيهُ صوت ولا همسات، بعد ما إفترقوا في الليلة الجمعهم فيها القمر، كانت المشاعر ما زالت معلقة في الهواء، كأنها منتظرة كلمة أخيرة، همسة تشيل طبقات الصمت الكانت حاجز بين قلوبهم.. وهو، في منتصف الليل، قاعد جنب الُشباك، مسك تلفونهُ، وكتب.

قال :

"في حاجات في الدنيا بتبدأ وما بتعرف كيف تنتهي.. في ناس بنقابلهم، وما بنعرف كيف فضلت جزء مننا.. وفي حُب، مهما الزمن مشى، بفضل متغلغل في الروح، يتنفس معانا، يسرق مننا النوم، ويخلينا نشتاق بدون ما نقدر نوقف الشوق، ودا الحُب البعرفوا بيني وبينك.

أنا ما عايز أسأل ليه إفترقنا، وما عايزة أفكر كيف رجعنا، كل البهمني هسه، إنه أنا وإنتي.. لسه بنحس.. ولسه لما بنعاين لبعض، الماضي بعاين لينا، ويبتسم.

عارفة..؟

في اللحظة دي، رغم كل شيء، رغم العتمة البفرشها الليل، رغم المسافة، أنا حاسي بيكِ.. حاسي بصوت أنفاسك و إنتِ بتقريء الحروف دي، حاسي بي رعشة إيدك لما تمسك الموبايل، حاسي بيكِ و إنتِ ساكتة.. لكن عيونك بتقول ألف حاجة.

أنا ما عايز وعد، وما عايز تبرير، وما عايز نرجع لنفس الأسئلة.. كل البهمني هسه.. إنك تعرفي إنو لسه عندك حتة في قلبي.. وحتة في الزمن الجايي.. ولو الحُب، بقدر ينتصر على كل حاجة.. فأنا مستعد أصدق إنو بيني وبينك، في شيء ما بيتغير.

تصبحي على خير.. لو نمتي.. ولو ما نمتي.. فتعالي في أحلامي.

الليل كان هادئ، لكن ما كان فارغ.. كان مليان بذكريات ما بتنوم، بمشاعر ما بتنطفئ، وبشوق ما بتكلم لكن بصرخ بين الضلوع.. و هي برضو كانت قاعدة جنب الشُباك، والتلفون في إيدها، أصابعها بتتردد فوق الشاشة.. كيف تكتب شيء يقدر يشبه الوجع الجميل العالق في قلبها، كيف تحكي عن إحساسها بدون ما تخاف من الرد، لكن في النهاية، الحُب كان أقوى من الخوف.. و المسج وصلها، فكتبت.

إنت حسّيت..؟
الليلة لما مشيت، حسّيت بي الفراغ التمدد بينا، حسّيت بالمسافة الما قدرنا نملاها بالحروف، حسّيت بالوجع الواقف فوق أكتافي وكتافك، ساكت، لكن أتقل من كل الكلمات الما قلناها.

أنا الليلة عايزة أقول ليك الحقيقة، بدون خوف، بدون محاولات للهروب.. الحقيقة الكُنت قايلها إنتهت، لكنها ما زالت بتتنفس بينا.

أنا بحبك.!
ما حُب عادي، مش كلمة بتتقال في لحظة ضعف، مش لحظة حنين مؤقتة.. بحبك بكل شيء فيني، بكل الحاجات البتحصل لي لما أسمع صوتك، بكل الرجفة الخفيفة البتهزني لما تقول إسمي، بكل الهدوء البسيطر عليّ لما تكون قريب، وبكل الفوضى البتخربني لما تغيب.

عارف..؟
كنت قايلة إنه البُعاد بيخلي الحُب يضعف، لكن الليلة إكتشفت إنه الحُب الحقيقي ما بعرف يضعف.. الحُب الحقيقي، حتى لو الزمن لفّه، حتى لو الناس قالوا إنتهى، حتى لو حاولنا نخدع نفسنا ونقنعها إنو خلاص، بفضل جوة القلب، راسخ، ثابت، عميق زينا.

أنا ما عايزة رد، ما عايزة وعود، ما عايزة شيء غير إنك تقرأ وتعرف.. إني لسه هنا، إني لسه بحس، وإنه إنت.. ما زلت الوطن الوحيد البروح ليهُ كل ما ضعت.

و لو جيت إنت في أحلامي، تعال بقلبك كلهُ، ما تجيب نصك بس.. ♥️

#بعض_من_اللطف.

كم نجمه وليل وثواني التوق، والأنس جميل..!
الأنس جميل، واتذكرناك ..❤

متين الزول يفتح الدولاب ويشوف تياب مرتو🙂

أَعني عليّ
فإني عدوي
وقلبي عدوي
وعقلي عدوي
ارزقني من القوةِ؛
ما يكفي لأهزمهم يا رب حتى آتيكَ بقلبٍ سليم!

النفس تميل لمن سيتمسك بها حين يتركها الجميع ، لمن يقاتل من اجلها ، لمن يحتضنها عند كل صعوبة ، لمن يقويها ويثق بقدرتها ، النفس تميل لمن يميل اليها ، لمن يشاركها تفاصيلها ، لمن تلجأ اليه ، لمن لا يتركها رغم سوءها 🖤🪽

وملأت كلي منك حتى لم ،
أدع مني مكاناً خالياً لسواك "❤👑

أحَداهن نائِمه الآن أخبِروها بـ أنَني أُحِبُ عَيناها كَثيراً

ما زمان قبال أسافر..
قلتي لي أوعك تطول..
قلبي دايماً في رجاك...
محال غيرك يبدل..
عشت بعدك كلي ذكرى...
أمسى بطيفك وأقيل 🤎💔
#A.B

ماليـة عـيني كُل ثانيـة بيك حـياتي سعيـدة غاليـة كيف اعيـش انا دون عـيونك كيف افـتش ريـدة تانيـة.🤎💐

اول ليلة حـنقضيها مع بعض في بيت الحـلال أنا هي لا مكان للـواو بيننا، حرفيًا من أجمل ما حـسيت من بين كل شُعور فرحـة بـإستثناء فرحـتنا..

كانت بـالنسبة لي إنجاز عـظيم جدًا لاني واخيرًا فُزت بيها حلالًا، وحـاشاركها كل تفاصيلي من دون خوف وتردد لأنها حـلالي..

بـالجد كانت فترة صعبة جدًا، حـاربت، عـافرت، اتخطيت حـواجز كتيرة.. عشان اصل ليها ومنها ابتعدت عن الحرام رغُم إنو الشيطان بـزين ليك الحرام وانت بتشوفه حلال بس الحمد لله قدرت اتـخطاه..

وإعتزلت الـمُصافحة وبقيت شخص مُتدين، وهي كانت مثلي تمامًا مُـتحجبة، مُتدينـة، لا تُصافـح الا المحـارم..

دايمًا كُنت بدعي بعد فُـراقنا وبُـعدنا عن الحرام وصبرنا عشان حـلاوة الحلال إنو ربنا يجبـرنا جبر عظيم، وفعلًا استجـابت دعواتنا والحمد لله.

عيني مليانـة بيها هي وبس بقيت ما شايف غيرها، حتى لما اكون في مكان عام بتحـاشى نظراتي لـغيرها بس برضوو بكون شايفها قـدامي..

الريـدة البيني وبينها توزن جـبل، حـقيقي ايامي معاك حـتكون ذي ايام الـعيد واحد..

وذي ما قال الـفنان أحمد الشبح: " ماليـة عيني وكيف افكر اهوى غير عنينك واريـد وانت في اعماقي ساكنـة جاريـة في الدم والوريد احلا قصة ريـدة ريـدك وانت لأيامي عـيد بيك لقيت طعم السعـادة وعشت بيك عُمر جـديد.."

بجد كدا انا معاها بقيت شايف الـدنيا جنة والسعادة من حـولي، سحرت عيوني بـجمالها وحنيتها وطبيتها..
محّـت حُـزن حياتي بـعيونها المليانـة سعادة، وقسوة ايامي ونحيبـة، ولـجروحي هي الـطبيبة.

#عند_المُفترق

ليك بـعيش أنا كُل ثانيـة وإنتِ لي اصـدق حبيبة مهما تبعـدنا الليالي حـاسي بيك اقـرب قريبـة.🤎🌷

الدعم النفسي في الأوقات الصعبة لا يُنسى أبداً 🫂❤!!
قال
صحبي بيحكي لي:
قال لي ما أعتقد في الدنيا دي في زول صبر علي وأنا في أسوء حالاتي ذيّها، كان في يدها كل الأسباب عشان تخليني وتكمل حياتها، بس بتفاجأ في كل موقف بتكون متمسكة بي أكتر..

يمكن ليها الفضل بعد ربنا في إني إتخرج، ما خلت أعمال سنة ما إشتغلتها لي، حتى المشاريع والإتندس، أيام الإمتحانات والمراجعات هرش عديل..

وبعترف إني أخدت في حقها وبشاكلها والله وبخرب معاها وش، بس أهو عادي قاعدة ولا مشت..
يمكن إتبرمجت على الحتة دي، حتى لو مشاكلها لا إرادياً بكلمها وبشكي ليها كأنوا مافي حاجة حاصلة..

لما إتكلمت معاها متذكر قالت لي وقتها:
البشر طبعها بختلف، بالرغم من إنسان حاد المزاج نوعا ما، ومهمل بس كنت زول حقيقي جداً..
فكرت إنك بتكون على حقيقتك معاي دا سبب كافي خلاني إتجاوز كل حاجة بتعملها..

كنت بضحك لما نقفل من بعض، أول ما تصل البيت بتكلمني عادي، حتى أيام الكورة لما بترجع قافلة معاك..

عدت الأيام وإتخرجنا..
الأن أنا وهي في بيت واحد وقريباً جداً حنكون 3..

لما سألتو عن سر الإستمرارية دي..
ما إتعودت تخليني لزهجي ومشاكلي، وما إتعودت أخليها لحزنها وأوقاتها الصعبة.

جزء كبير من الإستمرارية مبني على الأوقات الصعبة قبل الحلوة..
الأيام الصعبة هي المقياس لما تلاقي البتقبلك بكل عيوبك وحقيقتك إتأكد إنك إخترت صح.❤

يوم أحببتُك تغيّرت أولوياتي
صارت كُلها ( أنتِ ).