(ورگ نعناع)

اشمعزك وانته لب الب
اشملذك فاهي ومرطب
ينساوة بچر وبتوم
من تالي العمر والشايب محدب
يواهس غجر من اتحب
يالون الشمس والمغرب
ورگ نعناع چنك فايح مشرعب
يراوي وغصنك ايتعب
يخاوي وموسمك متعب
شكد الله بقه بعيونك يرتب
شكد مخمور طينك تجبر اليذنب
بنفسج والبنفسج يحله من ايشب
عبيرك خمر لليطرب
يچنك زعفران اتهب
مكشمش والعذيبي بزلفك ايلعب
يطولك خيزران وتستحي من اتحب
شيفك النده البشفافك مچلب

لـ احمد الزيدي ❤️