#التربية_بالقصة

كانت والدتي بتلقائية بتقول لي: "اللي يتعوض متزعلش عليه"
قلتلها: طب واللي ميتعوضش...!)''
بنفس التلقائية قالت لي: "صاحب العوض موجود"
كنت حابب أسمع منها تاني..
قالت لي طول ما صاحب العوض موجود، قادر يعوضك عن اللي فات بأحسن منه..!
كلمات بسيطة لكن وقعهم على النفس مش بسيط.. ومكنتش محتاج أسمع أكتر من كده..
-"اللي يتعوض متزعلش عليه" ، "صاحب العوض موجود" ..
كل حاجة راحت..
"عسى ربنا أن يبدلنا خيرًا منها"
لو مش هنا!  يبقى هناك في دار القرار ..
"وللآخرة خيرٌ لك من الأولى ولسَوفَ يعطيكَ ربكَ فترضى"
مش هيعطيك بس .. هيعطيك لحد ما ترضى ..!
اعتدل في كل شيء .. إلا في حُسن ظنك بالله ، بالغ ..
فما جزاء حُسن الظن إلا نيل ما تتمنى ♥️