هاتيلى حد يسمعنى بكل وضوح
أنا مدبوح
ومش حاسس بحد السيف
عشان نفس المكان مجروح
عشان خايف من البسمة
وقافل قلب كان مفتوح
انا موجوع ومش موجوع
انا شبعان وميت جوع
وكل حياتى ماكانتشى فى يوم موضوع
مافيش أمنية تتحق
وكلى طموح أشوف فى حياتى غير جملة ماهوش مسموح
هاتيلى حد عشمنى بنبرة صوت
هاتيلى معنى إنساني وخلى الهم ينساني وحزني يموت
وهاتي كل أكفاني أدوبها حلاوة روح
وخلي الفرح كالبلسم ومسكه يفوح
بنام على شوك من الماضي
وحاضر أعمى زى بارود
هاتيلي قطن من شالك وصبغة يود
ده حتى الشكوى ممنوعة
وبخرس لما اجى أبوح
انا قلبي بطل ف الصبر
ولكن مش هاكون أيوب
انا غاوى أوجه نصح
ولكن مش نصاحة نوح
ومش عاشق ولا معشوق
ولا عبلة ولا شيبوب
مانيش بعمل لا خير ولا شر
ولا بمدح ولا ممدوح
وساعة ضجة الأفراح في نفسى بنوح
وبلقى الآمي تستغفر منين مابروح !!
@ShazaAlabratt
أنا مدبوح
ومش حاسس بحد السيف
عشان نفس المكان مجروح
عشان خايف من البسمة
وقافل قلب كان مفتوح
انا موجوع ومش موجوع
انا شبعان وميت جوع
وكل حياتى ماكانتشى فى يوم موضوع
مافيش أمنية تتحق
وكلى طموح أشوف فى حياتى غير جملة ماهوش مسموح
هاتيلى حد عشمنى بنبرة صوت
هاتيلى معنى إنساني وخلى الهم ينساني وحزني يموت
وهاتي كل أكفاني أدوبها حلاوة روح
وخلي الفرح كالبلسم ومسكه يفوح
بنام على شوك من الماضي
وحاضر أعمى زى بارود
هاتيلي قطن من شالك وصبغة يود
ده حتى الشكوى ممنوعة
وبخرس لما اجى أبوح
انا قلبي بطل ف الصبر
ولكن مش هاكون أيوب
انا غاوى أوجه نصح
ولكن مش نصاحة نوح
ومش عاشق ولا معشوق
ولا عبلة ولا شيبوب
مانيش بعمل لا خير ولا شر
ولا بمدح ولا ممدوح
وساعة ضجة الأفراح في نفسى بنوح
وبلقى الآمي تستغفر منين مابروح !!
@ShazaAlabratt