نصيحة عامة لو لسه ماقررتش تدخل مجال التغذية ولا لأ ومش عارف تحدد اذا كان مناسب ليك ولا مش مناسب أول حاجة ماتجريش ورا الشهادات بدون وعي.. المجال كبير ومتفرع والشهادات كتير ومش هتطير ف ماتستعجلش على نفسك.. خد الطريق واحدة واحدة
ممكن مثلا تشوف لك كام كتاب مبسطين تقرأ فيهم
تاخد لفة في مواقع الكورسات EDX او Coursera او Shaw academy او غيرهم تشوف لك فيهم كام كورس مجاني بدون فلوس تعرف المجال دا عبارة عن ايه وايه قصته وايه المبادئ البسيطة اللي لازم تعرفها فيه وايه المجالات بتاعته.
لقيت الدنيا ظريفة شوف لك كورس مدفوع يكون فيه اكتر حاجة شادة انتباهك، وماتقلقش دلوقتي كل حاجة فيها ألف كورس ف ألف مكان اهم حاجة تختار منهم اللي يكون ليه فيدباك محترم عشان ماتخبطش في الحيطة وتبقى رميت فلوسك في الارض، فلوسك أمانة حافظ عليها واصرفها صح.
فلو مهتم بالكلينيكال مثلا شوف كورسات موجهة ناحية المستشفيات واختار منها واحد كويس انزل فيه و انزل تدريب صغير يكشف لك الدنيا اكتر.. لقيت الدنيا حلوة والمجال يستاهل توجه رغباتك ليه ابدأ دور على حاجة معتمدة تسجل نفسك بيها في نقابتك، دبلومة، ماستر، زي ما يكون بقى طالما لقيت شغفك وطموحك فيه اتوكل على الله واشتغل على نفسك واقرأ اكتر وخد كورسات اكتر واتدرب اكتر واكتر وبعد كده انزل اشتغل بنفسك واتعامل.. واتأكد ان ربنا هيرزقك وينصفك على قد تعبك وأكتر.
لكن خبط لزق كده، حد جه قالك مجال حلو وأمّور تقوم م الصبح ضارب ايدك ف جيبك مطلع مليون جنيه و رامي نفسك في ٣ - ٤ دبلومات من سناتر على ناصية شارعكم وعايز من الصبح تقوم تشتغل وتكسب فلوس يبقى اسمه استهبال وسذاجة وشغل مراهقة و هتحرق نفسك وطاقتك من قبل ما تتحرك من مكانك.
خدوا كل حاجة بالراحة وعلى مهلكم عشان تستمتعوا بالرحلة
الرحلة هي الوصول.
تتمسّوا بالعافية.
ممكن مثلا تشوف لك كام كتاب مبسطين تقرأ فيهم
تاخد لفة في مواقع الكورسات EDX او Coursera او Shaw academy او غيرهم تشوف لك فيهم كام كورس مجاني بدون فلوس تعرف المجال دا عبارة عن ايه وايه قصته وايه المبادئ البسيطة اللي لازم تعرفها فيه وايه المجالات بتاعته.
لقيت الدنيا ظريفة شوف لك كورس مدفوع يكون فيه اكتر حاجة شادة انتباهك، وماتقلقش دلوقتي كل حاجة فيها ألف كورس ف ألف مكان اهم حاجة تختار منهم اللي يكون ليه فيدباك محترم عشان ماتخبطش في الحيطة وتبقى رميت فلوسك في الارض، فلوسك أمانة حافظ عليها واصرفها صح.
فلو مهتم بالكلينيكال مثلا شوف كورسات موجهة ناحية المستشفيات واختار منها واحد كويس انزل فيه و انزل تدريب صغير يكشف لك الدنيا اكتر.. لقيت الدنيا حلوة والمجال يستاهل توجه رغباتك ليه ابدأ دور على حاجة معتمدة تسجل نفسك بيها في نقابتك، دبلومة، ماستر، زي ما يكون بقى طالما لقيت شغفك وطموحك فيه اتوكل على الله واشتغل على نفسك واقرأ اكتر وخد كورسات اكتر واتدرب اكتر واكتر وبعد كده انزل اشتغل بنفسك واتعامل.. واتأكد ان ربنا هيرزقك وينصفك على قد تعبك وأكتر.
لكن خبط لزق كده، حد جه قالك مجال حلو وأمّور تقوم م الصبح ضارب ايدك ف جيبك مطلع مليون جنيه و رامي نفسك في ٣ - ٤ دبلومات من سناتر على ناصية شارعكم وعايز من الصبح تقوم تشتغل وتكسب فلوس يبقى اسمه استهبال وسذاجة وشغل مراهقة و هتحرق نفسك وطاقتك من قبل ما تتحرك من مكانك.
خدوا كل حاجة بالراحة وعلى مهلكم عشان تستمتعوا بالرحلة
الرحلة هي الوصول.
تتمسّوا بالعافية.