مَنصة إلهام | صَبا الغَالب

مَـطـر 💚

[ يارب توصلون للمعدل الي تريدوا... ]

#NO_pain_No_gain ❤️

كيفية كتابة إنشاء العربي ✅

🔴كلنا نعرف يتكون الإنشاء من تلث اقسام ، المقدمة مدخل مختصر ومرتب مايعبر التلث اربع اسطر ، واتجنب الجاهزات لان يعرفوهن .

⚪️الموضوع الاساسي ، الفكرة الرئيسية مع التفاصيل وأمثلة ، آية ، حديث ...

⚪️الخاتمة خلاصة معبرة تعبر عن رأيك! ركز رأيك ، أو على الأقل أهمية الموضوع المطروح .

🔴نجيهن وحدة وحدة ، خلي نتفق المقدمة اذا حقيقية مو نسخ ولصق وتبهر القارئ هنا ما راح يدقق يشوفله جم سطر وينطيك الدرجة زينة لان وراه الف دفتر خوما يكعد يقرأ لآخر كلمة ؟
فـ لازم نختار كلامنا زين وموزون وقواعديا مرتب ... ولا تخليها عامة خليها تخص الموضوع مثلاً ➖
"الوطن هو أغلى ما نملك، فهو المكان الذي يحتضن أحلامنا وآمالنا، ويجب علينا أن نحافظ عليه بكل ما أوتينا من قوة."

⚪️الفقرة الأساسية صُلب الموضوع ، اعرف الأفكار بشكل مرتب منظم شي ورا شي ولا تكرر بالكلام ، استخدم أدوات الربط (مثل: بالإضافة إلى ذلك، علاوة على ذلك، ومن ناحية أخرى) ، حتى تبين عندك لغة وسلاسة بالكتابة 🤔 .

⚪️وأكيد دعم كلامك وافكارك بأمثلة أو قصة قصيرة أو آية أو حديث شعر ، بس اهم شي متاكد من نص ناقله صح والشعر مضبوط حافظة ، مو تخترع شي جديد .

⚪️الخاتمة تلخيص سريع للموضوع سواء كان بطرح رأيك أو نصيحة للقارئ ، مثلاً ➖ "إن النظافة ليست مجرد عادة، بل هي أسلوب حياة يعكس تقدم المجتمع. فلنكن جميعًا قدوة للآخرين."

🔴أهم شي لغة والأسلوب ، لغة عربية فصحى وبدون أخطاء نحوية أو قواعدية ، والجمل قصيرة ومفهومة واكيد علامات التنقيط ، فارزة نقاط الحذف فقط ثلاث ... ، نقطة نهاية الجملة طويلة ...
🔴وبنهاية خلي الخط واضح ووسط لا جبير ولا زغير .

هنالك ثلاث شعراء لقبوا بـ القاب :

🕊️حافظ ابراهيم لقب بـ شاعر النيل
🕊️ الجواهري لقب بـ شاعر العرب الاكبر و كذلك بـ نهر العراق الثالث ورد لقب الجواهري الثاني 2023 تمهيدي
3️⃣ فدوى طوقان لقبت بـ شاعرة فلسطين.

وأيضاً عدنا بالمنهج شاعرين نظموا قصائدهم على بحور

🔴 الاول علي الشرقي نظم قصيدته على البحر البسيط الذي يعد من اسهل البحور الشعرية واخفها .

🔴 الثاني أدونيس نظم قصيدته على البحر الكامل لان القصيدة الحرة تميل إلى تكرار التفعيلة المتشابهة في بحور تتألف من تكرار تفعيلة واحدة تسمى بالبحور الصافية ورد 2023 الدور تمهيدي
https://t.me/Mlham00 📱

عندك توتر وخوف اثناء الدراسة ؟
شايفين شعور وأكثر شي يضرب المعدة 🤔 من تقرون وتتوترون ها خاف ما الحك ها فلان گال صعب اهوو الذوبانية اهوو التكامل ...

شلون اقلل التوتر والخوف هذا ؟باوعولي↘️
التخطيط الجيد ، وتحديد جدول زمني بدراستك بحيث يكون عندك متسع لكل مواد وما تقصر بشي ولا تهمل شي ، ويكون بأهداف واقعية هذني نقطتين راح يقللن الضغط عليك (وين كل يوم موضوع ادب أقرا ، وين يوم جمعة مراكمة خمس مواضيع ؟ ) .

اثناء الدراسة هواي ناس تشجع وتأخذ كافيين ومنبهات وصراحة مع كثرتها راح يصيرلك توتر وارق ومشاكل عصبية في غنى عنها ... ، خليك بالفاكهة والماي .

ثالثاً من تحس بتوتر أو وقت جاي يداهمك اخذلك نفس عميق ، مثلاً شراح تخسر ؟ لثواني كفيل ينطي ريلاكسيشن لعضلات جسمك وخلاياه ، اني اليوم اذا اريد طاقة من جسمي إيجابية انطي اوكسجين وسكريات نافعة احصلها 👍 .

وابتعدوا عن كل شخص سلبي او ينطي شعور الخوف أو يحسسكم انتو مو تمام واكو نقص بدراستكم (التوكسك 🙄) .
حتلو جان اقرب شخص عندك ! ، هي كلها جم شهر ابتعدوا بيهن وكونوا قنوعيين حتى لا يتسلط ضغط عليكم لا نفسي ولا جسدي بتالي لا خوف ولا توتر يلوحكم .

خِتامُها ➖ {لَا يُكَلِّفُ اللَّهُ نَفْسًا إِلَّا وُسْعَهَا} لا تفكرون هواي ولا تخوفون نفسكم السادس مرحلة مصيرية صح ، بس اكو مُدبر يشوفكم ويعرف شكد تتعبون ❤️

ومن تحسون بحاجة لمساعدة تلگونه موجودين لالهامكُم ❤️
@Illham2_bot

وراءَ كُل عَظِيم مُحاوَلة .
خُطوة ، شمنتظرين ؟ أبدوا من اليوم صفحة جديدة وأبدوا محاولة جديدة وخطوة جديدة لاحلامكم 🤍 .

"عليـك أن تُـدرِك أنّـهُ ثمّـة خسـارات ليسـت بشڪلها الظاهِـر، إنّما تُخبّـئ بين طيّاتِهـا أرباحًـا خَفِيّـة، تحمـل لصاحبهـا المڪاسِب، وتُضِيـف له، ولا تُنقِـص منه شيئًـا... وقِـس علىٰ ذلك أشيـاء ڪثيرة، عنـدما تَعِـي ذلك جيّـدًا لن تحـزن علىٰ ما لـم تنَلـه، بـل ستتلمّـس العطايـا بيـن ثنايـا المَنـع".✨

''واعلموا إنَّ علمكُم ليس في ورقةِ تنالونها ... بَـل أمة تحيونها " 💚.

امتحان تراكمي للأدب ⬇️⬇️
https://t.me/sadeem42/496