الشاعرة الملة﴿ࢪﺣمة ﷲ تحسين﴾

﴿هوسات للمبعث النبوي الشريف﴾
🦋✨💧🌟💧🌟💧✨🦋
انبعــث سيد الرسل ومنقذ الامه
يخرج البشر من الجور والهظمه
يدخل امته للنور ويزيله الضلمه
﴿تباهينه // ابنور الطافه﴾
🦋✨💧🌟💧🌟💧✨🦋
بعثاه الجليل اليـوم ينقذهم
من الكفر والعدوان يخلصهم
بعد ماكو ظلم ابنور يعيشهم
﴿ومامونه//بحماه الامه﴾
🦋✨💧🌟💧🌟💧✨🦋
الأنوار الرشــد بعثاه الجــبار
ولهاي المهــمه نصبه مخــتار
امفسـر الآيات وعالم الاسرار
﴿ابسراره //علم هادينه ﴾
🦋✨💧🌟💧🌟💧✨🦋
ابعث لينه النبي خاتم رسالات
وسيد الأنبياء وأرض وسموات
وي هذا البعث هوايه البشارات
﴿مبعوثه // بشرئ ورحمه﴾
🦋✨💧🌟💧🌟💧✨🦋
فرحنه ابيوم مبعـــوثك يهادينه
انت أمن الضلم والجور تنجينه
وبيك احنه انتشرف انت حامينه
﴿مولانه//نتباها ابكونك ﴾
🦋✨💧🌟💧🌟💧✨🦋
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

مولد للمبعث النبوي(جايب بشارة)
🕊▁▁▁ 🕊️🍃🕊▁▁▁🕊
نزل جبريل وجايب بــشاره
محمد نبي الامه ﷲاختاره
🕊▁▁▁ 🕊️🍃🕊▁▁▁🕊
نزل جـــبريل وبشارته ويـاه
اعليكم محــمد ﷲ اختاراه
ومن الرجس الباري اطـــفاه
وعلمه علمـــه وكــل اسراره
🕊▁▁▁ 🕊️🍃🕊▁▁▁🕊
نزل جبريل وبشــــر الـعدنـان
ربك نبي اختارك ســيد اكوان
وتخضعلك بعد الإنس والجان
وبيك الكفر تبقى حــــيــــاره
🕊▁▁▁ 🕊️🍃🕊▁▁▁🕊
هاليوم انـــبعـــث طه محمد
خاتم النبوه اختاره الاحـــــد
خير الأنبياء واسمه أحـــمــد
كريم وابو غيره حامي جاره
🕊▁▁▁ 🕊️🍃🕊▁▁▁🕊
عظيــم اليوم مبعوثه نبينه
مخـتاره العلي والي عليــنه
محمد نصـــــبه وضهر دينه
ومهبـــط وحي أحــمد داره
🕊▁▁▁ 🕊️🍃🕊▁▁▁🕊
مهبط للوحي داره وبـــيته
وشافع امته هوه وربيــــته
وسيدة النسه الزهره ابنيته
بالـــدين وعلــــم همه عباره
🕊▁▁▁ 🕊️🍃🕊▁▁▁🕊
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

مولد للمبعث النبوي(صلوا عالنبي)
💫🕌-💫🕌-💫🕌-💫
صلو صلو عالنبي طاهــا
اليوم انبعث وبيه نتباها
صلو صلو //صلو صلو
صلو صلو عالنبي طاهـا
💫🕌-💫🕌-💫🕌-💫
يله سمعونه الصلاة اعله الرسول
ربنه اختار نبــي لديــن اصـــــول
معجـزاته الهادي اتحير العـــقول
كل معجزه ايه وياهـــا
صلو صلو عالنبي طاها
صلو صلو // صلو صلو
صلو صلو عالنبي طاها
💫🕌-💫🕌-💫🕌-💫
مبعوثه رحمه للأمـــم وللــسلام
ﷲ اختاره نبي خــــير الانــــًام
بالمغاره وي الوحي جاي الحمام
من الفرح ريشتـه رفاها
صلو صلو عالنبي طاها
صلو صلو //صلو صلو
صلو صلو عالنبي طاها
💫🕌-💫🕌-💫🕌-💫
ابغار حراء الوحـــي لمـــن نزل
يكله اختارك الــــبــاري ابامـــل
خير خلقه والك مـــحد وصــل
منزلتك محد وصلاهــا
صلو صلو عالنبي طاها
صلو صلو// صلو صلو
صلو صلو عالنبي طاها
💫🕌-💫🕌-💫🕌-💫

خاتم رسالات العلي واعضم نبي
دينه خير الديـــن دينه الذهــبي
حبيب ﷲ مـــــــــــــحمد الابي
روحه ابيه وزينه محلاها
صلو صلو عالنبي طـاهــا
صلو صلو // صلو صلو
صلو صلو عالنبي طاها
💫🕌-💫🕌-💫🕌-💫
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

مولد للمبعث النبوي(اعلن مذهبي)
💎ــــ☆ــــ💎ــــ☆ــــ💎
اليوم مبعوث الــــــنــــبي
وباســــمه أعلن مذهــــبي
💎ــــ☆ــــ💎ــــ☆ــــ💎
انبعث خـــير البـــشــــــر
للناس هــــــادي وفـــخر
شافع ليهم بالحـــــــشـــر
وعله اعناد الناصـــــبـــي
💎ــــ☆ــــ💎ــــ☆ــــ💎
مبعوث للـــعــــالم نذيــــر
هوه مبــشــر وبــشــــــيـر
وأحنه عله دربه اســـــــير
والــــدرب هذا ذهـــبـــــي
💎ــــ☆ــــ💎ــــ☆ــــ💎
خاتم رســـــل والأديــــان
عــــلمــه ﷲ الـــــقــــرآن
وتخضعله الإنس والجــان
والنعـــــم منه الابــــــــي
💎ــــ☆ــــ💎ــــ☆ــــ💎
انـــقـــذنــه ﷲ ابـــنــوره
مــن الـــزمـــان وجــــوره
بيـــه البــشـــر مـســروره
اول اصـــاحــــب العــبــي
💎ــــ☆ــــ💎ــــ☆ــــ💎
مـــــــن انبعث الـــهــــادي
الجبار ابشرو ايـــنـــــادي
ينقذكم أمــن الـــســــادي
العدة يــسبيــها ســــــبــي
💎ــــ☆ــــ💎ــــ☆ــــ💎
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

*🕌مولد للمبعث النبوي الشريف*
*اللهم صـــل عـــلى*
*محمِــد وآل محمِــد*
🌹☘️🌹☘️🌹☘️🌹☘️🌹
*تتشكر الشيعـه مِــن بــاريها*
*بعــــث سيـد الرسـل هاديـها*

🌹☘️🌹☘️🌹☘️🌹☘️🌹
ياحي الله نبينا ابو ابراهيم
من ربنا المعبود ياخذ تعاليم
نحمد ونشكر لطفك يا كريم
دوم التـحيه الطيبه نـهديها

🌹☘️🌹☘️🌹☘️🌹☘️🌹
ونصـلي ونسلم علـه وجوده
هذا نـبينه ايـه مِــن معـبوده
ظهرت عجايب منه بمجهوده
براهينه غير الرب ميحصيها

🌹☘️🌹☘️🌹☘️🌹☘️🌹
نشكر الباري علئ مبعث أحمد
مبعث نبينه وبيه احنه نسعــد
ياربي صلي عـليه طه محمِــد
مِــثل إبـــراهيم اعـليه أصـليها

🌹☘️🌹☘️🌹☘️🌹☘️🌹
كمِـا صليت صلي اعله نبينه
هادي الأمم بيه احنه اهدتينه
وبيوم الحشر يشفع لمحبينه
أمِــتة ابيوم الحشــر يـرضيها
🌹☘️🌹☘️🌹☘️🌹☘️🌹
يا مرحبا بالمنتجب طه الامين
ومن بعده علي يعسوب الدين
والزاجيه الحره ام الميامِــين
دوم بــــــسلام الله أنـحييها
🌹☘️🌹☘️🌹☘️🌹☘️🌹
*تـــمـ بعون الله تعالى ـــت*
*باقـــ✍ـــلام خادمات اهل*
*البيت (عليهم السلام)*

*✍🏻 الشــاعره خادمة محمد*
*وال محمد*
*✍🏻الشاعره رحـمـة اللّٰـه تـحـسين *

لانجيز حذف اسماء الشاعرات
غيـر مبري الذمه كل من يتلاعب
بالقصيده أو ينسبها إليه
*نسألكم الدعاء 🤲*
https://t.me/MAHDE_alzaman

﴿مقطوعات شعريه وابوذيات﴾
للمبعث النبوي الشريف
•──✧◐🕊🕌🕊◐✧──•
مُحمدً يَعبــــــــدُ ويتفكر الاثارِ
ونـــــزلَ الوحي عليهِ في الغارِ
اقرء باسمِ ربـــــــــــــكَ الجَبارِ
﴿صــــلــــوووات﴾
•──✧◐🕊🕌🕊◐✧──•
بعــــدَ الاعتكافِ وسنَ الاربعين
جائــــــوا اليهِ الملائكةُ مُبشرين
انتَ الــــــذي اختاركَ ﷲُ للدين
﴿صــــلــــوووات﴾
•──✧◐🕊🕌🕊◐✧──•
يوم مبعوث النبي يــوماً عظيم
نزلت اياتُ العلـــــــــــي الحليم
محمدٌ نورناً والصراطُ المُستقيم
﴿صــــلــــوووات﴾
•──✧◐🕊🕌🕊◐✧──•
اشرقت الدُنيا مــــن بعدِ الظلام
بِمحمدٌ يـــــــزيلُ ﷲ عنا الغَمام
عليهِ وعلـى الهِ الصلاةُ والسلام
﴿صــــلــــوووات﴾

•──✧◐🕊🕌🕊◐✧──•
﴿ابوذيات﴾
بمبعث النبــــــــــي ننثر....وردنه
نبي ونعم النبـــي نهتف.... وردنه
نصلـــــــي اعليه هادينه.... وردنه
ويشفــــــــــــع النه ابيوم المنيه
﴿صــــلــــوووات﴾
•──✧◐🕊🕌🕊◐✧──•
نبعث للامه ســــــيدنه... وهادي
امين وصادق وخيــــــر... وهادي
اله اهـــــــدي العمر كله... وهادي
واهـــدي امن الگلب اجمل تحيه
﴿صــــلــــوووات﴾
•──✧◐🕊🕌🕊◐✧──•
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

مقطوعات شعريه للصلاة
﴿على النبي وآله﴾لبداية كل حفل
﴿اللهم صل على محمد وال محمد﴾
🎀ـــــــ☆ـــــــ🎀ـــــــ☆ـــــــ🎀
﴿فصيح﴾
يا ال بيــتِ المُصـــــطفى الكرامُ
يا خيــــــــرُ الورى وخـــيرُ الانامُ
انتم حُـــــجة ﷲ علـــــــى خلقهِ
وبكم عرفنا ﷲ الدينُ والاسلامُ
يامن اذهـــبَ ﷲُ الرجــس عنكم
وبذكــــركم تـــزيلُ الالامِ والغمامُ
ياطاهرينَ النسب يا اطباء القلوب
عليكم افضـــل الصــلاةِ والسـلامُ
﴿صــــلــــوووات﴾
🎀ـــــــ☆ـــــــ🎀ـــــــ☆ـــــــ🎀

﴿شعر شعبي﴾
الصلاة اعله الرسول هواي ماجوره
واعظــم ماتــخــلي بجفة المـــيزان

ميزانك يرتفع للـــسمـه لو صـــليـت
ويشفعلك مـــــحــمد سيد الاكــوان

صلي اعله الرسول بعالي الاصــوات
وابغض ابصلاتك الطاغيه الـعـدوان
﴿صــــلــــوووات﴾
🎀ـــــــ☆ـــــــ🎀ـــــــ☆ـــــــ🎀
صلي اعــله النبي وبراس مرفوع
وعنــد ﷲ مقـــبـــــوله صلاتـــك

ابــهاي الصلاه والذكر والتسـليــم
تضمن بالــــــحــشر بأجر نجاتــك

شما صـــلــيـــــت وزدت هالاذكار
تخفف تــــــرئ ابســـاعة وفاتـــك
﴿صــــلــــوووات﴾
🎀ـــــــ☆ـــــــ🎀ـــــــ☆ـــــــ🎀

﴿ابوذيات في حق اهل البيت﴾
أنه بالمصــــطفى وآله...صلاتي "الصله"
ابذكرهم دوم مرفوعه... صلاتي"الصلاة عليهم"
بكل فريضه اذكــرهم... وصلاتي"الصلاة"
اصلي اعله الــنـبــي وآله سويه
﴿صــــلــــوووات﴾
🎀ـــــــ☆ـــــــ🎀ـــــــ☆ـــــــ🎀
اهل البيت منبع طـيب...اصلهم" الاصل"
الهــــــــــم دوم اتعنه...واصلهم"الذهاب اليهم
صلاتي اعليهم ارفعها...واصلهم" الصلاة عليهم"
اصلــــــي اعليهم والقي التحيه
﴿صــــلــــوووات﴾
🎀ـــــــ☆ـــــــ🎀ـــــــ☆ـــــــ🎀
لب العين انتــــــم .. وانتمايه "ماء العين"
والكم كل حــــياتي.. وانتمايه "الانتماء"
انـــــــتو الديـن كله.. وانتمايه "وانتم ايه"
اهــــــل البيت سادات البريه
﴿صــــلــــوووات﴾
🎀ـــــــ☆ـــــــ🎀ـــــــ☆ـــــــ🎀
أهل البيت شرد اوصف.. حبيلهم "الحب"
ريت اليوم أنه امشــــي.. حبيلهم "زحف"
أضل للموت متــمـســك.. حبلهم "الحبل"
وما عـــوفنهــم لحد يوم المنـيـه
﴿صــــلــــوووات﴾
🎀ـــــــ☆ـــــــ🎀ـــــــ☆ـــــــ🎀
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

هوسات للإمام الكاظم {عليه السلام}
لطلب الشفاء
❥ــــــــ☆ــــــــ●ــــــــ☆ــــــــ❥
يدكتور العـلل يالكاظم ادخيلك
عن علتي يمامي جايه احجيلك
ثگل همي عليه وهمي اشكيلك
{وشكايـــــه // جيتك هاليوم}
❥ــــــــ☆ــــــــ●ــــــــ☆ــــــــ❥
يامولاي انت للعلل مــــوصوف
وجــرح المرض ابجفك اتروف
كريم وبالكـــرم مولاي معروف
{وتنطيني // من جفك كون}
❥ــــــــ☆ــــــــ●ــــــــ☆ــــــــ❥
انضـــــــر حالتي مولاي تعبانه
ومن المــــرض هالروح نحلانه
وانته السخي موصوفه ذرعانه
{اترس ايده // والكاصد ليك}
❥ــــــــ☆ــــــــ●ــــــــ☆ــــــــ❥
احلفك بالعزيزه الهيبة معصومه
وهم اقسم عليـــك بجدك ويومه
تشرفي ارويحتي هالروح مالومه
{تشافيــــــها// روحي الوجعانه}
❥ــــــــ☆ــــــــ●ــــــــ☆ــــــــ❥
علاجاتك تداوي ومرتفع صيتك
يدكتـــور وأمام بحــرگه ناخيتك
تشافيـــــن يــبو طلــــبه تمنيتك
{وفرحانه ارجع // وكحل عيني}
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

فزاعيه للامام الكاظم {يستاهل الهوسات}
❥ــــــــ☆ــــــــ●ــــــــ☆ــــــــ❥
أســـــد بغداد.. يستاهل الهوسات
هذا الحيد گـــــــــضاي الكلافـات
❥ــــــــ☆ــــــــ●ــــــــ☆ــــــــ❥
يساهل الهـــــوسه ولطــــمة الهام
الكاظم هــــذا يسوه رفــع الاعلام
مسموم ابسجن والگلـــــب محتام
وضوه ماشاف ضل بين المضلمات
❥ــــــــ☆ــــــــ●ــــــــ☆ــــــــ❥
تلـــــــوك الهوسه ليه يابن الحيود
حسافه اليــــوم منه الولي مفكود
ناحــــــــت شيعته والكلب ممرود
ولجـل الحيد تسجـــــبها الدمعات
❥ــــــــ☆ــــــــ●ــــــــ☆ــــــــ❥
للكاظم نــــــون والدنيه مرجونه
جاشنو الذنـــــب ويلي ويسمونه
الارض اضلمت من غمض اعيونه
ومو بس الأرض حتئ السماوات
❥ــــــــ☆ــــــــ●ــــــــ☆ــــــــ❥
للكاظم الهوسه اليوم اعــــــدليها
واطلبي حاجتج والحاجه يگضيها
وأمـــــــــــه فاطمه باللـطم عازيها
ناحــــت فاطمه وبالكلب شوغات.
❥ــــــــ☆ــــــــ●ــــــــ☆ــــــــ❥
أسد بغداد يسوه الهوسه وللطمه
امگطــــــــع الجبد وتعذب بسمه
ساعة موته ماكــــــو اي احد يمه
ضل وحــــــــيد وي ابن اللعينات
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

فزاعيه للامام الكاظم (لطمتنه وبواجينه)
❥ـــ☆ــــ●ــــ☆ـــ❥
يستاهل أســد بغـــداد
لطمتنه وبواجينه
❥ـــ☆ــــ●ــــ☆ـــ❥
يستاهل لطم ونــونين
الطمي إله ولاتقصرين
حگ للزاچية اتعـــزين
وهيه الـــــي تجازينه
❥ـــ☆ــــ●ــــ☆ـــ❥
الطمي وحيل دگيله
وبالميدان هوســيله
وبيرغ حگ تشيليله
ويـــــراعيج ابعينه
❥ـــ☆ــــ●ــــ☆ـــ❥
ياويلاه عله المسموم
جبده مگطع ومالوم
خنلطــم إله هاليوم
يستاهل لون ونينه
❥ـــ☆ــــ●ــــ☆ـــ❥
ندك ونــــوح لمصابه
يســـــوه كله اهيـابه
احاه ياجبده وصوابه
يكتل حيـــــل ماذينه
❥ـــ☆ــــ●ــــ☆ـــ❥
يستاهل أسد بغداد
الطميله يطيج امراد
صدگي يسرلج الافاد
وبيه احنه تنخيـــــنه
❥ـــ☆ــــ●ــــ☆ـــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

قصيده للإمام الكاظم{معصومه تون}
مواساة للسيده معصومة
❥ــــــــ☆ــــــــ●ــــــــ☆ــــــــ❥
معصومه تون للكاظـــم اليوم
خلاها حـــزينه بـــكلب مالوم
❥ــــــــ☆ــــــــ●ــــــــ☆ــــــــ❥
معــــصومه تون وتنعه للوالي
ودمعتها دمــه عالوجنه اتلالي
منتضره يجيها الوالد الغالـــي
تالي ما اجه بالسـجن مسموم
❥ــــــــ☆ــــــــ●ــــــــ☆ــــــــ❥
يردلها الـــــولي امخليه عالبال
وهيه تناطره والدمــــــع همال
وابوها بالسجن ومعذب الحال
جفه امن السلال يجري ادموم
❥ــــــــ☆ــــــــ●ــــــــ☆ــــــــ❥
ابوها يالخلگ يستاهـــل اونين
ابجاله امدلله وعـــــليها احنين
يسوه المناحه ودمـــــعه العين
وتنوح وتون والدمـــع مسجوم
❥ــــــــ☆ــــــــ●ــــــــ☆ــــــــ❥
يوم اسود حـــــزين ايمر عليها
مسمم بالسجــــــن ويلي وليها
نار وجـــرت هاليـــــــــوم بيها
والحيـل انهــدم ومنها معدوم
❥ــــــــ☆ــــــــ●ــــــــ☆ــــــــ❥
شال الوالي وخــــــلاها البنيه
ومن بعـــــده تون شبعت اذيه
وعالخــــــــدين دمعتـها جريه
ضلت للقهر بعـــــــده وللهموم
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

قصيده شوق لزيارة الامام الكاظم
{گلبي مشتاگ} 😭💔😭
❥ــــــــ☆ـــــــــــ●ـــــــــــ☆ــــــــ❥
گلبي مشتاگ.. يزورك.. گلبي مشتاگ
نار الاشــواگ.. جـوتني.. نار الاشواگ
يبــو طلبه مروتك
گلبي طگ لزيارتك
گلبي مشتاگ.. يزورك.. گلبي مشتاگ
❥ــــــــ☆ـــــــــــ●ـــــــــــ☆ــــــــ❥
گلبي طگ رايد يزورك سيدي يابو الكــرم
مملي بحزان الفراگ ومملي بلوعه وهظـم
منك اطلب يابو طلبه وانت فزاع وشهــم
زيارتك اطلب يغالي وزيل من گلبي الالم
بحسره روحي ندبتك
يبــــــــو طلبه مروتك
گلبي مشتاگ.. يزورك.. گلبي مشتاگ
❥ــــــــ☆ـــــــــــ●ـــــــــــ☆ــــــــ❥
اليوم عن اشواگ گلــبي والبُــعد احجيلك
والله ما اتحمل اكثر اطلبني فدوه ادخيلك
الناس اشوفنها تگـصدك سيــدي وتمشيلك
لاجن بس اني بحســـرتي باقي واشكيلك
ارد ازورن حضــــرتك
يبــــــــو طلبه مروتك
گلبي مشتاگ.. يزورك.. گلبي مشتاگ
❥ــــــــ☆ـــــــــــ●ـــــــــــ☆ــــــــ❥
سـيدي بالشوگ تــدري نار تلهب تستــعر
وانه بفراگك احسن مشــتعل گلبـي جمر
ارزقني مولاي الزياره وسهل اعليه الامر
اقسم بزينب علـــيك بيوم طگاها الشمر
اعليك محـــنة عمتك
يبــــــــو طلبه مروتك
گلبي مشتاگ.. يزورك.. گلبي مشتاگ
❥ــــــــ☆ـــــــــــ●ـــــــــــ☆ــــــــ❥
بالدمــــع اختم كلامي وانتظر منك بعد
ابشارة اتفرح اگليبي والزياره والمــــدد
ماتفشلني امــل عندي انت تجايه وسند
نضره يامولاي منـــك طفي نيران الچبد
انتظــــــــــرها فزعتك
يبــــــــو طلبه مروتك
گلبي مشتاگ.. يزورك.. گلبي مشتاگ
❥ــــــــ☆ـــــــــــ●ـــــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

فائزي الى الإمام الكاظم {ويلاه مسموم}
┈┉━❀❥❃❥❀━┅┄ ┈┉━❀❥❃❥❀━┅┄
موسئ ابن جعفر بالسجن ويلاه مسموم
وجبده تگطـــــــــع بالسم ومنمرد مالوم
┈┉━❀❥❃❥❀━┅┄ ┈┉━❀❥❃❥❀━┅┄
موسئ ابن جعفر بالسجــن هارون سمه
وحتئ الهوه حـــــــــــرماه بلكوه يشمه
اوحيد ويلي ابن الطهــــــــر لا أهل يمه
والاهله مشتاگ الكلب والدمـع مسجوم
.┈┉━❀❥❃❥❀━┅┄ ┈┉━❀❥❃❥❀━┅┄
بالظلم گضــــــــــــه هالعمر ابن الزجيه
ولمصابه ياشيـــعة احزنو ونصبو عزيه
الكاظم يون وسط السجن عاش الاذيه
ولطمو ابحزن للكاظــم ونون ابهل يوم
┈┉━❀❥❃❥❀━┅┄ ┈┉━❀❥❃❥❀━┅┄
ياجعفريه ابهـــــــل مسه ونون لمصابه
موسئ ابن جعـــفر بالجبد صاير صوابه
مسمـــــــــوم وســـــمه صعب ناره لهابه
ومگيده اچفوفه ابسلاسل تجري ادموم
┈┉━❀❥❃❥❀━┅┄ ┈┉━❀❥❃❥❀━┅┄
بلســــــــم يويلي هالعده مردو جبدته
ابحســــــره والم لمن يجرها ياحسرته
موسى ابن جعفر قاسية وتوجه محنته
محنتـــه ما الها شـــــــبه احاه يظـلوم
┈┉━❀❥❃❥❀━┅┄ ┈┉━❀❥❃❥❀━┅┄
موسئ يون مسموم اعله مصابه ويلاه
ملعـــــون هارون الرشيد وجبده سماه
واجـــــــــب علينه للإمام انكول احاه
ونذكر ســـمومه ولوعته انذكره ودوم
┈┉━❀❥❃❥❀━┅┄ ┈┉━❀❥❃❥❀━┅┄
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman

مجلس استشهاد الامام الكاظم
{ عليه الصلاة والسلام}
❥ــــــــ☆ــــــــ●ــــــــ☆ــــــــ❥
{المقدمه}
بسم ﷲ الرحمن الرحيم
صل الله عليك يارسول ﷲ
{اللهم صلِّ على محمد وآل محمد}
صل ﷲ عليك يا ابا عبدﷲ ياغريب
ياسليب العمامة والرداء يبو علي
صل ﷲ عليك يا راهب ال محمد
المعذب بالسجون في قعر المطامير
ذي الساق المرضوض بحلق الحديد
❥ــــــــ☆ــــــــ●ــــــــ☆ــــــــ❥
{المصيبه}
قضى مولانا الكاظم عليه السلام عمره
مشرد في السجون من سجن الى سجن
وهكذا لمده خمسه عشر عاماً ثم نقله الى
سجن السندي ابن شاهك لعنه الله الذي
كان شديد العداوه لاهل البيت عليهم السلام
وأمره بالتّضييق على الإمام، وتقييده بثلاثين رطلاً من الحديد, وأن يقفل عليه الأبواب, ولا يدعه يخرج. فامتثل السّنديّ أمر الطّاغية هارون، فوضعه في طامورة لا يعرف فيها اللّيل من النّهار, وأوثقه بالحديد حتّى أثّر ذلك الحديد في جسده الشّريف عانى الإمام عليه السلام في حبس السّنديّ أشدّ الآلام والأذى، وكان إذا ضاق نفس الإمام، لضيق الطّامورة،يأتي إلى بابها يستنشق الهواء, فإذا رآه السّنديّ لطم الإمام على وجهه، وأرجعه إلى داخل الطّامورة..
قيل: إِنَّ عليّ بن سويد اتصل بالإمام موسى بن جعفر عليه السلام، وهو في طامورة السّنديّ بن شاهك، فسأله: سيّدي متى الفرج؟! لقد ضاقت صدورنا, قال له الإمام: الفرج قريب يا ابن سويد. قال: متى سيّدي؟ قال: يوم الجمعة ضحى على الجسر ببغداد. فظنّ أنّ الإمام سيفرج عنه يوم الجمعة, ولكن ما مضت تلك اللّيالي، حتّى بعث الطّاغية هارون إلى السّنديّ رطباً مسموماً, وأمره أن يقدّمه إلى الإمام موسى بن جعفر عليه السلام, فامتثل أمر طاغيته، وقدّم الرّطب إلى الإمام، وأجبره على أكله, فرفع باب الحوائج يده إلى السّماء، وقال: يا ربّ، إنّك تعلم أنّي لو أكلت قبل اليوم، كنت قد أعنت على نفسي. ثمّ تناول سبع رطبات فأكلها, وقيل عشراً, ثمّ امتنع. فقال له السّنديّ: زد على ذلك. فرمقه الإمام بطرفه, وقال: حسبك، قد بلغت ما تحتاج إليه.
بعد ذلك أخذ السّمّ يسري في بدنه، والإمام يعاني أشدّ الآلام في تلك الطّامورة, وأحاط به الأسى والحزن، حيث لا أحد من أهله وأحبّته عنده.
❥ــــــــ☆ــــــــ●ــــــــ☆ــــــــ❥
{نعي شعبي}
مسمـــــــــــوم ويعالج ابسمه
ماكو ولد لا أهـــــــــــــل يمه
ابوسط السجن والدنيه ضلمه
محرم الهــــــــــوه لا مايشمه

الكاظم يــــون ياويلي مسوم
بلســـم هالجبد ذايب ومالوم
وشوف الضوه ويلاه محروم
واعليه كفـــــر هارون اتحوم

فوك الســــجن مسموم انوب
جبده تگـــطع مــــــنه ويلوب
بالسجن كضه العمر متعـــوب
چبد الإمام احتـــرگ مذيوب

ابوســط السجن خلص حياته
ويلاه ما شايف بــــــــناتـــــه
وأعله الاهل نزلن دمــــــــعاته
الكاظم صـــــبر ماكو ابصفاته

ياويلي مــن غمضهن هالعيون
راد الولد والبــــــت يحضرون
بجفــــــــوفهم نعشه يشيلون
مسموم جنـــــــهم لا ميدرون
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
[ومقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman