عارفين لما نبقى بندعي بحاجة معينة وبنُلح على الله عزوجل بالدعاء إن الحاجة دي تحصل.. فـ تتأخر..

في الوقت دا الصبر بيكون معجزة صعب ومُر جدًا،
والأصعب محاولاتك لإنك تقنع نفسك إن دا مش وقتها أكيد الله عزوجل هيعطيها لي في الوقت المناسب.. وتفضل محافظ علي اليقين في قلبك.


عارفين بقى أي الأصعب؟

إنك تفرح.. إنك تفرح بتحقيق الحاجة دي أه والله

أوقات من كتر ما فات وقت كبير عليك مشاعرك بتبهت بمعنى تاني بتزهد مشاعرك استهلكت من طول الإنتظار يمكن دا يكون جزء صغير جدًا من حكمة الله عزوجل في تأخير عنك الإستجابة إن تعلقك بيها يكون قل وتعرف تتأقلم وتكمل من غيرها عادي جت جت مجتش مجتش.

بس بتصعب عليك نفسك
إنك مش فاهم أنت عايز تفرح وتنبسط بيها جدًا
بس في نفس الوقت مستهلك.. هي مجتش متأخره هي جت في وقتها المناسب.

بس لما وقتها المناسب جه كانت مشاعري أنا خلصت! فاهم حاجة؟


من سنة دعيت ربنا وفي نهاية الدعاء قلت
يارب إذا مقدر لي إنها تحدث يارب ارزقني بكل المشاعر الحلوة المقترنة بحدوث دعوتي مش عوزاها بس تحصل يارب لا عايزها تحصل وقلبي يفرح.. يارب يكون الوقت المناسب هو أكتر وقت هفرح فيه بالحجات الي نفسي فيها..
يارب ارزقني الصبر لوقت الإستجابة
وقر عيني بالإستجاب
واشرح صدري بمشاعر ودموع الإستجابة.

يارب يا واسع يا قادر.

#آية_عاطف.