قصيده للكاظم عليه السلام

((الوزن نصاري))***

تقرأ فزاعيه بالطور الجنوبي و بعدة اطوار

••¤●●¤••

تهد الحيل ياونت المساجين

ونتهم  تطر  الگلب    نصين

••¤●●¤••
تهد حيل الگلب ونت لمسجون
يظل وحيد بس يدير العيون
يتنطر   هله   واحبابه   يلفون
ولدرب اليحبهم شابحه  العين

••¤●●¤••

بسجن اظلم ومايعرف نهاره
يبحر  العلم  والكاتم  اسراره
مظلوم  ودمع  عينك  تجاره
ومن گيودهم  بيدك  نياشين


••¤●●¤••

للكاظم   تلوب   اليوم  روحي
الك  يابو الرضا  مافتر  نوحي
عظيم  مصابك و زيد جروحي
وعليك الدمع يجري بكل  حين

••¤●●¤••

من الزنجيل ظل نيشان بيده
تهد الحيل  قصة بن  الصميده
غريب   الدار  واولاده   بعيده
ما يدرون  بيه   اهله   بعيدين


••¤●●¤••

يتمنى     الولد      يمه      الساعه
ويتزود     الليله     من      وداعه
يغمض   عين   ابوه  ويمدله  باعه

وينادي  بصوت    يابويه  يالحنين

••¤●●¤••

ينادي    بصوت   يمه   ويلطم   الراس

وميخلي غريب        بين        هلناس

وسف موسى ابن جعفر حضرته ارجاس

وحراس   أربعه      لنعشه       مشيعين

••¤●●¤••

العمل مشترك بين
الخطيبة  العلويه أم نورالميسانية
وخادمة العتره ام مرتضى الخفاجية

القصيده متوفره في ديوان قصة وحكمة في

رثاء العترة الجزء 5

لانجيز شرعا حذف الاسماء مشكول الذمه أمام الزهراء عليها السلام



https://t.me/Aleulawiuhamnuwr