بخصوص العراقيين اللي ماكدروا يسجلون ب هيتزنر, تواصلت مع Hetzner مرة ثالثة وكتلهم

(شنو رأييكم اني ادفعلكم بالوايز دايركت فلوس تنزل لحسابكم واخذ منهم عملة محلية واضمنلكم محد يكون حرامي واني مسبقاً عندي فواتير وياكم بقيمة 11 الف يورو على مدار 3 سنوات ف اللي موكفني فقط سؤالي لكم واتمنى المساعدة اذا اني اصدرلهم سيرفرات (Reselling) من حسابي هل اني رح اتحمل كل الاكتفتي مالتهم قانونياً؟😐)

الجواب كان بما فحواه نعم 😢 هدف الKYC انه شخص يتحمل الاكتفتي مال سيرفر قانونياً, ف الفكرة صعبة كلش, رغم اني شفت هواية شركات جاي تبيع خدمة من هيتزنر لكن اني مارح اجازف وياكم لاني اعرف اغلبكم يستخدم قرصنة بانواعها ف اللي مايكدر يسجل بهيتزنر نعتذر لما حصل وغلس على هيتزنر مالك نصيب بيها, وبالمستقبل القريب حنشوف شيء بديل واسويلكم هم بث عليه.

1️⃣- اذا عدكم شركة معينة تنصحون بيها غير هيتزنر قبلت العراقيين ب سعر مقارب لهيتزنر مع مواصفاتها اذكروا بالتعليقات اسوي تجربة.
2️⃣- بالمستقبل القريب اني حسويلي سيرفر بالبيت ف غالباً بوقتها حروجلكم لاجهزة المني بي سي اذا نجحت وياية لكنها مارح تفيد غير اللي عدهم باند قوي و ستاتك ايبي او اللي ناوي يخليها لوكال بدون استضافة خارجية.

تنويه: بشكل شخصي و عملي ويه اخواني مازلت اشوف ان هيتزنر هي افضل واحسن استضافة بالعالم, اني مجرب الروبوت والكلاود مالتهم اثنيناتهن شيء فضيع وكدرنا نطلع ابو ابو فلوسها واتعجب وانصدم لما اشوف الاستضافات الاميركية العاهرة واسعارها الخيالية وريسورساتها الزبالة.