عرض ادبی محضر حضرت امام زمان عج

(السلام ای شَهِ بی قرینه)



اَلسلام ای گُلِ باغِ رِضوان
یوسُفِ فاطمه ، شاهِ دوران

ای گُلِ زهرا
ای وارثِ طاها
یوخدی سنه هَمتا
نَرجِس بالاسی


عالَمه سَرور
چوخلار یولون گوزلَر
هِی آدیوی سَسلر
آدون فداسی

پَرچمِ نُصرَتین ، عَرشه ووران گَل
عالَمی عَدلیله ، ای دولدوران گَل

یا امامِ زمان ، عزیزِ زهرا



آخرین سَروِ گُلزارِ عصمت
نوکرون کیم اولوب تاپدی عزّت

کانِ رحمت سن
طاووسِ جَنَّت سن
نورِ هدایتسن
سال باشه سایه


مِهرِ تابانسان
هر درده درمانسان
دریایِ اِحسانسان
باخ بیر گدایه


بیر نولور لطف ایله ، اهلِ ولایه
سامراده ن گیداخ ، کرب وبلایه

یا امامِ زمان ، عزیزِ زهرا



روشن ایتدون منه لِیلِ تاری
اولموشام سفره وین ریزه خواری


سن پَناهیمسان
هم عِزّ و جاهیمسان
اُمّیدگاهیمسان
قاره یوزوم وار



سن‌ امامیمسان
آرامِ جانیمسان
صاحب ، زمانیمسان
سنده گوزوم وار

قویما مولا بیله ، گول تَک سولوم من
سن گَلَن یوللارا قربان اولوم من


یا امامِ زمان ، عزیزِ زهرا



عالَمین مُلکونون تاجِداری
مُنتَظر قلبیلر بیقراری

ای مَهِ زیبا
شاهَنشَهِ والا
گوزلور سنی دنیا
هایانداسان گَل

باخ دلِ زاره
بیز قالدوق آواره
هجرانه قیل چاره
هایانداسان گَل

یا امامِ زمان تِز گَل اَماندی
آهِ مظلومیلر ، عَرشه دایاندی

یا امامِ زمان ، عزیزِ زهرا


#السلام_ای_گل_باغ_رضوان
#مهدیه

سبک صوتی👇👇👇

🆔@turki_noohalar