🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 76 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🎀🍃

ملاذ رخت ملامحها وتوترت لانه توقعت يعاندها ويقول العكس : بروح البس ..
مشت بسرعه ودخلت غرفه الملابس فتحت الدرج و طلعت فستان نود اكمامه طويله وقفت عند التسريحه مشطت شعرها رفعته للخلف ونزلت غرتها حطت مكياج خفيف و تعطرت
ذياب دخل الغرفه وابتسم وهو يشوفها : جميله بس
ملاذ قاطعته : بس وشو ؟
ذياب قرب لها وهو يناظرها من تحت لفوق : ابي افهم ليه تحبين الضيق ؟
ملاذ ضحكت بصوت : ترا مو ضيق بزياده بس ماسك وبصراحه جسمي حلو ويحق لي البس ماسك
ذياب رفع حاجبه وقرب الخطوه يلي تفصلهم : و اذا جسمك حلو تستعرضيه ؟
ملاذ : مو استعراض لكن كل شي يليق عليه
ذياب : كنت بقولك غيريه لكن
ملاذ عصبت وقاطعته بحده : لا عاد شرايك انت تروح تشتري لي ملابس و تكون تلبسني ؟ ها وش قلت ؟
ذياب كان يناظرها وهو مبتسم : فكره حلوه والله
ملاذ اخذت نفس : مدري شقولك بس
ذياب رفع يده لخصرها : لا تقولين شي يكفيني نظره عيونك وهي مبتسمه
ملاذ : تسرق ابتسامتي وتوقف قدامي و تنتظرني ابتسم
ذياب تنهد : افا بس ، انا يلي اسرق ابتسامتك والله انا يلي ازرعها ولا تنكرين ؟
ملاذ ابتسمت ع جنب : طبعا لا ، ترا الثقه الزايده من صفات النرجسي
ذياب : اوووه ، وبدينا الحين بسالفه النرجسي ، طيب ما علينا من هذا كله بس ابيك تبتسمين لانك تصيرين اجمل
ملاذ لا إرادياً توسعت ابتسامتها
ذياب ابتسم ل ابتسامتها : م أتوقع في شي بحياتي لامس قلبي كثر هالابتسامة
ملاذ رفعت عيونها بخجل وناظرت عيونه عن قُرب ، ذياب كمل : خليك دايما مبتسمه
ملاذ : م أتوقع انىِ ابتسم من عروق قلبي لااحد غيرك
ذياب ضمها لصدره وهو يحس قلبه فراشات : مدري شقولك بس شوي شوي ع قلبي .

بعد مرور ربع ساعه ؛
ملاذ دخلت المجلس وهي مبتسمه : السلام عليكم
الكل رد السلام ، تقدمت ملاذ لحصه وسلمت عليها : هلا والله خالتي نورتي البيت
حصه : منوره فيكم يابنتي
ملاذ لفت ع ليان وسلمت عليها : اهلا وسهلا
ليان : اهلين فيك
لينا : توقعتك نايمه
ملاذ جلست وحطت رجل ع رجل : لا والله بس نسيت انه خالتي حصه بتجي و انشغلت م ذكرني الا ذياب وقت جاء ويقولي ليش م نزلت
شيخه : سالتيه تغدا او لا ؟
ملاذ : ايه كلمني انه تغدا بالشركة
ألاء وقفت : اصُب لك قهوه ي ملاذ؟
ملاذ وقفت بسرعه : ي روحي تسلمي انا بصُب ارتاحي انتِ
ألاء: لا عادي والله
ملاذ استحت منها : طيب هالمره صُبي لي المره الثانيه اصُب لك
حصه : الا ملاذ سمعنا انك بتطلعين لبيت جديد
ملاذ : ايه ان شاء الله
ليان : يلي يدخل هالقصر ما يتمنى يطلع منه
ملاذ : نحنا رح نستقل ببيت خاص فيني انا و ذياب وهالبيت يظل بيتنا بعد
شيخه : اجل شدي حيلك وجيبي عيال يا ملاذ
ملاذ : ان شاء الله
شيخه : ترا انتِ مو صغيره عشان تاخرين الحمل !
ملاذ شربت القهوه وتضايقت من كلامها
ليان ابتسمت و ناظرت شيخه : ي خالتي ملاذ تعرف هالشي وهي دكتوره كمان يعني الحمل بعد الأربعين في خطوره
لينا حست انه ملاذ تضايقت لكن ما بينت ابدا وحبت تغير الموضوع : الا سحاب اليوم ليه م اتصلت ؟
ملاذ ابتسمت لهم : هالشي خاص فيني انا و ذياب نحنا يلي بنجيب العيال ونحنا يلي بنربيهم يعني رجاءاً محد يتدخل في هالموضوع
ليان : بس خالتي من حقها تشوف عيال ذياب
ألاء : كل الأمهات ينتظرو احفادهم و انا برائي الحمل شي خاص بالزوجين
حصه : الله يرزق كل الناس بالذريه الصالحه ، أقول شيخه نقوم نصلي العشاء بغرفتك؟
شيخه وقفت : ايه يلا لا نتاخر
الاء تمددت بهدوء : اخ ي راسي والله يعور بزياده ملاذ عاد انتي دكتوره فيديني وش اسوي ل راسي
ملاذ : مافي غير افتحه و اشوف وش فيه
آلاء جلست بسرعه : بسم على راسي مافيني الا العافيه
ملاذ ضحكت ع شكلها : عاد دكتورة جراحه وش تتوقعي اسوي يعني ؟
ألاء : احلى دكتورة والله عاد جاي ع بالي لمن اجي المستشفى امر على عيادتك
لينا : خذيني معاك
ملاذ ابتسمت لهم بحب : ي حليلكم ان شاء لله تزوروني وانتو بخير يارب .
.
عند ذياب ؛
بعد ما نام قيلوله صحي و اخذ شاور سريع وغير ملابسه و طلع من جناحه شاف جناح امه مفتوح قرر يروح لها و يقعد معاها شوي ،
وقف وهو يسمع صوت احد يناديه لف وشاف ليان : هلا ليان تبين شي ؟
ليان تقدمت وهي تغطي جزء من شعرها : عاد بصراحه قلت ابي اشوفك و حظي حلو شفتك
ذياب طنش كلامها : تبين شي ؟ ترا مشغول ؟
ليان : انت طول حياتك مشغول ؟
ذياب : ليان خلصي بسرعه وش تبي ؟

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀