🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 61 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍁🍃

عند لينا ؛
غطت على عيالها وباست جبينهم بحب تاملتهم و ابتمست براحه حست بهاللحظه انها اسعد انسانه لانه عندها طفلين سليمين و انها ام رائعه لهم ، همست بهدوء الحمدلله يارب على نعمك التي لا تعد و لا تُحصى ..
دخلت الحمام توضت و طلعت فرشت سجادتها و صلت الوتر بس خلصت جلست تستغفر ، رن جوالها و قامت اول ما شافت اسم طلال فز قلبها و ردت : الو
طلال وقف السياره قدام الفيلا : ي هلا بهالصوت و راعيته
لينا ابتسمت و عرفت انه غضبه انتهي : اهلين طلال
طلال : انا تحت انتظرك البسي عبايتك و انزلي بنروح نتعشى بمطعم
لينا : م اقدر الوقت تأخر والعيال نامو من شوي م اقدر اصحيهم
طلال : مين قال ابي عيالي ؟ انا ابي امهم الحلوه
لينا : طلال ما اقدر خليها لبكرا أساسا تعشيت و شبعانه
طلال : عادي نروح نسهر بكافي ع البحر
لينا : طيب بكرا مو اليوم
طلال : اذا قلت لك الشوق ذابحني ومُتلهف اشوفك بترفضين تجين ؟
لينا حست قلبها ابتسم من كلامه لكن م تبي تروح معاه عشان تقهره مثل م قهرها : طلال ترا انا فوق السرير و بنام ولابسه بيجامتي ومتلحفه باللحاف بعد، أساسا كان غفيت بس صحيت ع اتصالك
طلال ابتسم وعارف انهم تكذب : طيب تصدقي حتى انا كنسلت العشاء
لينا : كويس ، تصبح على خير
طلال : قبل تنامي افتحي الباب
لينا بققت عيونها : أي باب ؟
طلال : باب البيت
لينا : بيت مين ؟
طلال ضحك : بيتك ي لينا م بدق الجرس عشان عمي لا يصحى
لينا : مجنون انت وش تبي ؟
طلال : قلتي انك نايمه وفوق السرير قلت خلص بجي احضنك و ننام سوا ، حضنك احسن من العشاء و من البحر ومن كل شي
لينا وقفت بعصبيه : مجنون انت م تستحي جاي تبي تنام معاي ببيت اهلي
طلال : عاد انا مجنون والله لو م نزلتي بعد عشر دقايق بنزل ادق الجرس و لابنام الا بحضنك ، يلا اختاري نطلع سوا و لا اجي احضنك
لينا اخذت نفس : طيب طيب الحين بجهز و انزل
طلال ابتسم : كويس وخلي ليان تنام مع العيال م ادري متى برجعك
لينا : ليش ان شاء لله بتخطفني
طلال : طبعا بخطفك ي سيده قلبي انتِ
لينا سكرت الجوال وحطت يدها ع قلبها و ابتسمت بحب و حست قلبها رفرف من الفرحه ، لبست بسرعه و نزلت و طلال اول ما شافها خرجت فتح الباب و نزل فتح لها بابها : عيوني ما تبي غيرك ‏ولا غيرك يناسبها .
.
بعد مرور أسبوعين ؛
دخلت المستشفى بخطوات سريعه لانها تاخرت بسبب الزحمه دخلت المصعد وضغطت ع الرقم 4 طلعت وبسرعه توجهت لغرفه الغيار غيرت ملابسها وعقمت يدينها وضغطت الزر و دخلت قسم العمليات..
سلوى شافتها و ابتسمت : ملاذ ي هلا والله
ملاذ : تاخرت صح ؟
سلوى : لا جيتي ع الموعد أساسا حالتك تاخرت ساعه يعني م عندك شي
ملاذ تنفست براحه : الحمدلله اجل شرايك نشرب قهوه م شربت بالصباح و احس بصداع
سلوى : الظاهر ذياب يسهرك
ملاذ ضحكت : لا عاد تعرفيني محد ياخرني عن نومي
سلوى : الا من جد ملاذ متى بتاخذين اجازه ؟
ملاذ سحبت كرسي و جلست : اذا قصدك ع الزواج يوم الزواج وثاني يوم
سلوى : بس يومين ؟
ملاذ : ايه يكفي م احتاج اكثر
سلوى : طيب خلصتي من كل شي
ملاذ ابتسمت : كيف اصارحك انه للحين م شريت شي
سلوى ناظرتها بصدمه : مو من جدك ؟ تمزحين ؟
ملاذ ضحكت : والله اكلمك جد افكر اليوم العصر اطلع المول
سلوى : م اصدق والله عرس اخوكي الوحيد ولسه م شريتي شي ؟
ملاذ : شسوي م عجبني شي و اليوم اذا طلعت وما لقيت شي خلص بلبس من يلي موجود معاي
سلوى : بهالسهوله ؟
ملاذ : اهم شي البس شي عاجبني و يناسبني بعد
سلوى : أتمنى أكون صبوره مثلك
ملاذ : لا خلص راحت عليكي
سلوى : الحمدلله يلي راحت الفرصه ، أخاف انجن والله
ملاذ ضحكت : شدعوه والله الفستان مو شاغل بالي لا تنسي عرسي كان من ثلاثه شهور وعندي كذا فستان جديد والاهم انىِ شريتهم عن قناعه
سلوى : عاد اذا هذا رائيك خلص م بقدر اقنعك ، الا صح تذكرت بقولك اليوم بعد الدوام في احد طالب خدمة منزليه
ملاذ : الحمدلله رئيس القسم ما كلمني يعني ماني رايحه
سلوى : لا ابشرك الدكتور حَمد كلمني ابلغك انه انتي بتروحين معاه ومع ممرضتين كمان والاغرب انه المريض طالب الدكتوره ملاذ بالأسم !
ملاذ ناظرتها ب استغراب : اذا الدكتور حَمد رئيس القسم بكله رايح يطلبني انا ليه ؟ وش بسوي يعني ؟
سلوى : م ادري والله اذا رجعتي العمليات كلمي الدكتور حَمد وتفاهمي معاه
ملاذ ناظرت الساعه : اجل خليني ارجع العمليات و افهم السالفه كلها

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁