#شعر
🔰چله گجه سی
چله گجه سی نین گوزلدی آدی
قالمش آغیزلاردا آدی نین دادی
پاییز گینه قاش قاباقین سالادی
کوس دی قشین سلامنی آلمادی
قیش دا دوروب اونی یولا سالمادی
چله گجه سی نین اوزون گجه سی
گلمور قولاقیمه خروسین سسی
کیم سیندیراجاقدی دمیر قفسی
بلبل ده بیر اوچوب قونا بوداقا
وار حسرتی دوداق قویا دوداقا
چله گجه سی نین چل چراغی وار
قارسیز سویوغی وار قارلی داغی وار
اونلارین که یاندیرماغا یاغی وار
یاندرسینلار خوش اونلارین حالینا
الله کمک اولسون ایاق یالینا
چله گجه سی نین اوزی گوزلدی
ایکی فصلین آراسیندا دوزلدی
آتمش ورق دولی شعردی غزلدی
هرکس اونین بیر ورقین اوخوسون
بیر دانا دا شال اوزونه توخوسون
چله گجه سی نین هایاندا تایی
حالواسی پشمگی قارپزی پایی
نشانلی قزلارین خونچه سی پایی
پاییز بخت ایوینه گلین گله نی
ایلیوب ایو کدخداسی علنی
چله گجه سی نین سوزی سازی وار
چکمگ اولا اونون یاخشی نازی وار
ناز ایله سین دالیسیندا یازی وار
یاخشی یامان قیش قوتاریب گچه جاق
یاخشیلاری یامانلاردان سچه جاق
چله گجه سی نین قرخ دوه یوکی
هر دوه یوکونی بیر ایوه توکی
یاخشی سی یامانی آریغی کوکی
گیدر گیدن کیمی بوستان قیراسی
بوستانچیا قالار اوزون قاراسی
چله گجه سی نین اوچ دی کتابی
هر کتابنین ییرمی ورق حسابی
هر کیمین واریدی طاقتی تابی
اوخویاجاق امتحاندا چخاجاق
ایله طاقتسیزین ایوین یخاجاق
چله گجه سی نین اوزوندی سوزی
سوز سوزی گترور آرشیندا بزی
اولسون گجه نینده واردی گونوزی
"امینی" ده گوزون تکوب کاغاذا
هیچ بولموری نه سویلویه نه یازا
@salmasnews
🔰چله گجه سی
چله گجه سی نین گوزلدی آدی
قالمش آغیزلاردا آدی نین دادی
پاییز گینه قاش قاباقین سالادی
کوس دی قشین سلامنی آلمادی
قیش دا دوروب اونی یولا سالمادی
چله گجه سی نین اوزون گجه سی
گلمور قولاقیمه خروسین سسی
کیم سیندیراجاقدی دمیر قفسی
بلبل ده بیر اوچوب قونا بوداقا
وار حسرتی دوداق قویا دوداقا
چله گجه سی نین چل چراغی وار
قارسیز سویوغی وار قارلی داغی وار
اونلارین که یاندیرماغا یاغی وار
یاندرسینلار خوش اونلارین حالینا
الله کمک اولسون ایاق یالینا
چله گجه سی نین اوزی گوزلدی
ایکی فصلین آراسیندا دوزلدی
آتمش ورق دولی شعردی غزلدی
هرکس اونین بیر ورقین اوخوسون
بیر دانا دا شال اوزونه توخوسون
چله گجه سی نین هایاندا تایی
حالواسی پشمگی قارپزی پایی
نشانلی قزلارین خونچه سی پایی
پاییز بخت ایوینه گلین گله نی
ایلیوب ایو کدخداسی علنی
چله گجه سی نین سوزی سازی وار
چکمگ اولا اونون یاخشی نازی وار
ناز ایله سین دالیسیندا یازی وار
یاخشی یامان قیش قوتاریب گچه جاق
یاخشیلاری یامانلاردان سچه جاق
چله گجه سی نین قرخ دوه یوکی
هر دوه یوکونی بیر ایوه توکی
یاخشی سی یامانی آریغی کوکی
گیدر گیدن کیمی بوستان قیراسی
بوستانچیا قالار اوزون قاراسی
چله گجه سی نین اوچ دی کتابی
هر کتابنین ییرمی ورق حسابی
هر کیمین واریدی طاقتی تابی
اوخویاجاق امتحاندا چخاجاق
ایله طاقتسیزین ایوین یخاجاق
چله گجه سی نین اوزوندی سوزی
سوز سوزی گترور آرشیندا بزی
اولسون گجه نینده واردی گونوزی
"امینی" ده گوزون تکوب کاغاذا
هیچ بولموری نه سویلویه نه یازا
@salmasnews