Forward from: رحلة أمومة🌸
#الرضاعة_الليلية
#Importance #Des #Tétées #Nocturnes
#Sommeil #Bébé
#Informations #Sensibilisation
#Admin
سلام الاخوات
عندكم علم بفوائد الرضاعة الليلية لانو واحد الافكار خاطئة جدا تروج بانها غير نافعة وحتي، مضرة!!!! وهي صادرة من اشخاص ليس لها اي علم او اطلاع بالرضاعة الطبيعية.
عندكم علم بلي الحليب يكون غني جدا وفي اصفى صورة ليلا خالي من النكهات ، بلي الرضعات الليلية اطول مغذية واحسن والحليب اغنى وتكون الام متفرغة اكثر لرضيعها عكس النهار مشغولة غير ترضع شوية وتحط، عندكم علم بلي مستوي البرولاكتين يكون في اعلى مستوياته بين الطناش والستة تاع الصباح يعني كاين حليب اكثر في هاد الفترة الدليل تتشمخو بحليبكم فالليل احيانا ، عندكم علم بلي الرقاد تاع الصغير ماعندوش علاقة بالشبعة وانما بنضج الجهاز العصبي والدليل حتي صحاب الصناعي فالليل يولو ينوضو يوجدو و يمدو بالبيبرو والربعة حتي بعد العامين ، عندكم علم بلي اللي ترضع فالليل عمرو لا ينشف سدرها ودايما فيها لحليب وهي لي تكمل الحولين، عندكم علم بلي اللي ماترضعش الصغير فالليل يتحجر حليبها للصباح وبلي الثدي اللي يتحجر فيه بزاف لحليب مع الوقت يفهم بلي كاين طلب اقل فبتالي ينقص الانتاج تحت تاثير بروتينات مثبطة وينقص لحليب، عندكم علم بلي الرضاعة الحصرية وخصوصا الليلية تمنع الحمل الست اشهر الاولى وهي من اقوى موانع الحمل
الاخوات اللي ماترضعش فالليل تمد التيزانة السوسات رضاعتها ماشي صحيحة تماما ،الرضاعة الحصرية هي ارضاع عند الطلب نهارا وليلا غير حليب الام يدخل كرش الصغير وغير ثدي الام يدخل فم الرضيع هادي هي الرضاعة الصحيحة وننوه لمزايا الرضاعة الحصرية مدة ست اشهر
◆بيها ياخد اكثر حليب اكثر مناعة اكثر عوامل نمو اكثر حنان اكثر يقوي عضلات الفك والوجه وتكون عندو صحة فموية جيدة جدا،
تاحسابلكم يا خياتي حليبكم غير للماكلة بل هو ماء يعطشو وغذاء باش يكبرو وحماية ودواء خصوصا فترة التسنين.... بالمختصر لازم نديرو ثقة في الرضيع لما يطلب الثدي راهو محتاج واحد من هاد الحاجات ماشي فشوش خصوصا لما يمر بفورات نمو وتزيد احتياجاتو باش يكبر ويطور مهاراتو العقلية والعصبية ! رضاعة الليل هي الصح سنتين ويكبرو وتولو تتوحشو هادو اليامات كي يتكورو فذ احضانكم ليلا لانهم كي يكبرو يتبدلو تولي التعنيقة بالتحلال وعدد ثواني قليل، لذا صبرا من جميع لي يقول الرضاعة الليلية مضرة ماعندو حتي ثقافة او علم بالرضاعة وجاهل تماما بمزاياها.
نجو الان للنوم تاع الرضيع
الرضيع عكس الثديات الاخرى يولد بعد تسع اشهر في بطن امو تابع كليا للام لا يعرف يتغذي وحدو لا يعرف يتنقل ولا ينام وحدو عدة اجهزة حيوية غير مكتملة النضج ومنها جهازهم العصبي و الدماغ ونومهم متقطع لا يشبه نوم الكبار يستيقظون عدة مرات فالليل.
◆.اولا يستيقظو بسبب ميكانيزم حماية طبيعي وحب للبقاء والعيش وذلك بتفادي الدخول في النوم العميق جدا و تفادي انقطاع التنفس ومتلازمة الموت المفاجئة للرضع.
◆️ثانيا يحتاجو مرافقةو ملازمة شخص بالغ لهم وتوطيد علاقة وتلامس جسدي لتلبية حاجاتهم الغذائية والعاطفية كل وقت سواء نهارااو ليلا لمرافقتهم في رحلة التعلم وتفعيل مهارات جاهزة اصلا في الدماغ وذلك لنمو سليم .
◆️ثالثا حليب الام هو غذاءهم الوحيد وهو سريع وسهل الهضم مازال باش يخزنو حريرات لليل مثلنا احنا الكبار لذا فمن العادي انهم يجوعو ليلا ويطلبو الرضاعة كما انو ليلا يكون مستوى هرمون البرولاكتين في قمته ويكون الهدوء ونقص الضوضاء والمشوشات
الحسية لذلك ينوضو يرضعو، الرضعات الليلية تضمن ادرار اكثر رضعات طويلة مغذية جدا حليب ذو نوعية جيدة .
◆️رابعا ماتنساوش حتى الانسان البالغ يستيقظ ليلا من العطش او الخوف او القلق الرضيع كيفو فقط هو بحاجة احد الوالدين لتهدئته واعادة تنويمه.
◆️واخيرا طرق تعليم الرضع النمو للصباح في الحقيقة لا تعلمه ان ينام عدة ساعات متتالية بدون تقطع فهذا مستحيل بيولوجيا بتلك الطرق يستيقظ عدة مرات ولكن يعلموه يعاود يرقد وحدو وان يستيقظ بدون بكاء او مناداة الوالدين او احداث ضوضاء بعد ما يفقد الامل في حضورهم بعد عدة ايام من عدم استجابتهم لندائه ليلا ولكن حذاري صح مايعملش ضوضاء ولكن مستوى الكورتيزول يبقى عالي عندو مما يوثر عليه سلبا مستقبلا
يعني عموما الرضع لازم ينوضو فالليل يرضعو وهاديك طبايع تاع يحنطوهم كيلمومياء ويصرعوهم بالاعشاب ماراهيش في صالح لا الرضيع ولا الام ورضاعتها خصوصا كي يتحجر لحليب في سدرها ماشي مليح لازم السدر يتفرغ باش تستمر الرضاعة تخلوه يحجر بزاف راح ينقص كمية انتاج لحليب لانو يفهم بانو الرضيع مايطلبش بزاف الحل هو مشاركة الفراش او الكودودو ، بالتوفيق.
لا نحمل المسؤلية اطلاقا للام وانما للمجتمع والمنظومة الصحية ككل لانو الرضاعة تحتاج مرافقة توعية دعم وتشجيع ولكن للاسف هادا راهو معدوم تماما.
Meriem zenati
#Importance #Des #Tétées #Nocturnes
#Sommeil #Bébé
#Informations #Sensibilisation
#Admin
سلام الاخوات
عندكم علم بفوائد الرضاعة الليلية لانو واحد الافكار خاطئة جدا تروج بانها غير نافعة وحتي، مضرة!!!! وهي صادرة من اشخاص ليس لها اي علم او اطلاع بالرضاعة الطبيعية.
عندكم علم بلي الحليب يكون غني جدا وفي اصفى صورة ليلا خالي من النكهات ، بلي الرضعات الليلية اطول مغذية واحسن والحليب اغنى وتكون الام متفرغة اكثر لرضيعها عكس النهار مشغولة غير ترضع شوية وتحط، عندكم علم بلي مستوي البرولاكتين يكون في اعلى مستوياته بين الطناش والستة تاع الصباح يعني كاين حليب اكثر في هاد الفترة الدليل تتشمخو بحليبكم فالليل احيانا ، عندكم علم بلي الرقاد تاع الصغير ماعندوش علاقة بالشبعة وانما بنضج الجهاز العصبي والدليل حتي صحاب الصناعي فالليل يولو ينوضو يوجدو و يمدو بالبيبرو والربعة حتي بعد العامين ، عندكم علم بلي اللي ترضع فالليل عمرو لا ينشف سدرها ودايما فيها لحليب وهي لي تكمل الحولين، عندكم علم بلي اللي ماترضعش الصغير فالليل يتحجر حليبها للصباح وبلي الثدي اللي يتحجر فيه بزاف لحليب مع الوقت يفهم بلي كاين طلب اقل فبتالي ينقص الانتاج تحت تاثير بروتينات مثبطة وينقص لحليب، عندكم علم بلي الرضاعة الحصرية وخصوصا الليلية تمنع الحمل الست اشهر الاولى وهي من اقوى موانع الحمل
الاخوات اللي ماترضعش فالليل تمد التيزانة السوسات رضاعتها ماشي صحيحة تماما ،الرضاعة الحصرية هي ارضاع عند الطلب نهارا وليلا غير حليب الام يدخل كرش الصغير وغير ثدي الام يدخل فم الرضيع هادي هي الرضاعة الصحيحة وننوه لمزايا الرضاعة الحصرية مدة ست اشهر
◆بيها ياخد اكثر حليب اكثر مناعة اكثر عوامل نمو اكثر حنان اكثر يقوي عضلات الفك والوجه وتكون عندو صحة فموية جيدة جدا،
تاحسابلكم يا خياتي حليبكم غير للماكلة بل هو ماء يعطشو وغذاء باش يكبرو وحماية ودواء خصوصا فترة التسنين.... بالمختصر لازم نديرو ثقة في الرضيع لما يطلب الثدي راهو محتاج واحد من هاد الحاجات ماشي فشوش خصوصا لما يمر بفورات نمو وتزيد احتياجاتو باش يكبر ويطور مهاراتو العقلية والعصبية ! رضاعة الليل هي الصح سنتين ويكبرو وتولو تتوحشو هادو اليامات كي يتكورو فذ احضانكم ليلا لانهم كي يكبرو يتبدلو تولي التعنيقة بالتحلال وعدد ثواني قليل، لذا صبرا من جميع لي يقول الرضاعة الليلية مضرة ماعندو حتي ثقافة او علم بالرضاعة وجاهل تماما بمزاياها.
نجو الان للنوم تاع الرضيع
الرضيع عكس الثديات الاخرى يولد بعد تسع اشهر في بطن امو تابع كليا للام لا يعرف يتغذي وحدو لا يعرف يتنقل ولا ينام وحدو عدة اجهزة حيوية غير مكتملة النضج ومنها جهازهم العصبي و الدماغ ونومهم متقطع لا يشبه نوم الكبار يستيقظون عدة مرات فالليل.
◆.اولا يستيقظو بسبب ميكانيزم حماية طبيعي وحب للبقاء والعيش وذلك بتفادي الدخول في النوم العميق جدا و تفادي انقطاع التنفس ومتلازمة الموت المفاجئة للرضع.
◆️ثانيا يحتاجو مرافقةو ملازمة شخص بالغ لهم وتوطيد علاقة وتلامس جسدي لتلبية حاجاتهم الغذائية والعاطفية كل وقت سواء نهارااو ليلا لمرافقتهم في رحلة التعلم وتفعيل مهارات جاهزة اصلا في الدماغ وذلك لنمو سليم .
◆️ثالثا حليب الام هو غذاءهم الوحيد وهو سريع وسهل الهضم مازال باش يخزنو حريرات لليل مثلنا احنا الكبار لذا فمن العادي انهم يجوعو ليلا ويطلبو الرضاعة كما انو ليلا يكون مستوى هرمون البرولاكتين في قمته ويكون الهدوء ونقص الضوضاء والمشوشات
الحسية لذلك ينوضو يرضعو، الرضعات الليلية تضمن ادرار اكثر رضعات طويلة مغذية جدا حليب ذو نوعية جيدة .
◆️رابعا ماتنساوش حتى الانسان البالغ يستيقظ ليلا من العطش او الخوف او القلق الرضيع كيفو فقط هو بحاجة احد الوالدين لتهدئته واعادة تنويمه.
◆️واخيرا طرق تعليم الرضع النمو للصباح في الحقيقة لا تعلمه ان ينام عدة ساعات متتالية بدون تقطع فهذا مستحيل بيولوجيا بتلك الطرق يستيقظ عدة مرات ولكن يعلموه يعاود يرقد وحدو وان يستيقظ بدون بكاء او مناداة الوالدين او احداث ضوضاء بعد ما يفقد الامل في حضورهم بعد عدة ايام من عدم استجابتهم لندائه ليلا ولكن حذاري صح مايعملش ضوضاء ولكن مستوى الكورتيزول يبقى عالي عندو مما يوثر عليه سلبا مستقبلا
يعني عموما الرضع لازم ينوضو فالليل يرضعو وهاديك طبايع تاع يحنطوهم كيلمومياء ويصرعوهم بالاعشاب ماراهيش في صالح لا الرضيع ولا الام ورضاعتها خصوصا كي يتحجر لحليب في سدرها ماشي مليح لازم السدر يتفرغ باش تستمر الرضاعة تخلوه يحجر بزاف راح ينقص كمية انتاج لحليب لانو يفهم بانو الرضيع مايطلبش بزاف الحل هو مشاركة الفراش او الكودودو ، بالتوفيق.
لا نحمل المسؤلية اطلاقا للام وانما للمجتمع والمنظومة الصحية ككل لانو الرضاعة تحتاج مرافقة توعية دعم وتشجيع ولكن للاسف هادا راهو معدوم تماما.
Meriem zenati