الصحة من النِعَم اللي بننسى نحمد ربنا عليها، خصوصًا لما يكون شخص سليم مش بيعاني من أمراض؛ فيتعود على المعافاة، ويفقد الشعور بأهميتها!

يعني مثلًا إحنا مش بنفكر قد إيه جسمنا بيشتغل في صمت..
القلب بينبض من غير إزعاج، والرئتين بيوزعوا النفس من غير ما نشعر، وكل خلية جوانا بتشتغل بشكل عجيب مُتقَن علشان نعيش يوم جديد.

نعمة عظيمة جدًا لكن للأسف الشيطان دايمًا بيحاول ينسيك قيمتها؛ عشان يبعدك عن شكرها..
ومن شكرها إنك تهتم بصحتك، وتستخدمها فيما يُرضي الله عز وجل.

الخلاصة..
اللي عنده صحة، عنده كنز!
واللي عنده كنز لازم يحافظ عليه.

د/محمد الغليظ.