س/ هو ينفع البنات تحفظ قرآن مع شيخ؟

ج/
لو البنت في سن ابتدائي قبل التكليف يعني فينفع تحفظ مع شيخ

- أما بعد التكليف أو من أول سن إعدادي فالحفظ مع شيخ باب فتنة كبير جدا ومليان محظورات زي كتر الاختلاط بدون حاجة وزي تحسين صوت البنت بالقرآن اللي طبعا ماينفعش في وجود رجال
ولو حتى قولنا هتقرأ من غير تحسين لصوتها 👈هنا برضو فيه مشاكل تانية زي الاختلاط بالرجال بدون داعي بالذات مع توفر محفظات القرآن في كل مكان فمانفتحش على نفسنا باب فتنة كبير

س/ طيب مانعتبر درس القرآن زي أي درس ..مااحنا بنروح دروس وبيبقوا مدرسين رجالة عادي؟
ج/ الأمر في القرآن مختلف لسببين :
1️⃣ توفر المحفظات البنات فمافيش حاجة تستدعي الحفظ مع رجال بعكس المدرسين اللي ممكن يكون كل اللي شرحه كويس رجال
2️⃣ المدرس في الدرس هو اللي بيشرح مش البنت اللي بتسمع إلا لو سأل سؤال بنت جاوبت وده هياخد حكم الكلام العادي وإن صوت البنت لو مافيهوش خضوع أو ترقيق مش حرام
وطبعا الدرس لازم يكون فيه الضوابط بسن البنت والمدرس من عدم الخضوع بالقول ومايبقاش فيه تساهل في الكلام وهزار وخلوة

#رسايل