محدش بيبقى عارف إنك لما بتتجوز وتخلف إنك هتسمي بنتك باسم الex بتاعتك اللي محدش يعرفها، ولا حد هيعرف لو هتسمي ابنك باسم الex أو اللي كنتي بتحبيه ومحدش يعرفه .. كلنا هنشوفه اسم عادي حتى شريكك ..شيء مش محتاج رقيب من حد خارجي، لكنه محتاج شرف بينك وبين نفسك إن دا عيب وخيانة للامانة.
محدش هيعرف وانت نازل الصبح واقف أدام المراية بتتشيك أوي وبتحط بيرفيوم جميل، إذا كان دا لاهتمام شخصي ولا عشان في حد في دماغك في الشغل غير شريكك لافت نظرك وعايز تبهره..هو مجرد شيء محتاج شرف بينك وبين نفسك.
محدش هيعرف إنك بتشغل أغنية معينة عشان بتفكرك بحد كنت بتحبه زمان، شريكك هيشوفها أغنية انت بتحبها عادي.
مش هتتقفش ولا حد هيحاسبك، لكنه شئ محتاج شرف بينك وبين نفسك.
محدش هيعرف إنك لسه شايل صور حد بتحبه وبتبص عليها كل فترة وانت في علاقة مع شخص تاني.. محدش هيعرف إنك بتفتح chat قديم بينك وبينه بتقراه .. أو خاتم أو سلسلة كان جايبهملك ولسه شايلهم.. حاجات محتاجة شرف بينك وبين نفسك.
أمثلة كتير ممكن تتقال محدش بيتطرق ليها لإنها فعلًا بين الانسان ونفسه فقط..جوا دماغ الانسان "يستحيل" تعرفها او تدركها.. وهنا تحديدًا اللي بسميه الشرف "الحقيقي".
بحب تعاليم كتير في الدين، لكن لو ليا إن أختار مبدأ فيهم شامل تقريبًا كل حاجة، هيكون:" اعبد الله كأنك تراه، فإن لم تكن تراه فإنه يراك."
كأنك تراه.. انت فعلًا مش شايفه حقيقة ملموسة بأيدك، لكنه فكرة دايمًا حاضرة في ذهنك، اللي بالتبعية هيخليك شبه تعمل كل حاجة صح (أو صح بأكبر نسبة ممكنة).
الشرف مش محتاج رقيب خارجي، محتاج تكون انت رقيب نفسك..مش من دافع خوف ولا حد هيحاسبني، لكن "أنا" اللي مقبلش على نفسي إني أعمل كده عشان وقتها هكون خاين للامانة.
الحب محتاج انسان يبقى شريف ومُخلص مع نفسه قبل مايكون مع شريك حياته، لا يقبل "على نفسه" مش عليك، إنه يكون دنىء. الشريف مع نفسه، اللي بوصلته نفسه، عمره ما يهينك ولايجرحك ولا يخونك حتى لو في خياله.
إسراء الجيزاوى
محدش هيعرف وانت نازل الصبح واقف أدام المراية بتتشيك أوي وبتحط بيرفيوم جميل، إذا كان دا لاهتمام شخصي ولا عشان في حد في دماغك في الشغل غير شريكك لافت نظرك وعايز تبهره..هو مجرد شيء محتاج شرف بينك وبين نفسك.
محدش هيعرف إنك بتشغل أغنية معينة عشان بتفكرك بحد كنت بتحبه زمان، شريكك هيشوفها أغنية انت بتحبها عادي.
مش هتتقفش ولا حد هيحاسبك، لكنه شئ محتاج شرف بينك وبين نفسك.
محدش هيعرف إنك لسه شايل صور حد بتحبه وبتبص عليها كل فترة وانت في علاقة مع شخص تاني.. محدش هيعرف إنك بتفتح chat قديم بينك وبينه بتقراه .. أو خاتم أو سلسلة كان جايبهملك ولسه شايلهم.. حاجات محتاجة شرف بينك وبين نفسك.
أمثلة كتير ممكن تتقال محدش بيتطرق ليها لإنها فعلًا بين الانسان ونفسه فقط..جوا دماغ الانسان "يستحيل" تعرفها او تدركها.. وهنا تحديدًا اللي بسميه الشرف "الحقيقي".
بحب تعاليم كتير في الدين، لكن لو ليا إن أختار مبدأ فيهم شامل تقريبًا كل حاجة، هيكون:" اعبد الله كأنك تراه، فإن لم تكن تراه فإنه يراك."
كأنك تراه.. انت فعلًا مش شايفه حقيقة ملموسة بأيدك، لكنه فكرة دايمًا حاضرة في ذهنك، اللي بالتبعية هيخليك شبه تعمل كل حاجة صح (أو صح بأكبر نسبة ممكنة).
الشرف مش محتاج رقيب خارجي، محتاج تكون انت رقيب نفسك..مش من دافع خوف ولا حد هيحاسبني، لكن "أنا" اللي مقبلش على نفسي إني أعمل كده عشان وقتها هكون خاين للامانة.
الحب محتاج انسان يبقى شريف ومُخلص مع نفسه قبل مايكون مع شريك حياته، لا يقبل "على نفسه" مش عليك، إنه يكون دنىء. الشريف مع نفسه، اللي بوصلته نفسه، عمره ما يهينك ولايجرحك ولا يخونك حتى لو في خياله.
إسراء الجيزاوى