Post #21510 — 🎤قصائد خالده مكتوبه🎤 (@lrtyhu18)

TGStat

Type to search

Advanced channel search

English

Site language

Russian English Uzbek
Sign In

Catalog

Channels and groups catalog Search for channels
Add a channel/group
Ratings

Rating of channels Rating of groups Posts rating
Ratings of brands and people
Analytics
Search by posts
Telegram monitoring

🎤قصائد خالده مكتوبه🎤

20 Jan, 14:52

Open in Telegram Share Report

#تراث گعدية

لسيدي ومولاي باب الحوائج
الإمام موسى بن جعفر روحي فداه

مسجون إو غريب إو ما له چاره
إو ساقه المنجرح دم إيتجاره
(وإمكبّـل الساگين...ياباب الحوائج)
ــــــــــــــــــــــــــــــــــــــ
عادة ما بين الحمايل كل غريب إبدار غربه
إيطيح بشراك النوايب والنوايب تملي گلبه
لا بد إمن الناس عين إتعينه بيها إيشوف دربه

إو باب الحوائج غربته
سيف إو تگص إبچبدته
إو ماله معين إبشدته
غير صبره إو لطف ربه

حتى دمعة الكـاظم غريبه
تتفايض إمن إعيون المصيبه
إو تصرخ دمعة العين...ياباب الحوائج
ــــــــــــــــــــــــــــــــــــــ
لو گلت غربة الكاظم بالگلب يسعر جمرها
هاك إخذ يالمحب سجنه إو غربته إيهوّن أمرها
مو سجن طاموره حدر ألأرض يا مصعب عسرها

ما ينسمع بيها اليون
(المسجون بيها ممتحن)
ألله الله السجن
چبدة الكاظم فطرها

سجن المظلم إبليله إو نهاره
والمسجون ما يـاخذ قراره
وإمرضرض الجنبين...يا باب الحوائج
ــــــــــــــــــــــــــــــــــــــ
هذا وصف السجن كافي إو دمعتك لمصابه هلها
خاف إبينلك مصيبه والمصيبه متحملها
بالسجن يندب الكاظم للسلاسل من يحلها

مسجون وإمفارج هله
والضرب حيله نحله
والجمر جمر السلسله
مهجة الكاظم شعلها

إو روحه إمگطعه إبشفرة إهمومه
إو جرح الساگ تتفايض إدمومه
وإمكبل المتنين...ياباب الحوائج
ــــــــــــــــــــــــــــــــــــــ
غربة الكاظم إو سجنه هانت إبشدة حديده
إنحب إنحب يالموالي إو زيد ون الچبد زيده
وأرد أبينلك مصيبه إو خايف الگلبك تچيده

بالكـاظم إشسوه الدهر
والسندي ما تدري إشسطر
وإبيا وجه خله ألأثر
إبوجه ناموس العقيده

إو ظلت سطرة السندي علامـه
جمره إو تسعر اليوم القيامه
بگلوب الموالين...يا باب الحوائج
ــــــــــــــــــــــــــــــــــــــ
إشلون إربو طعش عام إگضيتها إبشده إو نوايب
بالسجون إتلوج روحك والگلب مجمور ذايب
وحدك إتجود إو تعالج لا عمام ولا گرايب

صبرك إبحلمـك متصل
من النوايب ما تمل
تاليـها بالسم تنچتل
إو هاي أمضه إمن المصايب

مسجون إو غريب إو يسمونك
إو من سجنك عبيد إيشيعونك
إو فگدك يتم الديـن...يا باب الحوائج
ــــــــــــــــــــــــــــــــــــــ
بالغرب مطروح نعشك والفلك دونك مداره
والملك صاعد إو نازل عالجسر نعشك مزاره
إو سل البگلبك إبگلبي إو جمر يتطاير شاره

والغـدر بالسم چتلتك
وإمحيرين إجنازتك
هزت العالم غربتك
بچّت إعيون النصاره

جسمك ظل ثلث تيام مرمي
إو ساگك من نزيف إدماك مدمي
إو يومك يـوم الحسين...يا باب الحوائج
ــــــــــــــــــــــــــــــــــــــ
شيعو نعشه عبيد ألأربعه إبظاهر الحاله
إو باطن التشييع آيه إو نصّت من رب الجلاله
إو نزلت إصفوف ألأملاك إتشيعك بإسم الرساله

وجبريل وأشراف الملك
بإسم الشهاده شاهدك
إو علم ألإمامه إو مسندك
للرضا صار إنتقاله

وإضلوع الرضا إلفگدك حناهه
والديـن إو هله معلن ب آهه
إو تتصارخ الكونين ... يا باب الحوائج

كاظم المنظور الكربلائي

(336)

#اللهم_عجل_لوليك_الفرج

1k 0 9 3

Catalog

Channels and groups catalog Channels compilations Search for channels Add a channel/group

Ratings

Rating of Telegram channels Rating of Telegram groups Posts rating Ratings of brands and people

API

API statistics Search API of posts API Callback

Our channels

@TGStat @TGStat_Chat @telepulse @TGStatAPI

Read

Blog Telegram Research 2019 Telegram Research 2021 Telegram Research 2023

Contacts

Support Email Jobs

Miscellaneous

Terms and conditions Privacy policy Public offer

Our bots

@TGStat_Bot @SearcheeBot @TGAlertsBot @tg_analytics_bot @TGStatChatBot

ИП Кижикин | ИНН: 616803600305 | Москва, Оборонная 6-28

Site language