حكاية القبول دي حاجة جميلة أوي بصراحة، ممكن متكونش الأجمل أو الأحلى من وجهة نظر معايير الجمال بس عندك حضور يخليك مميز، وناس كتير تحب تكون حواليك تبقى الشخص اللي لما يكون موجود في قعدة، الأجواء بتكون أحلى، ولو مش موجود، الناس تلقائيًا تفتكرك وتجيب سيرتك بـ كلام زي "دا حد جميل جدًا" بتحس إنك حرفيًا كسبت نقط زيادة تعويض عن اللي راحت منك بسبب معايير الجمال العقيمة في الآخر، الخفة والقبول دايمًا يكسبوا.