فزاعيه جنوبيه للامام الكاظم عليه السلام
========

تهد الحيل .. ماترحم  الزنزانه

ماتنراد شلت حال مولانه

========

تهد الحيل شلت حال كاظمنه

ابن شاهك نذل ماينحمل سجنه

يومك سيدي يابو الرضا هدنه

وهدانه // يومك يلكاظم

➰➰➰➰

ايده مرضرضه
والزند مكسوره

من السنسله الرجلين محفوره

وچبده من السموم الولي مفطوره

ومفطرينه// گلبك بلسم

➰➰➰➰

بطاموره غميجه ومنهدم حيله

نهاره ساجد يصلي مع ليله

بهيده تنسمع نغمة تراتيله

قرأنه// والليل ايرتل

➰➰➰➰

بطامور السجن وسفه يقيدونه

وماخلو هله وبته يشوفونه

من سوط ابن شاهك ورمن امتونه

ومرضوضه// ومتون الولي

➰➰➰➰

ليله اظلم سجنهم ماكو كل گمره

صارت عيشته وسط السجن مره

سموم الناصبه بگلب الولي يسره

ومسمومه// ياچبد الكاظم

➰➰➰➰

عاش العمر كله بعيد وبغربه

ساجد سيدي ومافارگ التربه

وتالي السم سره بلكاظم وگلبه

وفجعونه // وموت الوالي

➰➰➰➰

وسفه بلسجن محد دره بحاله

ودمعات الحزن للأهل هماله

بسم انمرد ياوسفه دلاله

ودلاله// ممرود ابسمهم

➰➰➰➰

ابنچ منهظم يلزهره روحيله

من ظيم الحبس والسجن تچيله

جبده موذره والسم سرى الليله

وتچيله//ابنچ مسموم

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018