قصيده ثقيله للامام موسى الكاظم عليه السلام
=======

شگد شبه  بيناتكم موسى السجين

وبين جدك علي زين العابدين

هيه نفس السلسله
الكاظميه وكربله

بلمصايب والحزن متشابهين
شگد شبه بيناتكم موسى السجين

=======

بلظبط نفس السلاسل والقيود

العذبن رجليك
ومتون الزنود

برگبة الوالي بقن بلطف  شهود

السوون اثار الجلد وچتافه سود

هوه زنجيل الألم
الرض رگبتك والقدم

والعذاب المر عليكم والانين
شگد شبه بيناتكم موسى السجين

🏴🏴🏴

نفس ظلم الطاغيه وذاك الجسر

شافه جدك علي عاشور الظهر

يوم شاف حسين طاح من المهر

وخارجيه صاحو اعلى ام الخدر

عليك صاحو رافضي
لزين صاحو خارجي

ثنينكم تبچون لمصاب الحسين
شگد شبه بيناتكم موسى السجين

🏴🏴🏴

شلون دارو بيك من حبس الحبس

ولوعك هارون حد گطع النفس

جدك السجاد فراه الرجس

داره بلبلدان ايزيد النجس

الجره اعليكم ماجره
بلخلگ  مادايره

عذبوكم هلطغاة المجرمين
شگد شبه بيناتكم موسى السجين

🏴🏴🏴

طفها وي بغدادها متوالمه

نفس ذاك الحقد نفس الشرذمه

ايدك بقيد السجون  مثلمه

ورگبة السجاد تجري من الدمه

ال بيت المصطفى
نورهم ليش انطفى

ثنيهم بلغرب وسفه
ميسرين
شگد شبه بيناتكم موسى السجين

🏴🏴🏴

المر عليك ابنفس صبرك والحزن

سنين عمره وعمرك بغربه طفن

شفتو حزن ونايبه وغربة وطن

مارحم بيكم يسادتنه الزمن

ثنينكم شفتو المصاب
والچبد بلسم مذاب

خلصن بلوعه جراحات السنين
شگد شبه بيناتكم موسى السجين

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018